سمبوسك بعجينة مميزة جدا
معكم صديقة زاكي الشيف الموهوبة هناء الاطرش
سمبوسك
المقادير طريقة العجينه:
كيلو طحين ..وملعقة بيكنج باودر وملعقة فانيلا وملعقة سكر وملعقتين ملح وملعقة خميره فوريه وملعقة حبة البركه وملعقة كركم وبيضه واحده ونص كاسة زيت زيتون ونص كاسة زيت ذره وكاسة رايب
بنعجنهم بماء دافئ كتير منيح وبنريح العجينة نصف ساعه وبعدها بنشتغل فيها
الحشوه عباره عن:
لحمه مفرومه ناعم و4 حبات بصل مفروم ناعم بنحطهم في طنجره مع شوية زيت ذره وبهارات مشكله كمون وفلفل اسمر ورشة كركم وبهار مشكل وبس يدبلو بنحط فوقهم حمص حب و4 حبات بطاطا بنكون مقطعينهم لمكعبات صغيره وبنقليهم بزيت حامي حتى يشقر لونهم
ثم بنضيفهم للحشوه وبنقلبهم واخر شيء بضيف بقدونس ولوز محمص ….واخر شيء بنقطع العجينه لكور صغيره قد البيضه وبنضع بكل حبه ملعقه كبيره من الحشوه وبنسكر الحبه زي شكل حبة القطايف وبتضغطي على الاطراف بالشوكه وبتقليهم بزيت غزير والحراره تكون متوسطه وصحتين
