طحينية شغل البيت هدية للناس المغتربين اللي ما بلاقوها
معكم صديقة زاكي الشيف الموهوبة Salam Zayed Um Khaloody
#طحينية_شغل_البيت كونه ما بلاقيها دايما وازا لقيتها سعرها مكلف حبيت اجربها بتمنى تجربوها .. كتير بتفرق عن الجاهزة بعض المنتجات بيكتبوا عالعلبة سمسم صافي 100% وبنلاقي نسبة الطحين اكتر ملزقة بالقاع شغل البيت بضل اضمن
#المقادير :
كوب سمسم ابيض
كوب زيت نباتي وازا في زيت سمسم افضل
ربع كوب طحين
رشة بسيطة ملح
الطريقة:
بحط السمسم بقلاية عالغاز عنار اقل من الوسط مع التقليب المتواصل ما بدي احمص السمسم مجرد ما اشوف انه زيت السمسم بدا يطلع بقلبه تقليبتين وبطفي النار
وبحط بشاف الخلاط او بالمطحنة بطحنه كتييييير منيح متل ما هو موضح بالصورة وبعدين بحط الزيت وبخلطهم كتير منيح وبضيف الملح والطحين وبخلطهم منيح
ازا حسيتي القوام رخو كتير ضيفي طحين وازا كان ثقيل ضيفي زيت فرغي الكمية بعلبة واحفظيها لوقت الاستعمال وصحتين وهنا .
ممكن تستخلصي زيت السمسم من علبة الطحينية الوجودة عندك الي بكون عوجهها
.