طريقة التتبيلة لالز و اشهى دجااااج يمي يمي
مع صديقة زاااكي المذهلة و الراائعة Amal Mahmoud
الطريقة
تتبيلة الدجاج عندي بفرم بصل وببرش زنجبيل وتوم وقرن فلفل حر وبخلطهم
ممكن تضيفي كزبرى ونعنع طازة بس ولادي ما بحبوهن.
بعدين ضيفي البهارات كزبرى ناشفة وكركم وكمون حب وفلفل بودرة وبهارات الكاري ام بهارات الغرام ماسالا الموجود عندك.
حطي عليهن كوب لبن وربع كوب زيت نباتي وعصير حامضة وملح وحركيهم منيح
وحطي قطع الدجاج انا استعملت قطع الفخاد مقطوعين بالنص ومنزوع الجلد عنهم.
اتركي قطع الدجاج بالنقعة لعدة ساعات او ليلة كاملة.
انقعي رز بسمتي بعد غسله عشرين دقيقة.
اغلي ماء على الغاز وضعي معلقة كبيرة ملح ومعلقة زيت وعود قرفة وورقتين غار
لما تغلي الماء سقطي الرز المنقوع والمصفى
وبس تغلي المي عيري دقيقتين او تلات فقط وصفي الرز واتركيه جانباً.
ضعي طنجرة كبيرة على الغاز وضعي فيها معلقة زيت وورقتين غار وعود وقرفة قلبيهم حتى يتحمصوا
ضيفي قطع الدجاج وقلبيهم على الجهتين
ثم ضعي فوقهم خلطة النقعة وضعي ماء او مرق غمرتهم فقط
واطبخيهم مغطيين حوالي تلت ساعة.
ضعي الرز المسلوق والمصفى فوقهم وضعي معلقة سمنة او زبدة فوقهم
ذوبي معلقة صغيرة كركم بماء او رشة زعفران بماء بارد
وضعيهم على وجه الرز دون أن تحركي الرز.
اطبخي الرز على نار خفيفة حوالي تلت الى نصف ساعة.
اطفي الغاز واتركي الطنجرة مقفلة حتى تهدا اسكبي الرز في جاط التقديم
وزينيهم بقطع الدجاج والمكسرات او البصل المحمر ورشة بقدونس.
والف صحة وعافية
