معمول السميد والطحين والنتيجة أكبر برهان على إنو الطريقة ممتازة

معمول السميد والطحين والنتيجة أكبر برهان على إنو الطريقة ممتازة
معكم صديقة زاكي الشيف الموهوبة MAi Abdullah

المقادير :
2 كيلو سميد خشن
2 كيلو طحين الفرخة ( سميد ناعم)
كيلو طحين ابيض
2 كيلو سمنة انا حطيت علبتين سمنة الغزال الي بتيجي فيها 1000 غرام
و تقريبا كاس زيت مازولا
سكر حسب رغبة يعني من 3 ل 2 كوب
5 ملاعق كبار شومر و يانسون مطحون
معلقة محلب
ملعقة صغيرة مسكة
كوب حليب بودرة
ملعقتين خميرة
ماء دافي للعجن

مقادير الحشوة :
تمر للحشوة عليه
معلقتين قرفة
2 معلقة كبيرة سمسم و
2 معلقة كبيرة قزحة
وزبدة للعجن

الطريقة :
نضيف السميد و الطحين والسكر وبهارات الكعك و المستكة و المادة الدهنية و من ثم نبس السميد وبنشتغل فيه تاني يوم او خليه يومين وبس بسي كل يوم

تاني يوم بنحط الخميرة وبنجيب جزء من خليط السميد وبنحط عليهم حليب البودرة و بنعجن بماء الدافي طبعنا بروس الاصابع مش العجن العادي

وبس تتماسك العجينة و تلف معك بتحشيها بخليط التمر الي عليها سمسم وقزحة وقرفة ومعجون بالزبدة ويتم تشكيله حسب رغبتك ممكن تعملي كعك او نقش او بالقوالب المخصصة للمعمول بس اسهل شي اللف واحلى
وصحة وعافية