خبز المقلاة الهش بجنن و لزيز
مع صديقة زاااكي الراائعة و المذهلة Salam Zayed Um Khaloody
المقادير
نص كيلو طحين
كوب وربع ماء دافئ
2 م ك حليب بودرة
1 م ك سكر
1م ك خميرة فورية
1 م ص ملح
بحط النواشف مع بعض وبدمجهم منيح
وببدا اضيف الماء واعجن لاحصل على عجينة طرية وقليلة الالتصاق بغطيها وبتركها
ترتاح نص ساعة او ليتضاعف حجمها حسب حرارة الجو وبحطها عسطح مرشوش بشوية طحين
وبعملها متل رول وبقطعها لخمس قطع وبكور كل قطعة
وبرتبهم عمسافات متباعدة وبغطيهم ليرتاحوا 20 دقيقة بعد هيك باخد اول كرة
وبفردها بإيدي ببدا من الوسط وبحاول افردها بخمل 2 سم وبعطيها شكل دائري مرتب
وبحطها جنب وبغطيها وبكمل باقي الكمية وبتركهم نص ساعة ليتضاعف حجمهم
بكون مجهزة قلاية مضادة للالتصاق بحميها منيح وبحط م ص زيت
قلي فيها وبوزعه منيح باخد اول رغيف وبحطه بالقلاية
وبعمله فتحة من الوسط استخدمت ايد ملعقة خشبية
وبتركه ينخبز عنار اعلى من الهادية بشوي
وبصير كل دقيقة اقلب الرغيف عشان يستوي
وياخد لون حلو وهيك لاخلص كميتي وصحتين وهنا
****عشان يطلع الخبز تمام التمام معك ينعجن منيح ولازم ياخد وقته بالتخمير .
