حلاوة الجبن فخمة الطريقة يا صبايا والطعم ملكي
حلاوة الجبن فخمة الطريقة يا صبايا والطعم ملكي
معكم صديقة زاكي الشيف الموهوبة Fatima Souliman
الطريقة:
كاسة سميد ناعم
كاستين حليب سائل
كاستين جبن موتزايلا
3معالق سكر
معلقة صغيرة ماء الزهر
اول شي بنحط الحليب والسكر على النار ليدوب السكر تاني شي بحط الجبن المبروش فوق الحليب وبقلب منيح ليدوب كل الجبن ويصير مطاطي
بحط معلقة الماء الزهر وبستمر بتحريك اخر شي بحط كاسة السميد الناعم وبحرك حتى يصير الخليط قطعة وحدة بطفي النار
وبفرد العجينه بلقطر يعني بتحطي قطر تحت وفوق العجينه وبفردها بالشوبك لتصير كتير رقيقة وبحشيا جبن ماسكر بوني او قشة او قريش الحليب او المتوفر وبلفا رول متل السندويشة وبحطا بلبراد لوقت التقديم
بقطعا وبزينا بفستق حلبي او جوز الهند وبرش عليها قطر تقيل
القطر:
1كاسة ونص سكر 1كاسة مي معلقة صغيرة عصير ليمون بخلط سكر والمي ع البارد وبحطن ع النار بتركن يغلو 5دقايق او اكتر شوي حسب مابتحبي كثافة القطر واخر خطوة بحط معلقة عصير الليمون وبستخدمه والف صحة وعافية
