الكيكة المخملية الحمراء دلل نفسك بأشهر الحلويات العالمية

الكيكة المخملية الحمراء دلل نفسك بأشهر الحلويات العالمية
معكم صديقة زاكي الشيف الموهوبة Salam Zayed Um Khaloody

#Red_Velvet #كيكة_ريد_فليفت_الكيكة_المخملية:
كوب وربع طحين
نص كوب لبن شنينة(الخاثر) او 2 م ك لبن زبادي بتدمجوهم بنص كوب مي
3/4 الكوب سكر
ربع كوب زبدة لينة
بيضة حجم كبير
1 م ك كاكاو
1م ك ملون طعام احمر
م ص فانيلا
نص م ص خل
نص م ص كربونات الصوديوم
ربع م ص باكنغ باودر
رشة ملح

بنخل الطحين مع الكاكاو والباكنغ باودر وبتركه عجنب بحط الزبدة والسكر بخفقهم وبس يتجانسوا بضيف الفانيلا والملح وبخفقهم وبنزل البيضة وبخفقهم لاحصل عقوام متل الكريما

بعدين بنزل اللبن المضاف له اللون الاحمر(بتدمجي اللون مع اللبن) وبتبدي تضيفي الطحين عتلات دفعات واللبن عدفعتين(ابدي بالطحين وانهي بالطحين) وحاولي ما تبالغي بالخفق مجرد ما انهم يندمجوا بس

واخر شي بتضيفي كربونات الصوديوم والخل وبتقلبيهم منيح بالملعقة وبتصبي الخليط بالقالب المجهز مسبقا وبتخبزي الكيكة بفرن محمى مسبقا عدرجة حرارة 180 وازا فرنك حامي 160 كافي

وبتراقبي نضجه بعود خشبي بتتركيه يبرد تماما وممكن تزينيه بكريما شانتييه(او كريما الجبن حسب رغبتك) وبتزينيه بفتافيت من نفس الكيك او بتخليه سادة بدون شي وممكن تبردي الكيكة بالتلاجة بعدين تقدميها كتير زاكية .. وصحتين وهنا