شعيبيات تركية طعمها مش طبيعي من الزكاوة

شعيبيات تركية طعمها مش طبيعي من الزكاوة
معكم صديقة زاكي الشيف الموهوبة أم بروء ( علي القطارنة)

الشعيبيات:
3 كاسات طحين وممكن زيادة شوي نص كاسة زيت مازولا نص كاسة حليب سائل دافي نص كاسة لبن رايب رشة ملح معلقة صغيرة باكينغ باودر نخلط المواد ونترك العجبنة ترتاح 4 ساعات

وبعد هيك بنقسم العجينة لعشرين قطعة بحجم حبة الليمون وتترك ترتاح مرة اخرى وبعد هيك بنرق العجينة منيح بالنشا وبنحطها ع جهة وبنرق باقي القطع ونضعها فوق بعض وبينهم نشا

بعد هيك بنرقهم وهمة فوق بعض بسيرو رغيف كبير بعد رقو بنلفو متل السويسرول وبنقطعة وبنرق كل قطعة لحال وبنسكرها بنفس طريقة القطايف ولتخلص الكمية

بندهن الصينية سمنة وع وجه كل حبة سمنة وهي بالفرن بنحط كمان مرة عليها سمنة بالفرشاي وبس تتحمر ونطلعها من الفرن بنرش عليها القطر والفستق الحلبي وصحتين وعافية 🤗
الحشوة قلب جوز عليه قطر ورشة قرفة وجوز هند او قشطة