طاجن لحم الخاروف بالخضار احفظي الوصفة لعيد الأضحى
طاجن لحم الخاروف بالخضار احفظي الوصفة لعيد الأضحى
معكم صديقة زاكي الشيف الموهوبة Samar Salah
طاجن لحم الخاروف بالخضار
عملتعا انا بالفخارة السيراميك مابدها اي معالجة قبل الاستعمال
بس في حالة بدنا نعملها بلفخارة بدها نقع ٢٤ ساعة بمي وملح وبنصفيها منيح وبندهنها سمنة وبندخلها الفرن نص ساعة لتصير جاهزة للاستعمال
هلا اول خطوة لعمل الطاجن
بنجيب لحم الخاروف وبنغسله منيح وبنصفيه من المي تماما
بنسخن ملعقة زيت بمقلاي وبنحمر اللحمة تحمير سريع على نار حامية لتاخد اللون الحلو وبنرش عليها ملح هيل قرفة فلفل اسود
بندهن الفهارة من جواتها بالسمنة والبهارات
بالفخارة بنحط الخضار الي بنحبها انا حطيت بطاطا وجزر وكوسا ممكن نحط بتنجان وبزلا وحمص مسلوق وبنضيف فلفل اخضر وحبتين بندورة وكمن سن ثوم
وبنغمر الخضار بلمي وبنرش عليها ملح هيل ببريكا وبنصف اللحمة على الوش وبنغطيها بقصدير وعلى الفرن بحرارة وسط بدها ساعتين
هلا ممكن نحط طبقة خضار وطبقة لحمة يعني اللحمة بين الخضار حسب الرغبة
وممكن نستبدل اللحمة بقطع الدجاج المتبلة كلو برجع حسب الرغبة
