صنية شيش طاووق بالفرن شي ناااهي في غاية اللذة

صنية شيش طاووق بالفرن شي ناااهي في غاية اللذة

مع صديقة زااااكي الشيف الموهوبة Aamal Mohmoued

الطريقة

الشيش طاووق صدور دجاج مقطعين

نتبلهم ملح وفلفل أسود كزبرى ناشفة كمون

كركم بابريكا وشوية شطة مجروشة

وانا حطيت معهم حبق ناشف او ريحان في ناس بسموه بيعطي طعم طيب

وممكن اوريغانو ونضع عصير حامضة ومعلقتين خل وتوم مهروس وزيت زيتون.

ثم نقطع فوق بصل جوانح وفليفلة حلوة اي لون موجود وحبات بندورة ونغلف الجاط اقل شي ساعتين في البراد.
ممكن ان نزيد بندورة كرزية ان وجدت قبل وضعه في الفرن. ونضعه في فرن وسط حوالي نص ساعة حتى ينضج ويتحمر.
البطاطا بالفرن
بنحط بطنجرة ماء على الغاز حتى يغلي نضع معلقة ملح ومعلقة خل ولما يغلي من جديد نسقط البطاطا المقطعة متل القلي وبس تغلي المي نعير دقيقة فقط ونصفيهم فوراً.

ثم نضعهم في جاط ونضع فوقهم شوي ملح وفلفل اسود وبهارات الكاري اختياري بتعطي طعم طيب كتير او بنحط بابريكا وكركم وزيت زيتون او نباتي معلقة ونحركهم ثم نضعهم على صنية عليها شبك اختياري او عليها ورقة زبدة او صنية مدهونة زيت ونضعهم في فرن وسط نص ساعة حتى يأخذوا اللون الذهبي الجميل.
واللي راح تاكل هاي البطاطا ما عاد تقلي ابداً
والف صحة وهنا