فطاير بالسلق والبقلةوالطعم روووعة
مع صديقة زااكي الشيف الرائعة Amal Mahmoud
طريقة العمل
عجينة الفطاير هي نفسها للسبانخ والبقلة والسِلق
اربعة اكواب طحين أسمر وكوبين طحين أبيض
نخلطهم مع معلقتين صغار ملح ومعلقتين صغار خميرة ومعلقة سكر او عسل.
نخلطهم مع بعض ثم نضيف عليهم ربع كوب زيت زيتون وحوالي كوبين ماء فاتر ونعجنهم ونريحهم حوالي نص ساعة ثم نقطعهم كرات ونفردهم ونحشيهم بالحشوة ونسكرهم ندهن صنية فرن بالزيت ثم نصف الفطائر وندهنهم زيت زيتون ونخبزهم حتى يشقروا.
الحشوة: نفرم بصل ونفركهم بالملح والفلفل والسماق ثم نضيف على قسم منهم اورق البقلة
وبندورة مقطعة وملح وعصير حامض وزيت زيتون.
وعلى حشوة السِلق نضيف على البصل سِلق مقطع وعصير حامض وملح وزيت زيتون
ثم نضع كل حشوة في مصفاي حتى نتخلص من الماء.
