هذا هو السر لعمل كنافة مثل الحلواني
معكم صديقة زاكي الشيف الموهوبة Malak Alrefaie
الطريقة:
نص كيلو كنافه نص كاسه حليب سائل ونص كاس سمنه انا بجيب الكنافه جاهزه من السوق بنفرم الكنافه على ايدنا ومنحط عليها نص كاسه سمنه وبعدين منفرمها على الماكينه او محضره الطعام لحتى تصير ناعمه مثل الرمل
بعدين منرطب الكنافه بنص كاسه الحليب منجيب صينيه ومندهنها سمنه بدرجه حراره الغرفه منغربل شوي من الكنافه بس الوجه ومنحط الكنافه بالصينيه ومنرصها منيح ومنحط فوقا جبنه عكاوي او جبنه موزريلا حسب الرغبه ومندخلها الفرن لحتى نشوف الأطراف احمرت منقلب الصينيه ومنحط القطر سخن