المقادير:
كيلو ورق عنب مسلوق
كاستين رز مغسول
ليمونه
بندوره كبيره ناعمه
بصله كبيره ناعمه
فليفله خضره ناعمه
باقه بقدونس
ملعقة كبيرة نعنع يابس
رشه بهار
فنجان قهوة دبس رمان
ملعقتين صغار حمض ليمون
ملعقة صغيرة فلفل
رشة ملح
نصف ملعقة صغيرة قهوه
نصف ملعقة صغيرة قرفه
الطريقة:
– نحط زيت زيتون بالطنجره لحتى تغطي القاع, نقلي البصل شوي وبعدين بنحط البندوره والفليفله ونقلبهم ليدبلو شوي وبحط الرز وبنقلبهم سوى كم تقليبه وبعدين بنحط الليمون, وشي فنجان قهوه دبس رمان حامض وشي ملعقتين صغار حمض الليمون وملعقه فلفل, رشه بهار, نص ملعقه قهوه, نص ملعقه صغيره قرفه ملعقه كبيره نعنع يابس, ونقلبهم منيح ونزيط ملحها واخر شي حطو البقدونس المفروم واطفو النار وقلبوهم وزبطو الملح متل مابدكم.
– عندما يبرد الأرز ابدؤا بلف اليبرق واهم خطوه انكم تلفوها بقوه ماتكون رخوه لانو فيها خضار وبدوب فلازم تشدو ايدكم وانتو بتلفو وكترو الحشوه جواتها منيح.
– هلا بالطنجره حطو بطاطا وبعدين رتبو ورق العنب بشكل متساوي وحطو فوقن زيت زيتون شوي شي فنجان قهوه وحطو صحن يكون مغطي اغلب الوجه تبع الورق وبعدين حطو شي يثقلو, اعملو مي وملح, واغمرو الورق وحركو الطنجره يمين ويسار لتتأكدو انو المي وصلت لتحت وشغلو النار واول ماتغلي خلوها تلات ارباع الساعه وبعدها حطو ليمون وحمض ليمون ودبس رمان ونعنع, وخلو حمضها شوي ظاهر وخلوها على نار هاديه تلات ارباع الساعه.
– عندما يستوي فرغوها من المي واستنو شي ربع ساعه تبرد, بعدين اقلبوها, وكمان استنو ربع ساعه وبعدين شيلو الطنجره مشان تاخد شكل القالب.
نسعد بمتابعتكم لنا على جروب “زاكي” على الفيس بوك, بالضغط هنا:
طريقة عمل اليلنجي أو ورق العنب بالزيت