الكشري على الطريقة المصرية بجننن

الكشري على الطريقة المصرية بجننن

مع صديقة زاااكي الشيف الرائعة Batota Shawky

الطريقة

الكشرى المصرى ( مقادير 6 أفراد)
اول حاجه نجيب 4 بصلات كبار مقطعه هلالات رفيعة ونحمرها في زيت غزير
بعد كدا نصفى البصل من الزيت ونترك البصل على ورق مط

الصلصه نجيب كيلو طماطم

مع 6 فصوص ثوم كبار

وبصله متوسطه

وقرن فلفل حامى كويس

فى الخلاط وبعدين نتركهم على النار

ونضع معاهم ربع كوب خل وشويه

من زيت البصل وملح وفلفل اسود وكزبره ناشفه

ونتركهم يغلوا وتبقى الصلصه خفيفه مش متسبكه

نيجى بقى نعمل الرز
كوب أرز مغسول وكوب عدس مغسول

ومنقوع حوالى نص ساعه

( العدس مش بلدى لأنه بياخد وقت في السوى انا استعملت عدس افرنجى)

وكوب شعريه
نجيب حله نضع فيها شويه من زيت البصل ونحمر فيه الشعريه

وبعد كدا نحط الرز ونقلب وبعدين العدس ونقلب وبعدين نضيف ميه

تغطيهم ومكعب مرقه وملح ورشه فلفل اسود

ونص ملعقه صغيره جنزبيل ونتركهم يغلوا ويشربوا

الميه وبعد كدا نهدى النار ونسيبهم يستوى💥بعد كدا نسلق نوعين مكرونه او نوع واحد

اللى يعجبك انا سلقت 400 جرام مكرونه اسباجتى وصغيره فى ميه \

وملح وشويه من زيت البصل ولما اتسلقت صفيت الميه وبعد كدا حطته

فى حله وقلبتها مع شويه من زيت البصل ورشه فلفل اسود

وتركتها لحين الإستخدام💥دقة الكشرى عبارة عن ملعقتين كبار

توم مفروم مع قرن فلفل حامى وربع كوب خل وربع كوب ليمون واقل من ربع كوب ميه

وملعقه صغيره من الملح والكمون ونص ملعقه

شطه ونخلطهم مع بعض ونتركهم لحين الإستخدام💝كدا الكشرى بقى جاهز ونغرف اطباق الكشرى ونزينها بالبصل المحمر ويا ريت كمان لو فيه بليله حمص نزيين بيها ويقدم مع الدقه وسلطة خضراء
وبألف هنا 😘😘😘😘