طريقة عمل اللازانيا باللحم المفروم بالصور, نوع من انوع المكرونه تطهى وتقدم بطريقه مختلفه ذات طعم لايقاوم لمحبي اللزانيا واليوم سنعرض لكم طريقة صنع اللزانيا بطريقتين على طريقة المبدعه Reemas Ghassan
المقادير للزانيا /
باكيت لزانيا
ماء مغلي
قليل من الزيت
ملح
المقادير للحشوه /
لحمه مفرمه
بصله كبيره
ثوم
ملعقتين معجون طماطم
حبتين طماطم مفرومه ناعم
بهارات
بقدونس
موتواريلا
المقادير للبشاميل /
نصف كوب زيت او زبده
5 كاسات ماء
6 معالق دقيق
4 ملاعق حليب بودره
ملح و بهارات
جبنه سائلة
موتزاريلا
طريقة اعداد اللزانيا /
بنسلق اللزانيا تقريبا 12 دقيقه في ماء مغلي ورشة ملح وقليل من الزيت
طريقة اعداد اللحمه /
في مقلايه بنقطع بصله كبيره وفصين توم وشوية زيت وبندبلهم بنضيف نص كيلو لحمه مفرومه وبنقلبها بنضيف ملح وفلفل اسود وكمون وبهارات مشكله حسب رغبتك .. وبنقطع شوية بقدونس وبنضيف عليها ملعقتين صلصة طماطم كبار وحبتين طماطم مفرومين وبنقلب اللحمه لتستوي وتتسبك
طريقة اعداد الباشاميل /
نضع نصف كوب زيت او زبده او بنخلط وبنحط عليهم 6 معالق طحين كبار مليانين وبنقلبهم في قدر عالنار
وبنحط في جاط 5 كاسات ماء و4 ملاعق حليب بودره وملح وفلفل وكمون وبنقلبهم وبنضيفهم عالطحين وبنحرك باستمرار ليثخنو بنحط ملعقة جبنه سائلة
طريقة التحضير /
– بنجيب بايركس بندهنو زيت وبنحط طبقه من اللزانيا بعدين طبقه من خليط البشاميل بعدين طبقه من خليط اللحمه بعدين رشة جبنه موتزاريلا وبنكرر الطبقات لتنتهي انا ضفت طبقة جبنه شيدر واخر شي بتكون طبقة لزانيا وفوقها طبقة موتزاريلا.
– وبندخلها الفرن من تحت 25 دقيقه ومن فوق ليتحمر الوجهه بالدرجه المطلوبه
طريقة اللزانيا روول:
لنستعمل شريط لزانيا وبنحط ملعقة لحمه وملعقة بشاميل وبنلف لفه الرول وبنرجع بنحط لحمه وبشاميل وموتزاريلا وبنلف الرول وبنحطو في بايركس مدهون زيت زبس نخلص كمية الرولات بنصب البشاميل ع وجهه اللزانيا الرول وبنرش موتزاريلا وعالفرن من تحت وبعدين تحمير من فوق وبالعافيه Reemas
لمتابعة هذه الوصفة المميزة ووصفات أخرى شهية, تابعونا على جروب “زاكي” لفن الطهي:
طريقة عمل اللازانيا باللحم المفروم بالصور