اطيب و افخم فريكة بالدجاااج
مع صديقة زااكي الرااائعة و المذهلة Elham Elherbawi
اول اشي
بتغسلي الجاج وبتسلقيه وبتحطي مع السلقه بهارات وورق غار وفلفل اسود وهيل وقرفه
بعدين بتجيبي الفريكه بتغسليها بس بدون نقع بتقلي لحمه مفرومه حسب الرغبه
بتحطي بهارات وملح وشويه زيت دره وبس تستوي بتتركيها ع جنب
هلأ بتفرمي بصله فرم ناعم وبطنجره على النار بتقلبيها بشويه سمنه بلدي وزيت دره لحتى يصير لونها دهبي
بتحطي اللحمه وبتقلبي وبتحطي الفريكه
وبتقلبي هلأ بتغمري الفريكه بمرقه الجاج بس مو زي الرز المفلفل اقل بشوي وبتتركي اول ٥ دقائق ع نار قويه
وبعدين بتوطي النار وبتخليه ع نار هاديه جدا وبتكون الطنجره مغطيه عشان البخار
وكل شوي بتحطي شويه مرقه جاج لحتى تستوي والجاج بتدهني بسمنه وزيت وبهارت وبتحمريه
وصحه وهنا
