تكملة قصة موانع عشق ننتظر رأيكم بالتعليقات حبيباتي

تكملة قصة موانع عشق ننتظر رأيكم بالتعليقات حبيباتي
هذه القصة نقدمها لكم من قسم المنوعات في زاكي
#موانع_عشق_بقلم_حنين_طه
#موانع_وطن

الجزء التالت
توقف فجأة وكأنه ما عاد قدر يضرب ويقسى اكتر

وطن: بكفي مشان الله بكفي

رائد: هههههههههه خلص اتركها حاجتها
بتمنى تكوني عبرة لغيرك

انسحب رائد بيك والي معه ،،، ركضت وجد علي

وحد: يا عليي عليكي يا ندى وعلى الي صارلك قومي اختي قومي

رفعتني وجد بين ايديها واخدتني عالبيت ،،،، كانت كل الضيعة عم تطلع علي وقرفانة مني
مرة اخدوني الجنود ومرة طلعت سراقة اذا كانت ضربة عالراس بتوجع كيف لما يكونو تنتين

كانت وجد كل يوم تحطيلي زيت زيتون على جروحي
وتحاول تخفف عني شوي ما بتعرف انه الجرح الي بقلبي كتير اعمق واقوى من جروح جسمي

ندى: وجد

وجد: ايه اختي احكي

ندى: كيفها امي هلا

وجد: عم تسال عنك كل يوم بحاول اتهرب منها عطول وعم اتحجج بكتير اشياء
مرة مزكمة مرة بقلها انه رجعتي عدرس الخياطة وانشغلتي
يعني كل شوي بخترع شي جديد

ندى: انا لازم روح لعندها

وجد: وكيف بدك تروحي وانتي بهالحالة

ندى: رح اتقوى قدام امي ما رح بين قدامها شي ما تخافي علي بس انتي ساعديني احتى البس

بعد ما غيرت تيابي وطلعت انا ووجد طلبت منها نروح من طريق فرعية ما بدي شوف وطن او المحه
دخلنا عالمشفى ورحت لشوف امي كان وجهي اصفر كتير وعيوني لوحدهم بيحكو قديه انا تعبانة

اول ما شافتني امي ضحكت متل الي فاقدة حدا ولقيته
سلمت عليها وقعدت جنبها بوس بايدها
كان بالغرفة الي نايمة فيها امي وحدة تانية مريضة معها
وعندها امها واختها كانو عم يتهامسو ويحكو

الست الكبيرة : لك بنتي اعذريني عالحشرية بس يمكن مشبهة عليكي ما بعرف

ندى: خير خالة شو في

الست الكبيرة : خلص انسي بلاها
ايه بس والله بتشبهيها

امي: خير يا ام حسان احكي مالها ندى

الست الكبيرة : وهديك البنت كمان اسمها ندى
لك مو انتي الي جلدوكي من كم يوم قدام كل اهل الضيعة بسبب سرقة

امي: بنتي ما بتعملها اكيد انتي مشبهة عليها

الست الكبيرة : يمكن مع اني متأكدة حتى بالعلامة جلدها وطن بيك

اطلعت فيني امي عم تحاول تلاقي اجابة

ندى: انا هي امي بس والله مظلومة

هي اخر الكلمات الي قدرت احكي مع امي فيهم لانه بعدها اختفى صوتها وسكت الكلام وتنفست اخر نفس وتوفت
امي ماتت قدام عيوني ،،،، بين ايدي وبسببي انا
شو هالذنب الي رح احمله طول عمري
شو وجع الضمير الي ما رح يفارقني ابدا

رحلت امي عن الدنيا وانا بقيت لوحدي بدونها حتى وجد اختي ما عاد حكتني متل اول كانت محملتني ذنب كل الي صار بس رغم القسى والحزن الايام بدها تمشي

————
وجد: شو ست ندى بدك تبقي ملقحة هيك بالبيت ومو قادرة تقومي من مكانك
يا رب تكوني صحيتي عحالك يا رب تكوني عرفتي غلطك
حتى انا بسببك ما عاد محمد حكى معي عم الحقه من مكان لمكان وعم يتهرب مني
سمعتي عم يتهرب مني بعد ما كان يلحقني بكل مكان

ندى: وجد حرام عليكي بكفي الزمن علي لا تكوني انتي كمان ضدي

وجد: كله من ايدك ومن تحت راسك ليكو حبيب القلب عم يحوم حوالين البيت رايح جاي على امل تطلعي عنده

ندى: ليش تغيرتي هالقد كنا انا واياكي جسمين بروح وحدة كنتي تخافي علي من النسمة كنتي اختي
ليش تغيرتي

وجد: لاني تعبت لاني يأست وبتمنى عيش

تركت وجد عم تحكي وطلعت لشوف وطن برا لاني بعرف اني رح لاقيه عم يدور حول البيت

ندى: واخرتها ما تعبو رجليك من كتر ما رحت واجيت

وطن: ندى لازم نحكي

ندى: يقطع عمرك بكل وقاحة جاي تقلي بدنا نحكي
على شو بدنا نحكي او بشو لازم نحكي
الكلام انتهى ما عاد في بيني وبين الا الانتقام يا وطن
خسرت سمعتي بسببك ،،، خسرت امي ،،،، خسرت ثقة الناس
وكله لاني حبيتك
شو ظل بدك اكتر من هيك

وطن : ما بقدر انكر اني كنت جبان بكتير مواقف حاولت اوقف بوجه الظلم حاولت كون السند الك
انا طلعت جبان ايه انا جبان بس بحبك

ندى: بعمره الجبن ما عمر بيوت

وطن: اعطيني فرصة

ندى: ما بقي عندي فرص

وطن: كرمال كل لحظة حلوة عشناها سوا

ندى: ماشي فرصتك الاخيرة تزوجني
ايه لا تتطلع فيني هيك يا اما بتتزوجني يا اما بتنساني
ولا ترداي جواااب هلا خد وقتك فكر براحتك وردلي خبر
سلام

يمكن من زمان لازم اتجرأ واعمل هيك خطوة
تاخرت كتير بس شو ممكن يكون ردة فعله رح يقبل يتزوجني
بقي يومين غايب عني ما شفته ولا سمعت اي خبر من طرفه
وباليوم التالت صار في صوت رمي حجار عالشباك عندي عرفت انه وطن قرر واجا ليخبرني بقراره
طلعت لشوفه اشرلي بايده انه روح انطره عند النبعة
رحت بوجهي عند النبعة لحتى اجا

ندى: عم اسمعك وطن

وطن: انا بدي نتزوج

ندى: جد وطن

وطن: اكيد جد رح عوضك عن كل شي مرق بعمرنا من قبل رح نعيش بالجنة
رح تكوني مرت وطن بوعدك ردلك اعتبارك بين الناس وبين كل اهالي الضيعة

ندى: طيب ورائدا بيك

وطن: لازم يقتنع بدي خبره ولازم اقنعه

ندى: وطن انا واثقة فيك واثقة بحبنا لا تخذليني

وطن: هالمرة غير صدقيني
ما بدك تقربي مني شوي مشتاق لريحتك

ندى: لما بتنفذ طلبي وبصير مرتك رح قرب منك وما رح ابعد عنك ابدا
انا هلا صار لازم روح

وطن: خليكي شوي

ندى: ما عاد اقدر يلا باي

———–

في مكتب رائد بيك

دق دق دق
رائد: ادخل
هاد انت وطن فوت فوت ليش عم تدق انت بتفوت بدون اذن

وطن:……..

رائد: سكوتك هاد ما بطمن وبيعني في بتمك حكي وهي الملفات حطيناها عجنب
هات لشوف احكيلي مالك

وطن: انا بدي اتزوج

رائد: اوووه برافو تتزوج ويصير عندك عيلة كتير فرحتني بهالخبر هيك ها من زمان ايه احكيلي في شي بنت معينة براسك انا بخلي مجدولين تخطبلك اياها

وطن: ما بتقصر يا بيك بس بصراحة في بنت معينة ببالي

رائد: اه احكيلي مين هالصبية بعرفها شي

وطن: ندى

حاول رائد يكتم غيطه

رائد: ندى ما غيرها بنت الضيعة
اه كان بينك وبينها علاقة من قبل يعني

وطن: لا هي مو علاقة بمعني العلاقة

رائد: مفهوم على بركة الله

وطن: يعني حضرتك موافق

رائد: هلا بصراحة انا كنت متوقعك تتزوج بنت مدينة بنت تليق بوطن ومركز وطن بس طالما انت عاجبتك البنت وبتحبها مو غلط

وطن: شكرا كتير الك
هاد معروفك ما رح انسالك اياه بعمري

رائد: بس الي شرط ليتم هالزواج

بلع وطن ريقه ما عاد عرف يكمل حكي

وطن: شو شرطك رائد بيك

رائد : انت الجندي الوحيد الي لهلا ما جبناله ولا اي بنت بالضيعة بترضاها بكرة يقولو عنك اهبل وما بيعرف شي

وطن: بس انا هيك بكون بخونها لندى

رائد: وهي من وين بدها تعرف انا كرمال وضعك وجوك بالمعسكر هون خلص انت روح ولا تاكل هم رح خلي الجنود يجبولك بنت غير شكل من الضيعة
وبعدها بكم يوم بنقرا فاتحتك على شو كان اسمها البنت الي كان بدك اياها

وطن: ندى

رائد : ايوا ندى

طلع وطن من عندرائد عم يحاكي حاله انه شو الفايدة من هيك خطوة ( طيب اذا عرفت ندى كيف رح ترجع توثق فيني بعدهيك)
كيف رح اقدر لا مستحيل تزبط معي
ايه شو عليه كلها مرة وبعدها خلص رائد بوافق على زواجي من ندى وانتهينا ،،،، بس انا بحبها لندى وما بقدر عيش يوم واحد مع غيرها

——

حجر حجرين تلاتة عشباك البيت

وطن: بست يا حلوة

ندى: من ضحكة وجهك مبين في اخباررر حلوة

وطن: في اني بحبك وبحبك وبحبك
ليكي رائد بيك وافق على زواجنا

ندى: عم تمزح معي ما بالله ما عم تمزح

وطن: والله عم احكي جد يا عمري خلص كل عذابنا سوا رح ينتهي
ما بدك تسمعيني كلمة حلوة بقى

ندى: بحبك

وطن: ما سمعت عيدي

ندى: قلتلك بحبك

وطن: لك كمان ما سمعت

ندى: يييييييي كل الضيعة سمعت خلص ما رح عيدها

وطن: خلص وعد اخر مرة

ندى: ب ح ب ك
عيدها ولا خلص

وطن: ايه عيدها مجمعة مو مفرقة لانه انا ما بستمتع فيها مفرقة

ندى: ما بعرفك لزقة كل هالقد يلا روح قبل ما حدا يشوفنا بكرة بشوفك عند النبعة

ندى: الحمد لله واخيرا يا رب رح تعطيني مطلبي ومناي
وين وجد من الصبح طالعة
ما شفتها ،،،، معقول تكون راحت تشوف محمد مسكينة تعذبت معه كتير ان شاء الله ربنا بيفرح قلبها معه وبيسعدها

———-

في مكتب رائد بيك

رائد: اهلا اهلا بوجد خانوم

وجد: اهلا فيك يا بيك

رائد: طول عمري لما كنت اشوفك كنت احكي عنك فهيمة وبنت اصل

وجد: ولو يا بيك تربايتك احنا

رائد: ما رح اطول عليكي مهمتك بتعرفيها هلا رح تكوني بالغرفة ورح يفوت لعندك وطن بيك
انا ما بهمني شو رح يصير الي بهمني ندى تعرف بكل الحكاية
لازم ندى ترفض الزواج من وطن ولا شو رأيك

وجد : بامرك انا يا بيك

رائد: اكراميتك رح توصلك لعندك

وجد: خيرك سابق يا بيك

———-

اهلا اهلا يا وطن تعا محضرلك مفاجأة غير شكل الليلة
تعا معي
( فوت على غرفتك وبكرة انا واياك بنروح بنطلب ندى شو قلت )

وطن: متل ما بتشوف رائد بيك )

دخل وطن عالغرفة الصدمة الي طالته بس شاف وجد خلته عاجزحتى عن الحكي كان متوقع من رائد يعمل اي شي بالدنيا الا انه يجيب اخت ندى لاله

وطن: وووجد

وجد( بتتظاهر بالبكا ) وطن بيك انا جابوني لهون غصب عني

وطن: يا ربي شو هالمصيبة وجد اسمعيني انتي بتعرفي اني مو تبع هيك قصص ولا بعمري تعرضت لاي بنت من الضيعة انا ما رح اأذيكي او اعمل اي شي يدايقك
لا تخافي مني
انتي رح تنامي عالتخت وانا رح نام عالارض

وجد: شكرا كتير الك وطن بيك انا ما بعرف كيف ممكن ردلك معروفك

وطن: بدي اياكي تخبري ندى بالحقيقة بدي تحكيلها انه انا ما دخلني بشي وانك كنتي متل اختي مو اكتر

وجد: اكيد رح خبرها
———

مرقت هديك الليلة موحشة ،،،، صعبة قلقت كتير على وجد لانها ما رجعت عالبيت خفت يكون صرلها شي
خفت لاني لوحدي بالبيت والي زاد الخوف بقلبي اكتر انه طلعت لخبر وطن عن وجد مو موجودة ما لقيته
بقيت هيك لطلع الضو شفت وجد داخلة من باب البيت وعم تبكي وتشد بشعرها وتصرخ

ندى: وجد اختي حبيبتي وين كنتي شو صايرلك ليش هيك حالتك
حطيت ايدي على تمي ( لا تقوليلي اجا الدور عليكي واخدوكي الك كمان

وجد: الله لا يوفقه وطن بيك اخدني لعنده استفرد فيي

ندى: شو قلتي وطن

وجد: ايه وطن كنت افكره احسن واحد بكل الموجودين طلع احقرهم وانذلهم
ااااخ يا ويلي عحالي وين بدي روح بوجهي من العالم

سكاكين كانت عم تضرب جوا قلبي وطن واختي طيب ليش انا شو عملتله ليأذيني هيك
ما قدرت اكتم واسكت متل كل مرة طلعت لعند وطن ما لقيته بكل الضيعة سألت عنه كل رفقاته لحتى قدرت اوصله شفت وخبرته اني رح انطره مطرح ما بنلتقي كل مرة

ندى: ما الك عين تشوفني او تواجهني صح

وطن: ندى خليني فهمك

ندى: اخرس ما عاد بدي اسمع صوتك لك انا اعطيتك قلبي وروحي وعمري كله خسرت كتير اشيا بسبيل حبك بشو عم تجازيني تخوني
انا ما غصبتك تتزوجني انا طلبت منك وانت وافقت
لو رفضت تتزوجني كان اسهل علي من انه تخوني مع اختي انا بكرهك وطن بكرهك

وطن: بس اسمعيني لاخر مرة

ضربته كف وصرت اضربه على صدره بدي فش كل غلي فيه
ندى: ما عاد في الك عندي فرص ولا عاد بقدر اسمع كذبك

وتركته ومشيت ،،، يا الله شو حاسة مكسورة ،،، هشة الدنيا سودة كتير بعيوني
ما كان بدي ارجع عالبيت ولا شوف وجد بس لازم اوقف معها بمحنتها لازم كون جنب اختي

ندى: وجد وينك وجد
( يا ربي وين راحت هي بس ما تكون عملت بحالها شي
يا رب تجيب العواقب سليمة )

———-
في مكتب رائد بيك

رائد: برافو وجد خانوم عم تمشي بالخطة مزبوط هيك بدي اياكي هلا جهزي حالك وروحي انطري وطن باب غرفته ولا تنسي كل شي اتفقنا عليه

طلعت وجدمن عند رائد وراحت لتنطر وطن عباب غرفته

وطن: انتي شو عم تعملي هون
وعدتنيني تحكي لندى كل الحقيقة وعدتني تخبريها اني حافظت عليكي وصنتك ليش ما قلتيلها الحقيقة لك ليش الكل بده يفرقني عنها

نزلت وجد على رجلين وطن ( سامحني يا بيك ببوس ايدك تسامحني ما قدرت خبر ندى بالحقيقة كل الضيعة عم تحكي عني وعن غيابي كنت مضظرة اكذب عليها لحتى لحتى

وطن: لحتى شو فهميني

وجد: لحتى سكت الناس عني

وطن: انتي هيك ثبتي الحكي عحالك مو سكتي الناس

وجد: لو قلتلهم انك صنتني وحافظت علي ما حدا رح يصدق بينما لما كذبت على ندى الكل رح يصدقني اذا بتتزوجني الكل بسكت عني

وطن: شووووو اتزوجك

وجد: زواج عورق ما عندي مشكلة بس لازم تتزوجني ولازم باسل يتزوج ندى
اذا بتحبها لازم توافق العالم كلها عم تحكي علينا العالم صارو يقرفو منا ( تبكي ) منشان الله وافق تساعدنا

#موانع_عشق_بقلم_حنين_طه
#موانع_وطن

الجزءالرابع والاخير

وطن رد علي موافق

وطن: المشكلة اني ما بقدر لك حسو فيي ما بقدر

وجد: المشكلة اذا ما قبلت
والله الكل عم ينهش بلحمي وبلحم اختي وانت مو حاسس افهم يا وطن شغلة وحدة
الي بحب لازم يضحي لازم يقدم اذا انت فعلا بتحبها لندى لازم تتنازل

وطن: لازم احكي مع ندى بالاول

وجد: بدك تحكي معها لتعذبها اكتر لتفتح جروحها المسكرة مو حاج

وطن: ……..

وجد: ما في وقت للتفكير وطن امشي معي خلينا نكتب كتابنا محتاجة ارجع متل اول ما حدا يتدخل فيني ولا حدا يحكي علي كلمة وحدة ارجع اطلع بوجوه العالم وانا واثقة بحالي ورافعة راسي لفوق

وطن: وجدالموضوع مو بهالسهولة

وجد: ما رح اترجاك اكتر من هيك وطن
الله يسامحك عكل شي صار وعلى سمعتي الي راحت هيك بين الرجلين ولمعلوماتك انت بكل الاحوال خسرتها لندى لانها ما رح تصدق انه ما صار بينا شي ولو صدقت ما رح تقبل تتزوجك وتخرب سمعتي بين النااس
سلام

وطن: وجد استني انا موافق

حاولت وجد تخفي الفرحة الي جوا قلبها وكانه الوضع طبيعي تنهدت شوي واخدت نفس

وجد: خلينا نكتب كتابنا هلا بلا ما حدا يعرف بقصتنا ويفركشها

———
في مكتب رائد بيك

رائد: ايه وطن هات لشوف احكيلي شو الي غير رأيك لحتى قررت تتزوج وجد اختها لندى
وطن: ما في شي سيدي اكتشفت انه انا وندى ما بنزبط مع بعض

رائد: لا لا تقولها بس ما كون انا السبب بتفريقكم
لانه طلبتلك وجد قبل زواجك من ندى

وطن: لا سيدي انت ما الك دخل ابدا اصلا ندى لازم تتزوج من باسل كل انسان غلط غلطة لازم يصلحها بيوم

رائد: يا عيني عليك يا وطن هاد وطن الي ربيته وكبرته عايدي
الليلية رح نكتب كتابكم سوا ،،،، ليكو انا بفضل شغلة ندى ما تعرف انكم رح تتزوجو خلوها تعرف متلها متل اهل الضيعة

وجد: هيك افضل
اطلع وطن بوجد باستغراب

وجد : انا كرمالها عم احكي

وطن: تمام انا موافق عكل شي

اجا الليل بسكونه وهدوءه ووحشته اجا لينكتب كتاب وجد ووطن سوا ،،،، كنت قاعدة لحالي عم اتفتل بهالبيت صحيح عم استوحش لوجد لاني ما بعرف وين اراضيها بس طول الليل كنت بدعي ربنا يحميها

———-
في منزل وطن

وجد: مبروك وطن

وطن: وجد انا وانتي بنعرف منيح انه احنا تزوجنا على ورق وبس وفترة محددة ورح نطلق
انا رح نام بالغرفة الي جوا وانتي نامي بغرفة النوم الرئسية انا بعرف انك موافقة عكلامي بس حبيت ذكرك
وهلا تصبحي على خير

فتل وطن حاله وراح لغرفته ليتسطح فيها

وجد: شو عليه يا وطن اتقل لقلك لنشوف انا ولا ندى

واجا النهار بازعاجه وحيويته اجا ليحمل خبر زواج وطن من وجد ،،،، كل الضيعة كانت تحكي عن خبر زواجهم وعن قوة وجد ولو وجد ما كانت قد حالها ما كان تزوجها وطن
اصعب شي بالدنيا تهون على حدا غالي عليك

ندى: وجد هي اللعبة امي خيطتلي اياها اعطيني اياها

وجد: روحي من هون هي اللعبة الي ما رح اعطيها لحدا

ندى( بتبكي )

وجد: ندى عم تبكي خلص اختي خدي هي اللعبة خديها بس لا تبكي

…………..

وجد: ندى شو رأيك نتسابق ونشوف مين فينا بتلقط قطف العنب عن الشجرة

ندى: انا طبعا

حاولت اتسلق لاقطف العنبة ما قدرت ،،، لحتى طلعت وجد وقطفتلي اياه

وجد: بنتقاسمه انا واياكي

…………..

وجد :لك ندى انزلي بقى هلا حبكت تلقطي تفاحة

ندى: ييييي مشتهيتها انطري شوي

وجد: بسرعة بسرعة الجنود عم يقربو منا

من العجلة وقعت وتفشكلت كان في عدة شباب ماشين من جنبنا لابسين لبس عسكري من جنود الاستعمار

وجد: هييي ندى وين سرحتي

ندى: انا ولا شي ما سرحت

وجد: ليه هاد كان عم يطلع عليكي هيك وانتي عم تتطلعي فيه
ندى اطلعي فيني اوعي ثم اوعي تنسي مين بكون هاد
هاد عدونا ناهب ارضنا قاتل ولادنا هو وكل رفقاته سراقين قاتلين

ندى: ييييي اختي مالك شو شفتيني عملت والله اطلعت عليه عادي
وجد: امشي معي بسرعة
مشيت مع وجد اختي وانا سامعة رفقاته عم ينادولو وطن لوين عم تتلفت

كلها زكريات كانت عم تدور براسي طيب هلا شو تغير
ليش ما عادت وجد الي بتحرم نفسها لتعطيني
قمت من مكاني سقيت الورادت شوية مي وفتت عالغرفة لضب تيابي لانه مياتي بالضيعة خلصو وما عاد الي قعدة

دق دق دق
فتحت الباب
ندى : هاد انت

محمد: سمعتي عن خبر زواج وجد ووطن

ندى: ايه سمعت

محمد : وقبلانة بهالشي

ندى: ان كنت قبلانة او لا ما بتفرق

محمد: خلينا ننتقم منهم شو رأيك اتزوج انا واياكي ونردلهم الصاع صاعين

ندى: اه قلتلي ننتقم ليك محمد رح اعذرك لانه انت ما بتعرفني منيح لسا بس مو انا الي بغدر ولا انا الي بنتقم انا بترك امري كله لربنا
بتوقع لهون انتهت زيارتك الله معك

سكرت الباب بوجهه وفتت لكمل ضب بدي اطلع من الضيعة للمدينة بدي عيش فيها حتى لو ما بعرف حدا هناك ولا بعرف كيف ممكن عيش بس المهم شم هوا نظيف المهم عيش بحرية

ودعت حيطان البيت عفشه البسيط صورة امي الموجودة جواته بوست ارضه وطلعت
وصلت لنهاية الضيعة وقفت السيارة لتاخدني عالمدينة

السايق: وين بدك تروحي يا اختي

ندى: عالمدينة

السايق: بعرف عالمدينة بس وين بالمدينة

ندى: انا ما بعرف اي شي بالمدينة خدني على اي مكان هناك

السايق: شكلك هربانة من ظلم الضيعة وحياتها

ندى: ……

السايق: طيب معك مصاري

ندى: ايه معي شوي مصاري

السايق: بتعرفي تشتغلي بايدك صنعة

ندى: ايه بعرف خيط فنانة بالخياطة

السايق: حلو كتير في مشغل خياطة كنت وصل طلبيات زمان لاله بنروح عليه وبنشوف يمكن تلقي شغل هناك

ندى: ايه الله يخليك

وصلنا للمشغل كان كبير كتير وفيو الالات كتيرة ومليان بنات بيشتغلو فيه وانا الي كنت بحسد خالتي ام فواز على بيتها الي بتعلمنا خياطة فيه
دخلت انا والسايق وقعدنا بجنينة صغيرة ننطر صاحبة الشغل ،،، بعد شوي اجت علينا وحدة كبيرة بالعمر

مدام هالة : اهلا وسهلا فيكم تفضلو كيف ممكن اساعدكم

السايق: يسعد مساكي يا خانوم بصراحة انا سواق تكسي بوصل طلبيات قماش ومواد

مدام: اااه بدي اعتذر منك لسا من كم يوم وظفنا عنا سواق للطلبيات

السايق: لا فهمتيني غلط انا هون مشان الصبية
انا اخدتها من الضيعة لهون الصبية عم تدور عشغل وقالتلي انها بحاجة لشغل ومكان تقعد فيه وانا حبيت اساعدها بس مو اكتر

مدام هالة : كتر خيرك يا ابني فعلا ان خليت بليت
شو اسمك انتي يا بنتي

ندى: اسمي ندى

مدام: وبتعرفي تخيطي

ندى: ايه بضيعتنا كنت اتعلم بمشغل صغير وانا اصلا عندي هواية بالخياطة

مدام هالة: طيب يا بنتي اهلا فيكي بينا هلا رح فوت وعرفك عالبنات هون وهن رح بيساعدوكي وبفهموكي كل شي وبالليل بتروحي معهم عالسكن بتنامي هناك

ندى: شكرا كتير كتير الك يا مدام هالة

طرت من الفرح يومها قد ما انا كنت شوف حالي منحوسة ما توقعت تزبط معي من اولها ولاقي لحالي مطرح اتأوى فيه
شكرت سواق التكسي عوقفته معي ،،، ورميت كل همي ومشاكلي ورا ظهري وبلشت شغل

المكان كان حلو كتير ،،،، كل البنات بحبو بعض كل وحدة فيهم حاملة بقلبها حكاية كبيرة جمعتنا حاجتنا للشغل وطيبة قلوبنا اما المدام هالة كانت من اروع الناس الي قابلتهم بحياتي حنونة ما بتنادي على اي وحدة فينا الا بكلمة يا بنتي
بقدر قول اني ارتحت كتير بالمكان والجو الجديد

————-

في السكن

سلاف : ندى لا تقوليلي بدك تنامي

ندى: والله عيوني ما عاد قدرت افتحهم شو بدك مني

سلاف: خلينا نسهر بس شوي

ندى: ايه ايه بنسهر

سلاف: ايه ايه بنسهر وانتي عيونك نصهم مغمضين روحي نامي

ندى: احسن شي تصبحي على خير

هديك الليلة كنت مرهقة ومو مصدقة متى ارتاح ونام اول ما غفيت وابتدا يتقل نومي شفت وطن بمنامي
كان قاعد عالارض ومربوط وحولين منه حديد كتير وكانه مقيد وعم يبكي ويقلي ندى انا مظلوم سامحيني ندى لا تروحي لااااا

ندى: بسم الله الرحمن الرحيم شو هالليلة هي شوجابه هلا عبالي

سلاف: ندى فيكي شي

ندى: كابوس يا سلاف حلم مزعج كتير

سلاف: ليكي كنت اسمع دايما من ستي تقول اذا حلمتي بشي وازعجك لا تقولي حلمك لحدا تفي عشمالك تلت مرات واتعويذي من الشيطان

ندى: وهو هيك

حاولت ارجع نام بعدها بس ما قدرت خفت ارجع شوف وطن بنفس الوضعية

حتى تاني نهار كنت ملخبطة ما عم اشتغل منيح

مدام هالة: ندى حبيبتي شو بك

ندى: ولا شي مدام هالة حاسة حالي تعبانة شوي

مدام: اذا تعبانة روحي ارتاحي

ندى: لا انا شوي وبكون احسن

مدام هالة: طيب ان شاء الله
بعد ما بعدت عني المدام هالة قربت سلاف مني

سلاف: ندى انتي الحلم الي حلمتيه امبارح امأثر فيكي صح

ندى: مو قادرة ركز بشي الحلم الي حلمته كان بحدا غالي علي كتير خايفة من هالحلم يا سلاف
سلاف ممكن اطلب منك طلب

سلاف: ولو طبعا

ندى: تعي عجنب ما بدي حدا يسمع

————-

في الضيعة في منزل وطن

وطن: يا ساتر يا ساتر فوت

وجد: ايه وطن فوت

وطن : شو هاد الي لابستيه انا كم مرة تنحنحت عالباب

وجد: ايه شو عليه انا لابسة لحدا غريب انت زوجي

وطن: انتي ما بتحسي اختك طفشت من الضيعة مو معروف لالها اثر وانتي عايشة بالعسل افهميها بقى انا غير ندى ما رح احب
ضحكتي علي واعتبرتيني اهبل خليتيني اتزوجك احتى خسرت ندى وهلا جاية تقوليلي انا زوجك
حلي عني انا رح هج من الدنيا كلها

طلعت وجد من عند وطن لعند رائد بيك لحتى تشوفه وتخبره عن الي صار بينها وبين وطن
وصلها الجندي لباب المكتب وراح ،،، قبل ما تدق الباب سمعت رائد بيك عم يحكي مع. حدا شهقت بقوة من الي سمعته وحطت ايدها على تمها ورجعت من مكان ما اجت

وجد: وطن الحمد لله الي لحقتك قبل ما تطلع وطن لازم نلاقي ندى

وطن: ايه صدقتك انه بدك تشوفي اختك او استني اخمن شو بدك بندى يمكن بدك تحضنيها وتقليلها اختي سامحيني ما قصدت اخد حبيبك منك او لا لا بدك تقوليلها الحقيقة انه وانتي ما في بينا شي ولا بعمره كان بينا شي
او بدك. تقولي انه ضميرك صحي يا ام ضمير

وحد: لك اسكت بقى اسكت ندى بخطر رائد بيك عم يخطط لقتلها انا هلا سمعته عم بحكي مع حدا بمكتبه خفت ورجعت

وطن: انتي متأكدة

وجد: طبعا متأكدة

وطن: طالما وصلتي لهناك وما شفتيه رح يعرف انه انتي سمعتي شي لازم نغادر فورا

وجد: لازم اوصل بيت اهلي قبل يمكن ندى تاركتلي علامة او شي اقدر لاقيها فيها بسهولة

وطن: امشي معي

راحت وجد ووطن على بيت اهلي بنفس الوقت الي كانت سلاف فيه ببيت امي
انا طلبت منها تروح للضيعة بس تغيب الدنيا وتطمن على وضع الضيعة لاني بعد ما حلمت بوطن بقي فكري مشغول وقلتلها تروح على بيتنا بالضيعة وتحتمي فيه

وجد: انتي مين

سلاف:…. انا انا

وجد :حرامية جاية تسرقي انتي من اي ضيعة لانه انا ولا مرة شفتك هون

رفع وطن المسدس بوجه سلاف

وطن: بتحكي شو جابك لهون ولا بحط كل هالفشك براسك

سلاف: بترجاك لا تقتلني

وجد: وطن ما معنا وقت

سلاف: انت هو وطن انا جيت عالضيعة لاطمن عليك فتت لهون بالسرقة بعتتني ندى

اطلع وجد ووطن ببعض كان صعب يتصدق انه ممكن الحظ لهدرجة كان متعاون معهم

وطن: ما رح نقدر نطلع هيك لازم ناخد حذرنا
امشو وراي وشو ما صار ولا وحدة فيكم تتطلع لورا فهمنين
الطريق كانت من بيت اهلي لباب الضيعة صعبة كتير وطويلة كتير
انا قاعدة وعم افرك بايدي خايفة كون ورطتها لسلاف بشي مصيبة خايفة يكونو كمشوها
ندى( لك انا كيف ببعتها هيك مكان ما بحس هلا اذا صرلها شي رح احمل خطيتها طول عمري )

بهالوقت فتحت سلاف الباب عندي

ندى: سلاف يا عمري انتي جيتي
ركضت عليها وحضنتها

سلاف: جيت وجبتلك ضيوف معي
دخل وطن ووراه وجد

ندى: هلا هيك يا سلاف انا امنتك وبعتك لتشوفيلي اذا في اخبار جديدة بتروحي بتدليهم عمكاني وبتيجي

وطن: اشتقتلك

لفيت وجهي عنه

وطن: ندى انا ما عدت جبان انا جيتك وحامل روحي على كفي انتي مو فاهمة ولا اي شي من الي صار

ندى: انا تركت كل شي وراي لحتى ارتاح خلص لك انا طلعت من حياتكم اطلعو انتو كمان من حياتي

وطن: ما بقدر حبك ساكن بخلايا قلبي

وجد: ندى وطن مظلوم
وطن بحبك كل الغلط مني انا
انا الي اتفقت مع رائد لنخرب علاقتكم وعلى اساس انه رجال رائدجابوني لوطن مع انه انا جيت برجلي
ليلتلها وطن ما قرب مني وطلب مني خبرك انه صاني بس انا كذبت عليكي
ورجعت اتفقت مع رائد ابكي لوطن لحتى يتزوجني اتفقنا نتزوج انا ووطن ونتطلق بعد مدة
غرت منك لما محمد تركني وراح غرت من كل شي فيكي يا ندى سامحيني

سلاف: يا جماعة في صوت بالقبو تبع السكن

وطن: هاد رائد

ندى: معقول عرف مكانا

وطن: رائد ما في شي بيخفى عليه

ندى: شو بدنا نعمل

وطن: رح نواجهه
ندى: وطن لا توسخ ايدك فيه

تخبينا كلنا ورا باب الغرفة ،،، صوت دعسات رجليه كان عم تقرب اكتر لحتى وصل لعند الباب قلبي صار يخفق بقوة
مسك سكرة الباب وفات لجوا

رائد: وطن ندى بعرف انكم هون بتقدرو تطلع.

وطن: وطن الي طول عمره بيحكي حاضر وبيتخبى ما عاد متل ما بتعرفه رائد بيك

رائد: له يا وطن هيك الواحد بيتخلى عن الاصل

وطن: واذا كان الاصل وسخ شو بنعمل ،،، بالمناسبة ليش جاي بنفسك تدور علينا ليش ما بعتت واحد من رجالك

رائد: ههههههههه سؤال ذكي بس خليني شغل سيجارة بالاول
يا سيدي رح قلك ليش انت بتعرف اني ما بوثق بحدا برجالي بهيك شغلات الا فيك صحيح انت طلعت عن خطتي شوي وعن شوري بس انا ليكني جيت برجلي لحتى نخلص من هالحشرة الي جنبك واخدك معي ونروح

وطن: عجبتني ثقتك بنفسك انا ما رح روح معك لمكان

رائد: رح تروح صدقني
بعد لشوف ها هي وجد هانم هون شو وجودة حسيتي بتأنيب ضمي

وجد: انت احقر واخطر شخص شفته بحياتي
بعد ما اتخانقت مع وطن اليوم جيت لعندك عالمكتب من غبائي لكمل خطتي معك انا ما بعرف وين كان عقلي لما اتفقت معك كيف قدرت تستغبيني لحتى خون اختي عالعموم سمعتك وانا واقفة عالباب عم تحكي انك رح تقتل ندى الليلة متل متل متل ما قتلت امه لوطن

سحب وطن المسدس من جيبته ووجهه على رائد وانا تكمشت فيه وبهالوقت سحب رائد مسدسه وووجهه علىي

رائد: ندى ابعدي عن وطن سمعتي باذانك شو قالت وجد انا مستعد اقتل الجميع ويبقى وطن معي

ندى: انت واحد مريض شو هاد

رائد: كنت رفيق ابوك يا وطن من زمان كنا متل التؤام ما نفترق ابدا لحتى حب امك ما عاد معي متل الاول يتركني ويروح لامك والي زاد الطين بلة لما امك حملت فيك ابوك تعلق فيها كتير ،،،، كنت كتير اروح لعنده حاول ارجع العلاقات بيني وبينه متل اول بس عطول عقله وفكره ملتهي بامك لحتى صحيت بيوم على خبر وفاته يومها وعدت نفسي اعمل من ابنه نسخة منه استغليت خلاف امك مع اهلها وبعتت ناس يقتلوها وبينت الشغلة وقتها انه اهلها اخدو بتارهم ماتت امك وانت رجعت لدار جدك
وقتها انا تبنيتك ،،، كبرتك ،،، علمتك ،،،، بعمري ما قصرت فيك وهلا جاي تقلي خليك تحب هاي الي اسمها ندى واخسرك متل ما خسرت ابوك لا والف لا

كان بحالة هيسترية ضغط عالزناد وطلعت طلقة باتجاهي تلقتها وجد بجسمها اااايه اختي ضحت بحالها ووقفت قدام رائد،،، لما شاف رائد انه الطلقة كانت من نصيب وجد كان رح يطلق طلقة تانية بس وطن صاوبه براسه

ندى: وطن انت منيح

وطن : منيح ليكو كلب وفطس

نزلت عند وجدالي كانت عم تنزف تحت رجلي

ندى: وجد حبيبتي تماسكي

وجد: خلص يا ندى انا مو مطولة

ندى: لا تقولي هيك

وجد: اهم شي عندي انك تسامحيني قبل ما موت

ندى: مسامحتك يا عمري مسامحتك

وحد: انا اذيتك كتير يا ندى حرمتك من الشب الي بتحبيه
انا حرام كون اخت

ندى: انتي اروع اخت شفتها بحياتي ليكي ( عم تبكي وتمسح دموعها )
بتتذكري لما سرقتي مني قطعة الهريسة

وجد: ولما شفتك جوعانة رجعتلك اياها وليكني رح رجعلك حقك
وطن طلقني قبل ما موت

وطن: انتي طالق

ندى: وجد وجد ردي علي

قرب مني وطن غمضلها عيونها وقلي البقاء لله

ندى: وجد لا تنسي تسلميلي على امي وقوليلها ندى اشتاقتلك كتير

———–

بعد مرور ست اشهر

وطن: لك ندى خلصينا ما معقول تلات ساعات الواحد وهو يلبس

ندى: ليش عم تفتري علي هلا انا الي تات ساعات بلبس
نص ساعة قمت عالحمام ونص ساعة قررت شو البس ونص ساعة عم حط مكياج ونص ساعة عم عدل على مكياجي ونص ساعة رجعت فتت عالحمام ونص ساعة رجعت عدل على مكياجي وخمس دقايق الي بلبس بقى ليش عم تفتري علي وتقول الي تلت ساعات بلبس

خلص خلص لا تطلع فيني هيك ما بقى خفف دم مرة تانية ابدا لوين بدك تاخدني

وطن: عالمطعم

ندى: ايه بس لا تاخدني على هداك المطعم ابو عصي

وطن: تمام بشوفك بعد تلت ساعات

ندى: لك شو تلت ساعات تعا لهون

وطن: ايه نص ساعك لانزل الدرج ونص ساعة لاركب بالسيارة ونص ساعة لحمي السيارة ونص ساعة لزبط قعدة الكرسي ونص ساعة لحتى لف السيارة وعشر دقايق باخدك عالمطعم

ندى : بقي نص ساعة ضايعة

وطن: نددددددددددددى

ندى: خلص توبة والله

وطن: بس مشان ابني الي ببطنك صحيح قررتي شو بدك تسميه

ندى: ايه رح سميه امان مشان يصير اسمه #امان_وطن

#انتهت

كنت حابة اخوض بالقصة اكتر وبتفاصيلها اكتر
بس تفاعلكم عالقصة ما شجعني 😔😔😔
يلا نلتقي بقصة جديدة