تورته شكولاته روعه فاخره ان شاء الله تعجبكم
مع صديقة زاااااااكي الشيف المبدعة Batota Shawky
السلام عليكم حبيياتى معايا تورته شكولاته روعه فاخره ان شاء الله تعجبكم 
😘ا
لتورته دى كبيره عملتها بضعف المقادير اللى كاتباها عشان بس تاخدوا بالكم
البنات اللى لسه بتتعلم 
😆😆
والستات اللى لسه خايفه تعمل تورته
😉😉😉
عالولى كدا شوفوا مصوره خطوات تورته الشيكولاته بالتفصيل الممل 
😍😍ومش لازم
تحشيها وتزينيها بنفس التفاصيل المهم الأساس امشى عليه وبعد كدا الحشو والتزيين حسب ما تحبى
انا بديكى افكار مش اكتر
👍👍👍👍وأسفه لأن شكل التورته مش متظبط انا اول مر
ه استخدم رسومات الترانسفير على التورته وزى ما تقولوا كدا لحوستها
😂😂😂😂😂😂😂نبدأ بسم الله ونشوف الطريقه
ولا تنسونى بدعوه حلوه من قلبكم 😘😘😘😘أحبكم فى الله
💥تورته فاخره محشيه بموس الشيكولاته بجد كان طعمها رائع😘
🌹تورته شوكولاته محشيه بموس الشيكولاته
💥المقادير: 6 بيضات _ كوب دقيق + ربع كوب كاكاو
_ كوب سكر بودرة
_ فانيليا _
ملعقه كبيره بيكنج بودر _
ملعقه صغيره خل _ ذرة ملح
💥الطريقه: نضرب البيض والخل والفانيليا الأول لحد ما تعمل فقاقيع ثم نضيف السكر
حبه حبه واستمر فى الضرب حوالى ربع ساعه لحد ما تتضاعف الكميه والفقاقيع
تختفى ولما ترفعى المضرب تلاقى الخليط سميك وماسك نفسه بعد كدا نضيف خليط الدقيق
والبودر وذره الملح حبه حبه ونقلب بملعقه خشب او بالمضرب السلك انا بحب استخدمه عشان
اضمن ان كل المكونات تتجانس مع بعض بس بالراحه عشان
الهوا ما يطلعش منها وبعد كدا نحطها فى صينيه مقاس 24 مدهونه ومرشوشه دقيق او مدهونه
وفيها ورق زبده ودا الأفضل وندخلها فرن ساخن درجه حراره
متوسطه 180 ونكون مشغلين الفرن قبلها بعشر دقائق ومانفتحش عليها قبل نص ساعه
ولما تستوى نطفى النار
ونتركها فى الفرن والباب موارب عشر دقائق وبعد كدا نطلعها ولما تبرد نلفها وندخلها التلاجه لتانى يوم
تانى يوم نقسمها تلات اقسام ونسقى كل ق
سم بالنسكافيه ونحشى بموس الشيكولاته ونخلص كل الطبقات ونغلفها كويس بالموس
بردوا وبعدين نزينها بالجناش فى النص وعليه رسمه الترانسفير ثم ندخلها التلاجه
قبل التقديم على الأقل 3 ساعات 
🌷بألف هنا وشفا 🌷
🌹موس الشيكولاته
4 صفار بيض
_ فانيليا _
2 ملعقه كبيره نشا
_ 2 كوب لبن دافئ
_ 2 ملعقة كبيرة زبده
_ نص كوب سكر بودرة
_ ربع كيلو شوكولاته خام
_ كوب ونص كريم شانتيه مخفوق
نضرب بالمضرب صفار البيض مع السكر والنشا والفانيليا
لحد ما يفتح لون البيض وبعدين نضيف جزء من اللبن ونضرب وبعدين نضيف خليط البيض
على باقى اللبن ونحطهم على نار متوسطه هنلاقى فيه ريم كتير على الوش
مع التقليب هيغلظ قوامه والريم هيختفى بعد كدا نطفى النار
ونضيف ملعقتين الزبده ونقلب لحد ما تسيح
ثم نضيف ليه ربع كيلو شوكولاته خام سايحه على حمام
ميه ونقلب وتركها تبرد تماما ثم نخلط معاها الكريم شانتيه المخفوق
ثم نستخدمها مع التورته او نغرفها في كاسات وتزيين بالكريمه
[ 🌹جناش الشيكولاته ( بدون كريمه لبانى)
نص كوب لبن او ميه عليهم ربع كوب بودره كريم شانتيه خام
\بدون سكر ونحطهم على النار ونقلب واول ما يغلى نضيف ربع كيلو شيكولاته
خام مقطعه ونقلب على نار هادئه لحد ما تسيح الشيكولاته وبعدين نضيف ملعقه كبيرة
زبده ونطفى النار ونقلب لحد ما الزبده تسيح وكله يتجانس مع بعض ونسيبها تبرد خالص ثم تستخدم فى زينة التورته
