اللي بدها طريقة الدجاج البروست تبع المطاعم تيجي لهون
..اهم شي زرعاتي شوفوهم محلاهم .
غدانا اليوم جاج بروست نقعته من مبارح ومتبل بيتنجان مشوي .
وسلطة جرجير .
مع صديقة زااكي المذهلة و الراائعة Sahera Da
طريقة تحضير البروست .
غسلت قطع الجاج بالماء والخل والملح .وثقبتهم بالشوكة
حضرت تتبيلة .
معلقة خل .
معلقة خردل ،
معلقةزعتر بري.
معلقة فليفلة حمرة ناعمة حارة .
علبة لبن رايب ،
معلقة فلفل اسود صغيرة معلقة ملح كبيرة .
معلقة صغيرةكزبرة ناشفة .
معلقتين صلصة الصويا المعتدلة .
معلقة دبس رمان .
توم خمس حبات مدقوقين ناعم .
كم حبة هيل .
معلقة بشر قشر الليمون
فنجان زيت زيتون .
ورق غار لانه صحي جديد سمعت عن فوائده رغم بستعمله بالطبخ من الاول .
ضفت المكونات مع بعض وحركتهم منيح .وضفتهم عالجاج من الليل .
تاني يوم لما بدي حضرهم .
صفيتهم بالمصفاية .قبل الاستعمال بربع ساعة .
اول مرحلة دهنتهم بالطحين .
تاني مرحلة غمستهم بالبيض .
تالت مرحلة غمستهم بالبقسماط .
حميت الزيت وقليتهم بالمصفاية على نار وسط .حتى اصبحلونهم دهبي .
جربو طريقتي طعمتها غير شكل .
4