كعك بالتمر بلدي بزيت الزيتزن شهي كثييير
مع صديقة زاااااكي الشيف الرائعة Mariam Ramadan
الطريقة
اليوم عملت كعك بالتمر بلدي بزيت الزيتون
وعملته بدون معيار يعني ع البركة زي ايام جداتنا زمان
يعني بالمختصر المفيد كان عندي شوية طحين
حطيت عليهم شوية دقة الكعك وفانيلا
وماء الورد وجبت قنينة زيت الزيتون
وبلشت احط زيت وابس فيهم باصابعي وكل شوية
ازيد الزيت لحتى حسيت انه الطحين اكتفى بالزيت
وغطيتهم وتركتهم لتاني يوم
،غليت يانسون وعجنتهم فيه لحتى صارت عجينة سهلة التشكيل
وحشيتهم تمر كان عندي من التمر العسلي الطري ،، انا نزعت العجمة تبعتهم وحطيت عليهم زيت زيتون
وحطيتهم ع النار شوية وعجنتهم
وحشيتهم بالكعك وبرمتهم وشويتهم
وصحة وهنا وكل شي ع البركة بيشهي
