معمول السميد بالزبدة ما بتفتت بالمرة ولا بتصير يابسة الحبة بنصحكم تجربوه

معمول السميد بالزبدة ما بتفتت بالمرة ولا بتصير يابسة الحبة بنصحكم تجربوه
#معمول_السميد_بالزبدة
**معمول اكتر من ناجح عجينته ما بتفتفت بالمرة ولا بتصير الحبة يابسة بجننننننن بنصحكم تجربوه
معكم صديقة زاكي الشيف الموهوبة  Salam Zayed Um Khaloody

#المقادير:
2 كوب سميد خشن
2 كوب طحين الفرخة ( يعني سميد الفرخة أو السميد الناعم)
225 جرام زبدة غير مملحة ودهن حيواني
3 ملعقة كبيرة سكر
2 ملعقة كبيرةحليب بودرة
1 ملعقة كبيرة ما ء ورد
1 ملعقة كبيرة ماء زهر
1 ملعقة صغيرة محلب مطحون
1 ملعقة صغيرة خميرة
ماء دافئ للعجن

#الطريقة:
اول شي بخلط السميد الخشن وطحين الفرخة والسكر وبخلطهم ليتجانسوا

وبذوب الزبدة وبضيفها عالسميد وببسه منيح لأتأكد انه كل السميد وصله زبدة بغطيه منيح وبتركه ليلة كاملة

تاني نهار بضيف عليه المحلب والحليب وماء ازهر والورد وبفور الخميرة بشوية مي دافية وبضيفها عالمكونات وبعحن بضل ازيد مي دافية لاحصل على عجينة سهلة التشكيل وما بتفتفت وببدا اشتغل فيه مباشرة وبخلي العجين مغطى ازا حسيتوا انه العجينة تشربت السوائل بضيف ماء دافئ وبعجن كتير زاكية هالطريقة وحسيت ما فيها عجقة مكونات .

#الحشوة
عجنت التمر بشوية زبدة ورشة قرفة وشوية ماء زهر وبتقدروا تحطوا رشة بهار الكعك وكورتها عشان تسهل علي بالشغل وصحتين وهنااااااااا

ملاحظات:
هلأ بالنسبة للفرن 170 بتكوني محميته من قبل والافضل وقت التحمير تضل عينك عليه وبعطيه وجه تحمير من فوق خفيف كتير .. والزبدة بدوبها وبتركها تصير دافية ..