طريقة عمل الكرشات على اصولها احفظها فوراً للعيد
طريقة عمل الكرشات على اصولها احفظها فوراً للعيد
معكم صديقة زاكي الشيف الموهوبة Manal Waleed
الطريقة:
أول شي طريقه التنضيف/
طبعا رح يجو شوي
عليهم القشر البني رح نحته بالسكينه وبعدها
بنشيل الأوساخ يللي عليه
بس نخلص بنتقع
الكرشات بالملح وشويه خمير عشر دقائق
وبنرجع نغسلهم
هلا بنعصر ليمون وشويه ملح
وخل أبيض وبنفرك منيح لمده خمس دقائق
راح تلاحظوا انه طلعت ريحه مو حلوه مو مشكله
لأنه الليمون شال الزفره
هال بنغسلهم وبنرجع
نفركهم بصابون نابلسي وبنترك معهم الصايونه
منقوعه ساعه كامله
ومنفسلهم بعدها منيح كتير
هلا بنقطعهم وبنتاكد انه ولا اشي ضل
عليهم لون بني وبنملح وفلفل اسود وهال
مطحون كميه منيحه وبنحطهم بالمصفاية
ساعتين كاملين عشان تنزل كل المي يللي فيو
هلا التتبيله بننقع رز انا حسب العدد بنقع رز
كل قطعه قد كمشه اليد هال بنتقع الحمص الحب
قبل بوقت وبنسلقه نص ساعه وبنطفي تحته
هلا بنقلي اللحمه المفرومه خشن وبنحط بس
ملح وفلفل اسود وبنحطهم على الرز بعد ما
نقعنا وبنحط صنوبر مقلي وبنقلبهم مع بعض
بنحط ملح فلفل اسود وهال مطحون
وبنبلش نحشي ونخيط طبعا بنحشي نص الكرشه بس
وبطنجره الضغط ساعه وعشر دقائق بالزبط
طبعا بس تغلي المي بنشيل الزفرة وبنملح
وبنحط فلفل أسود وهال كميه منيحه ورأس
بصل صغير مقطع هال التتبيله بندق راس توم
وبنقرم ضمتين بقدونس وبنقلب التوم بالزيت
وبنحط البقدونس المفروم والفلفل االخضر
الحار ونص كاس مي صغيره وبنغطيه ربع
ساعه وبس يستوي الكرشات بنسفطه فوق البقدونس وبنحمره بالفرن على الوجهين
صحتين وألف عاااااااافية
ام زايد
