اصابع الدجاج الذهبية بتكاليف بسيطة مين بدها الطريقة لتعملها بكرا إن شالله

اصابع الدجاج الذهبية بتكاليف بسيطة مين بدها الطريقة لتعملها بكرا إن شالله
معكم صديقة زاكي الشيف الموهوبة Manal Waleed‎
فرايد تشكن كماااااان مرة اصابع دجاج شهيه ذهبيه مقرررمشه وحاااارة بتكاليف بسيطه شو رايكم صبايا مين بدها الطريقه عشان تساويها بكرة باذن الله

فرايد تشكن اصابع الدجاج الذهبيه المقرمشهالحاره
بنجيب 4 صدور دجاج وبنقطعها بشكل طولي
مو رفيع ولا خميل وسط وبندقهم ع الخفيف
بالمدقه

هلا تتبيله الدجاج
بنحضر 4 ملاعق لبن
وملعقتين خل كبار
وبابريكا حمرة حارة
وفلفل أسود وملح
ودبس الرمان
وكاسه إلا ربع طحين
وبودرة توم وبودرة بصل وسن تومه مدقوق
وبيضه ونص كاسه نشا كبيره وكاسه إلا ربع مي
بنخفقهم مع بعض يدوي وينحطهم عالدجاج
وعالتلاجه شي 6 ساعات

هلا خلطه القلي
كاسه ونص طحين
وملح وفلفل أسود
وملعقه ونص زنجبيل بودرة
وملعقتين كبار نشا
وملعقه صغيرة مليانه بكم باودر
هلا بنطالع الخلطه
وبنسير نغطس الجاج بالطحين بعدها بنرجعها
ع الخلطه وبعدين بالطحين وبعدها بزيت
حامي وغزير ع نار هاديه تقدم مع الكاتشب
والمايونيز والبطاطا والف صحه ….ام زيد