طريقة سهلة جدا لعمل الغريبة الناعمة متل السوق

طريقة سهلة جدا لعمل الغريبة الناعمة متل السوق
معكم صديقة زاكي الشيف الموهوبة Salam Zayed Um Khaloody

#الغريبة (بالزبدة)
125 غرام زبدة لينة (يعني اصبع رفيع وربع)
2 كوب طحين منخول وممكن تحتاجي لربع كوب اضافي
نص كوب سكر بودرة
5 م ك زيت نباتي
م ص فانيلا
رشة ملح
بخفق الزبدة والسكر والزيت والفانيلا منيح بمضرب الكهرباء ليصير الخليط لونه كريمي فاتح

وبعدين ببدا اضيف الطحين ورشة الملح وبنزل الطحين عدفعات وبدمج الخليط بإيدي لكن مو دون عجن يا دوب بأصابعي وبضل اراقب العجين اول ما تبدا تتشكل بوقف زيادة طحين عشان ما تصير متل البسكوت

وببدا اخد جزء بسيط وبكوره ومن دون ما ابسطه لحالها بتفرد شوي من الحرارة وازا توفر فستق حلبي او صنوبر بزين الحبات وبرتبها عورق زبدة مع ترك مسافات بينهم

وبدخلها عفرن محمى مسبقا عدرجة 150 وازا فرنك حامي 140 وبتركها لتشقر من تحت ويادوب لون دهبي فاتح من فوق او ممكن تستغني عن التحمير من فوق وبتركها تبرد تماما وبحطها بعلبة وبسكرها زاكية تاني او تالت يوم وصحتين

#ملاحظة_مهمة
الحرارة ضرورية .. والعجين مو محتاجة عجن .
جربت كزا وصفة وهاي كانت انجحهم الحمد لله .
ممكن بدل الزبدة تستعملي سمنة واستغني عن الزيت .