طريقه عمل الكيكه العاديه
المقادير:
٦ بيض
معلقه ونصف كبيره فانيلا
معلقه كبيره عصير ليمون
معلقه خل ابيض
كوبين سكر
3 أكواب طحين
معلقه ونصف بيكنج باودر كبيره
كاسه نحط فيها اربع ملاعق كبيره حليب بودرة و ملعقتين لبن (زبادي بالمصري) ونخلطهم بماء ليكمل الكاسه
كوب ونصف زيت مازولا
الطريقة:
– ٦بيض نخفقهم منيح مع معلقه كبيره فانيلا ومعلقه كبيره عصير ليمون ومعلقه خل ابيض.
– وبعدين بنضيف كوبين سكر ونخفق عشر دقائق, نضيف كوب ونص زيت مازولا ونخفق جيداً.
– ثم نضيف 3 أكواب طحين منخولين مع معلقه بيكنج باودر كبيره بالتناوب مع كوب حليب يعني شوي بنزل من الطحين وشوي من الحليب. كوب الحليب بحطلو نص الكوب بودره ومعلقتين لبن كبيره وبدوبن بالمي ليصير عنا كوب مليان.
– ونحطها بقالب مثل الصورة أو أي قالب مرتفع عندك ويكون القالب مدهون طبعا سمنه و طحين.
– نحط القالب بالفرن الحامي وعلى الرف الوسطاني اذا كان فرنك كبير واذا صغير نحطو فوق الرف الوسطاني ونخبزها على نار هاديه شي ١٦٠ او اقل بشوي وعلى حسب الفرن ممكن تاخد بين الساعه للساعه ونص وبس تستوي اذا بتحبي حمريها شوي من فوق واهم شي لاتفتحي عليها قبل ساعه وبس يبرد اقلبيه انا بروح وبجي بحرك القالب شوي مشان اضمن انو ماعم يبرد ويلزق بالقالب.
لمتابعة هذه الوصفة, وللحضول على المزيد من الوصفات المتميزة تابعونا على جروب “زاكي” لفن الطهي:
طريقه عمل الكيكه العاديه