قصة زوجتي توفيت للكاتبة جمايكا احمد
#زوجتي_توفيت…
#للكاتبة_جمايكا_احمد
هذه القصة مقدمة لكم من قسم المنوعات في زاكي, متابعة ممتعة لأعزاءنا القراء
.
الجزء الاول. الثاني ..الثالت. الرباع الخامس السادس ..السابع الثامن ..التاسع ..الاخير
.زوجتي الحبيبة :رحمك الله ..
بعد الفراق أصبح كلّ شيءٍ بطيئاً، أصبحت الدّقائق والسّاعات حارقةً، وأصبحت أكتوي في ثوانيها. كنّا معاً دائماً نتقاسم الأفراح والأحزان، كنّا دائماً نحاول أن نسرق من أيّامنا لحظاتٍ جميلة، نحاول أن تكون هذه اللحظات طويلة، نحاول أن نحقّق سعادةً وحبّاً دائمين، حاولنا دائماً أن نبقى معاً لآخر العمر، لكن لم يخطر ببالنا أنّ الّلقاء لا يدوم، وأنّ القضاء والقدر هو سيّد الموقف، وأنّه ليس بيدنا حيلة أمام تصاريف القدر، وتقلّباته.
.
#ام سامر: ياامو شو صار بالحكي يلي حكينا فيه ..
#منار: والله يا امي حكيت معها للبنت بس حسيت منها قبلاني من كلامها ..
#ام سامر: هي بتلاقي متل اخوكي سامر ..
#منار : امي مانها مجبورة ..بعدين ياامو شايفة لسه ابن اخي باللفة وهي باول عمرها بدها تفرح مابدها تربي صغاار .
#ام سامر: ذكرتيني طعميتي دالياا .
#منار: اي امي لاتقلقي ..وغيرتلا تيابها …واحمد كمان غيرتلوو ..اخدهن سامر لينامو بحضنو ..
#ام سامر: الله يصبرك يا امي على مصيبتك ..مين كانت متوقع انو هالدنيا قصيرة ..ومابتفرق عندها صغير ولا كبير ..انا لله وانا اليه لراجعون ..قايمة ياامو ريح راسي ..انتي بكرة عندك جامعة ..
#منار: اي امي بدي ادرس شووي بس رح ارجع بكير بساعدك باولاد اخي لا تاكلي هم ..
#ام سامر: اي هم يا امي ..والله متل بلسم على قلبي ..والله بفرح بوجودهن بس زعلاني على اخوكي ..وعلى هالاطفال اللي رح يربوا بلا ام ..
#منار : بعين الله ياامو …تصبحي على خير…
______في غرفة سامر ____
تك تك تك ..
#ام سامر : سامر ياامو فايق ..
#سامر : اي امي فايق فوتي ..
#ام سامر: لا خلي هالاطفال نايمين بلا يفيقوا على كلامنا …
#سامر : فوتي امي ..بدي ابقى جنبهن ..
#ام سامر : يامو ياعيني يا قطعة قلبي رح تبقى حبيس غرفة …يامو الدنيا بدها تمشي ..وهاد قدر ونصيب الله يرحمها ماشفنا منها الا كل خير ..صرلا ياامو شهرين متوفيه ..زيح هالحزن يامو عن قلبك ..واطلع شووف الصبح نور ربنا ..الله يمسح عن قلبك ياعمري..
#سامر: امي خديني لحضنك ..ماني قدران يااامو رحيلها كسرني ..حاسس بفراغ كبير من دونها ااااااخ ياامو اااااخ
#ام سامر: سلامتك من الااخ يااامو والله من اشوفك عم تبكي بنهد قلبي عليك وكلها لرب العباد ربك سميع بصير ..
#سامر: والنعم بالله ..واولادي يا امي ..رح يربوا بلا ام ..لسه البنت ماوعيت على امها منيح ولا اخدت حنانها ..ولا احمد اللي حتى امو ماشافتو ..
#ام سامر : الله يرحمها يااامو ليكو اذن الفجر قووم صلي ركعتين لرب العباد ..وانا سابقتك اصلي ..واجهزلك فطاار…
#سامر : يالا قايم تقبل الله ياامو ..
(في 27 من شهر رمضان ..وقت كانت مرتي عم تقيم صلاة التراويح بالبيت كانت بشهرها الاخير..وانا كنت عم اقيم صلاتي بالمسجد ..وقت شفت اخر اتصال من مرتي ..
#سامر : الوو سوسن شو حبيبي قليلي ..
#سوسن : تا تاا تاا تعباانة سامر..الحقني حبيبي..
#سامر : شو صرلك خوفتيني حبيبي احكي احكي انت وين شو صرلك ..دقيقة ووصل البيت ..
((كانت اخر كلمة اسمعها من مرتها هي حبيبي ..من سكت صوتها عني …اتصالها خلاني اركض على البيت وانا ماني شايف شي قدامي…فكرتها عم تتألأم من وجع الولادة ..او صاير شي معها ..ماتوقعت من اصل لاقي مرتي عم تطلق انفاسها الاخيرة …اخدتها على المشفى وسكرات الموت على وجهها …وجها اللطيف صار شااحب فجأة …دخولها العملياات بسرعة كبيرة واجهزة الانعااش بكل مكاان …انا واقف جنبها ..وهي عيونها عليه حسيت بدها تقلي شي بس ماعرفان شوو هو …كل شي عم يدوور حوالية ..وانا ماني سمعان شي …كل يلي حسيت عليه من شدوني وطلعوني برا الغرفة …وقتها صحيت من حالة الصمت المبكية …بعد دقايق بس من طلعوا طفل صغير من غرفة مرتي …وبعدها طلعوا مرتي اللي وقتها رفعوا عنها كل اجهزة الانعااش وغطووها بالابيض ..وقالو لالي الخبر الصاعق ..انو مرتي فارقت الحياة …بسبب جلطة قلبية ..مرتي اللي عمرها ماطبق 23 صابها جلطة قلبية …بالبداية انا كدبت الخبر قلت مستحيل يصير هالشي بعدها صغيرة …
#الدكتورة : الله يرحمها الباقية بحياتك …ألموت مابعرف صغير ولا كبير ..هي بالبداية كان عندها انسداد بسيط بالشرايين …بس هالشي اتطور واهملت حالها ..وكمان صيام وجهد كتير ,,,مابعرف شو بدي قلك ..الله يصبرك على ما اصاابك ..ولله ما اعطي ولله ما اخد …ابنك بالحضانة فووق ..الحمد لله صحتو منيحة …
الجزء الثاني ..
((كمشت مرتي بايدي وصرت احاااول افيقها بس هي كانت سااكتة مابدها ترد عليه …
#سامر : سوسن حبيبي حااج تمزحي معي ..بلاها هاي المزحة خلص انتي كسبتي هالمرة …خلص وقفي هالمزحة …حبيبي قوومي فيقي قليلي انو اللي بقولوه كدب وانهن متفقين معك مشان هالمرة تكسبي …حبيبي ليشك برداانة تعالي رح دفيكي متل كل مرة …بس قربي لعندي…ام احمد ..اي جبتيلي احمد اللي قلتي بدك اتسميه احمد واذا ماصار هيك اسمو رح تزعلي خلص انا مارح زعلك متل مابدك قوومي شووفيه ..انا مارح اشووفوا الا سوا ….حبيبي ليش هاد الروج الازرق على شفايف انتي بتعرفي انا مابحبو هاللون …سوسن ..رح يأذن الفجر ويروح السحوور عليكي قومي حبيبتي اتسحري …امي قليلي ليش مابدها ترد عليه ..
#ام سامر : يااامو يااامو اااااخ الله يرحمها الله يرحمها …انا لله وانا اليه لراجعون ..استغفرك ربي …
#ام سوسن : يا امي اسم الله ..بنتي وين ..بنتي وين ..شو صرلا يااااناس يارب يارب..لا لا شيلو هالغطا الابيض عنها ..بنتي ماماتت امانة امانة احكيلو بنتي ماماتت قولو هي نايمة …يا سوسن يا يا امي قومي قوومي بعدك صغير على المووت يااامو ليش قابلتيه …ليش ماحكيتلو انطر .ليش رحتي معو …يا سامر ياعمتي قلي بنتي ماماتت …ام سامر قولي اني بكاابوس ..حد يفيقني ياارب..
((الكل اجتمع حوالين مرتي عم يبكي وانا متل الطفل الصغير اللي امو تركتوا وراحت …بقيت حاضن مرتي الحضن الاخير لالها ..لعند ما اجو اخدوها مني …من اخدوها حسيت روحي راحت معها ..مرتي الطفلة الحنونة البريئة ماعادت موجودة ….قعدت بزاوية غرفة المشفى وراسي بين ركبي ..مطاطي راسي للارض عم ارسم بدموعي اسمها ..كنت عم اتذكر اول يووم روحت قابلتها ..مشان اخطبها …كانت متل البدر اللي عم يسطع بالليل …اول ما شفتها قلت لامي هي ماغيرها انا بدي اياها …بحياتها معي ماشفت منها العيب …احترمتني احترمت اهلي عاشت معي على الحلوة والمرة علاقتها بربها قوية ماكانت تفوت لا صلاة ولا صيام ولا قيااام ليل..من جبنا بنتي داليا كنا طايرين من الفرح ..لدرجة مانطرنا وحملت بابني احمد ..كنت بدي منها كتير اولاد روحها الحلوة ماكانت تخليني اشعر بيوم بملل ..اذا طلعت بنطر الساعة اللي ارجع لاقابل هالوجه البرئ ..كنت شوفها مع امي واختي كانها حد منهن …طيبة فووق العادة ..كانت تزعل وتروح تراضي اللي زعلها ماكانت تحب حد يدايق منها …مبادرة للخير اول باول ..اللقمة قبل لتفووت تمها كانت تطعمني اياها …كنت حس اني ابنها من يجي اخر الليل وحط راسي على رجليها …وتصير تلعب بشعري …وتكمش وجهي باصابعها الصغار ..واحسها بنتي لما تتدلل عليه تصير تنط قدامي متل طفلة صغيرة ..كان احلى مشهد شووفوا بحياتي من اشوفها هي وبنتي داليا قدامي عم يدللو …كانت بنتها حتى تغاار منها من تشووفها بحضني …كنت دايما قول للكل انا عندي طفلتين .. كانت تحب على طول تمارس طقووسها المزعجة وياريت بقيت مزعجة بحياتي ..كان كل ازعاج لالها يرد بقلبي الروح وتعب الشغل انسساه من شووف ضحكتها وهي عاملة فيني مقلب…حتى من راحت فكرت موتها مقلب …..
…من بعد غياابها صرت فووت البيت متل يلي حيطانو بتطبق على صدري .اسمعت صوتها بعدو بالبيت بحس انو عم تنادي لالي ..زصرت جاوبها صير دور بالبيت بالمطبخ بالخزانة يلي كانت تتخبى فيها ..سوسو انا هون حبي جاوبيني …تاني يووم جابوها لمرتي من المشفى مشان يغسلوها ….طلبت منهن اني انا اغسلها …..طول عمرها كانت تخجل تلبس قصير حتى قدام خواتها …غسلت مرتي وانا عم شووفها لاخر مرة لبستها كفنها المعطر بالمسك …وبوست جبينها ووصيتي انها ما اطول عليه …وتجي تاخدني بسرعة معها …الكل كان يجي يحضنها ويروح ….وانا كنت ماسكها مابدي ترووح …وصلت للمقبرة ..وقفت جنب قبر مرتي الصغيرة ..حملتها بين ايدي وحطيتها بقبرها ونمت جنبها ابكي لعند ما اخواتي شدوني وبلشو يطموا عليها بالتراب ..صرت اشيل التراب عنها متل المجنون واقلهن هلاء بتنخنق …فتت بحالة نفسية متل المجنون صرت دور عليها بكل مكان ودايما اسال عنها واتصل على موبايلها يمكن ترد عليه …ماتركت صورة لالها الا جمعتهن ..ماكسر قلبي اللي الفيدوهات اللي كانت هي مسجلتهن لالها معي …كانت عم تحكيني وانا عم اتقل عليها …صرت جاوبها اي حبيبي متل مابدك تكرمي حاضر يلي بدك اياه بس بعد شووو..ياريتني ماتقلت عليها بشي …ياريتني راضيتها لما زعلت …ياريتني من كانت تضحك وهي بتسجل هالفيديو اجريت عليها وحضنتها …صارت هالفيديوهات ما تنطفى نام وانا عم ابكي وانا بحاكيها وفيق الصبح افتح الفيديو اللي كانت عم تفيقني فيه ..وهي عم تمازحني …
#الجزء الثالث..
((مرق الاسبوع الاول وانا على هالحال …لعند ما امي فاتت عليه حاملة ابني احمد اللي اول مرة اشوفوا …
#ام سامر : ياامو الله يرضالي عليكي ..استغفر ربك شوووف هاد ابنك الصغير ..
#سامر : ………..
#ام سامر : امسكو يا امي …
#سامر : احمد
#ام سامر : رح تسميه احمد ..الله يخليه لالك يااامو الله يعوض فقدانك خير…يامو صرلك فترة ماعم تاكل متل الناس قووم كل شي شووف وجهك شلون اصفر وتعباان خلص وكل امرك لرب الكون قووم حماتك عنا بدها تحكي معك شي …
#سامر : الله اكبر الله اكبر ….بتشبها لامك يابي بتشبها خيرات الله ..جيت تعذبني انت كمان …جيت اتذكرني فيها كل لحظة …
#داليا : بابا..بابا بيبي..
#ام سامر: ليكو تيته تعي بوسيه لبابا قليلو قوم مشان خاطري…
#داليا : بابا ليه ابكي انت …
#ام سامر : اشتقتلك دودو تعي احضنيني..
#داليا :بابا ..ماما وين ااحت ….
#ام سامر : لا حول ولا قوة الا بالله ياامو الله يرضى عليك لاتبكي قدام هالطفلة ..خبرناها انو امها سافرت …ورح ترجع ..
#سامر : قايم اتوضا صلي …
((سؤال بنتي كان عم يقطعني على البطئ …كل ماتسالني عن امها اقوم اتوضا وصلي …ادعي انو الله يصبرني على غيابها …
#سامر : اختي ناقصهن شي اولادي ..
#منار : لا ياخيي انا غيرت لاحمد واخد رضعتو …وهيني عم طعميها لداليا ..
#سامر : اختي فيني اليوم اخدهن نيمهن بحضني ..
#منار : اي اخي اكيد …يالا رح نخلص …دودو قومي اعطي بابا عبووطة وبوسي حلوة …
#داليا : بابي حبيبي مووووووووواه …
#سامر : بابا انا بحبك كتتير كتيير …بدك تنامي عندي اليوم ..
#داليا : اي اي وحموتي كمان..بابا حموتي بيبي زغير هه ..فوش بابا هاد اخي نونو ماما اعطتني اياه هدية ..
#سامر : رح تهتمي فيه لوقت ترجع ماما..
#داليا : اي بابي أمتو(عمتو) ألت انو انا اختو البيرة ( الكبيرة )…
#سامر : ههههه تعي اعطيني عبووطة اختي الكبيرة ..انتي كمان اختي الكبيرة ولا بس لحمودي…
#داليا : هئه بس حموتي انت بابي ..
#سامر : دخيلو الذكي ..
(كلام بنتي داليا ووجه ابني كانو يهونوا عليه غياب امهن …بحمد الله وبشكروا انو بقيان عندي شي من ريحتها …مرق الشهرين …وانا مانسيتها اشتياقي لالها كان يزيد.
حرقة قلبي عليها رح تقتلني بمطرحي ….ربط ربي على قلبي ..والايام بتمر بصعووبة …ارجعت لشغلي ولحيااتي الطبيعة صرت خااف ارجع على البيت …اخاف دق الباب لانو ماعادت مرتي تفتحلي ….نقلت عيشتي لعند امي لاخفف عن حالي هالمعاناة ..بلش هالامر يهون عليه شوية….
.
بس المعاناة التانية لما قررت امي تشوف لالي شخص تاني يعيش مكان مرتي …
#ام سامر : شو قلت يااامو ..
#سامر: لا امي انسي الموضوع مابدي حد يشارك مكان مرتي..
#ام سامر: يامو الله يرحمها بس هاي حياة وانت بعدك عمرك 27 سنة يعني يامو بعز شبابك ..والدنيا يامو مابتوقف ..هاد قدر ونصيب فكر ياامو انا شفت ايناس بنت رفيقو لابوك ا هلها طيبين بتعتني فيك باولادك ..
#سامر: ياامو مرتي بعدها تربتها خضرة …وانا مابدي حد يعتني بأولادي ..انا موجود ….ومابدي اتزوج من بعدها ريحي راسك ..
الجزء الرابع ..
#منار : اخي بدي احكي معك بموضوع …
#سامر: اتفضلي اختي قليلي
#منار : سامر انت بتعرف انو انا رح اطلع اكمل دراستي برا …وامي ماعندها قدرة تعتني بطفلين وانت اخى ارجعت على شغلك …والضغط كلو على امي ..لا والله لاتفكر انو امي شكت لا والله …طاير عقلها فيهن …بس اخي مانك شايف انو سار الوقت اتجيب ام لهلاطفال تعتني فيهن …وبصراحة اكتر في صبية منيحة ويمكن امي خبرتك عنها شو رايك تشوفها …شو قلت اخي فكر الله يخليك لاترد عليه جواب هلاء…انا مارح افتحلك مواضيع توجعك ..كرمال هالاطفال ..
#سامر : الله كريم ..
((مرقت الايام وامي واختي كانو على طول عم يلمحو لالي بعروس جديدة …ويحكو قدامي عنها ..بس ماكنت اعطي اي اهتمام ..بعدها مرتي متربعة بقلبي ..حتى لو فارقتني عيوني من بعدها ما شافو حد ..لعند ما اختي سافرت على مصر لتكمل تعليمها …وانا على طول بالشغل ..وكل الضغط صار على امي ..ومن شفت امي اخر فترة السكر والضغط يعلا عندها خفت ليصير معها متل مرتي …الله يرحمها ..
#ام سامر : سامر امي جهزت العشا قووم اتعشا
#سامر : يسلمو دياتك امي عندي سؤال ..
#ام سامر : اي حبيبي اسالني
#سامر : البنت اللي قلتي مرة عنها ..
#ام سامر : ايناس بنت رفيقو لبيك
#سامر: اي امي
#ام سامر : بدك روح اخطبها لالك
#سامر : اي امي بس اذا صار نصيب ..خبريها من هلاء مابدي اعمل لا طنة ولا رنة ..
#ام سامر : بس ياامو
#سامر: امي هاد شرطي وشو مابدها تطلب..
#ام سامر : ماشي بكرة بتصل عليهن وبخبرهن بالحكي هاد …
..
(بعد اسبوع خبرتني امي انو الناس موافقين ..واني اجي شووفها ومن وصلت لاشوفها ..ما اعرف ما اطمنت لالها والله ..مو على الجمال او شي ..هي كانت جدا جميلة ..واجمل من مرتي ..بس مابعرف ليه ما اتقبلتها ..بس هالامر ماكان يهمني قد اعتنائها باولادي …وافقت وتمت الخطبة بدوون حفل ..كنت روح زورهن على عيني ..كنت شوف اهتمامها باولادي كتير ..هالشي هو اللي كان يخليني اتقبلها..لعند ما ثبت زواجي منها بالمحكمة ….بلشت تتغير معي شوي شوي ..صارت وقت تجي لعندي اتحاول قد ما فيها تنشغل عن الاولاد انا ماكنت اطلب منها شي ..ولا كنت اجبرها انو تهتم بابني …ومن اروح لعندهن واخد اولادي كنت افقدهن وبالاخر اعرف انو اولادي صاروا عند الجيران ..
#سامر : ايناس وين احمد وداليا
#ايناس: اخدتهن بنت جيراني قال نفسها تشوفهن..وتلاعبهن..
#سامر : بتمزحي شي …
#ايناس : لا مابمزح بس بصراحة جاي على بالي اقعد معك قعدي لحالنا ..بدي احكيك بكم شغلة ..
#سامر : قومي جيبي اولادي لو سمحتي …اذا مانك حابة يبقو اولادي عندي مانك مضطرة تقولي لالي جيبهن معك ..انا اولادي مابنحطوا عند الجيران …كان فيكي تحكي بوجودهن ..
#ايناس : سامر ماقصدت بس شو فيها لو قعدنا من دونهن..
#سامر : استغفر الله سلاام…رايح اخد اولادي من عند الجيران ..
(انا صابتني الصدمة كرمال تقعد معي …تركت اولادي عند الجيران …بلشت احس انو الوضع مابطمني ,…بس امي بلشت وقتها ترتاح شوي …قرب يوم الزواج ..وانا كنت مشرط وقتها انو مايصير فرح بس اللي صدمني من رحت اخدها من بيتهن كانت العراضة والطبل والزمر ..والدنيا قايمة وقاعدة ..انجن عقلي ماعدت اتحمل وماكفى لهون ..من تركتهن ومشيت كانت طابور العراضة واصل لحد بيتي …انجن عقلي وقتها …من شافتني امي هيك صارت قد مافيها توقف هالزمر والاغاني …تركت البيت واخدت اولادي ورحت لعند قبرها لمرتي ..وانا خجلان من حالى ..قعدت جنب القبر وانا ماني حسنان انطق حرف واحد …
#سامر : شو بدي قلك …انو ماصرلك كم شهر مفارقتيني ومن صرتي تحت هون رحت اتزوجت …شو بدي قلك انو هالمرة ما احترمت حزني وصلت صوت العراضة لباب بيتك …شو بدي قلك انو في وحدة هلاء راح تاخد مكانك وتصير جنبي واسمها على اسمي ..محروق قلبي…والله كرمال هالاطفال …مانو عذر لا والله سامحيني سوسن سامحيني الله يخليكي هالشي مو بيدي والله …
(كانت بنتي عم تلعب حوالين القبر وهي مانها عارفة شي …وقتها صارت تقطف ورد وتجي تحطو بتراب قبر امها …ونامت جنب الوردات من شفت هالمنظر قلبي وقف ماعدت احكي شي..معقول هالطفلة حاسة انو تحت هون امها …طيب ليش نامت فوقو ..مابعرف ليش بنتي اتصرفت هيك ..اخدت بنتي وابني ..ونحنا على الطريق ..
#سامر: داليا بابا ..انتي بتحبيها لماما
#داليا : اي
#سامر : طيب بابا ليش جبتي وردة وزرعتيها بالرمل ..
#داليا : بابيتي انت قلت انو ماما تحت هون ..وانا جبتلا وردة مشان تجي تاخدها انا بحبها لماما ..
الجزء الخامس
((ماكنت حسنان ارد على بنتي ..ماتوقعتها انو هي فهماني شو بقول ..من وصلت كانت بنتي وابني نامو ..اطلعت مشان فوت لبيتي لاول مرة بعد غيااب اشهر عنو ..فتت وكانت اضاءتو مشعلة ..ركضت بسرعة لانادي على سوسن ..من فتحت الباب كان خيالها بظل غرفة النوم …
#سامر : سوسن حبيبي انت هوون
#ايناس: احم احم كأنك بتنادي على حد
#سامر: اينااس
#ايناس : اي اي حلو كتير بيتنا بس كلو غبرا وتراب كاأنو مهجور بس نضفتو جبت اللفاية عملتو ..
#سامر : اها طيب فيكي تنامي برا بالصالة هالليلة . لعند ما اخلص كم شغلة ..
#ايناس : لا مابصير ..رح فووت جهز حالي ..وانت حط الاطفال بغرفتهن…
(انا راح وقتها عن بالي انو ايناس رح تسكن هون …ماكنت متخيل هالشي ..ماكنت متخيل انو رح تلمس كل الشغلات اللي سوسن كانت تلمسهن …فتت نيمت اولادي ونمت جنبهن …ونسيت انو ايناس بالبيت …
#ايناس: جيت بالليل فيقتك اكتر من مرة بس انت شكلك كنت تعبان ..
#سامر : صباح الخير
#ايناس : اهلين ..صباح النور..
#سامر : افطرتي اتحبي جهز الفطور …
#ايناس: اذا عم عزبك بلاها هلاء بدق ع امي شوي ويتجي جايبة لالنا فطور…
#داليا : بابي بدي اعمل ممممم
#سامر : يالا بابا اسرعي على الحمام لاحقك..
#ايناس : اي الوو مامي …اي اي لو ..ههههههه متل مابدك ..
#سامر : فيني افوت اخد حفوضات احمد من الغرفة ..
#ايناس : ثواني مامي ..اي عادي غرفتك فوتها ..
(اول مافتحت الخزانة لقيت كل اغراض سوسن مانهن موجدين ولا تيابها ولا صورها ..
#سامر : بدي اسالك وين الاغراض
#ايناس : قصدك تيااب المرحومة …انا حطيتهن تحت بالمخزن …
#سامر : مين امرك بهيك شي …على اي اساس بتعملي هيك …
#ايناس : انت ليش عم تعيط عليه نسيان اني عروسة ..بعدين مو بكفى ماخليتني افرح متل هالبنات ..وبعدين تاركلي بالبيت اثار مرتك الميتة ..
#سامر: اول شي انا خبرت وقلت انو هيك شرطي تاني شي انا ماضربتك على ايدك توافقي ..تالت شي ماكان فيكي تتصرفي باغراض مرتي قبل لتطلبي اذني فهماني ….
#ايناس : يعني شووو كنت بدك احط تيابي جنب تيابها ..
#سامر : طبعا لاء …رايح بدي نزل الاولاد عند امي اذا احتجتي شي ابعتيلي رسالة ..
الجزء السادس ..
(مرق اليوم كلو ..لاشفت ايناس ولا حتى وجودها نفعني بشي بالعكس زاد الضغط عليه ضعفين ..
#ام سامر : يامو وينها مرتك ليش ما نزلت ولا اجت ساعدتك بهالاولاد ..
#سامر : مابعرف امي لا تسأليني شي …يمكن اهلها عندها ……شوي بدي اتصل اتصال …الوو اي عمي ابو صبحي اي بدي غرفة نووم جديدة ..لا لا بدي نزلها تحت اي …مع السلامة ..
#ام سامر: غرفة جديدة ليش ياامو..
#ام سامر : انا غلطان رح عن بالي انها عروس وبدها غرفة لحالها ..غرفة سوسن رح نزلها لتحت …ورح جبلا عفش جديد..مالها ذنب التانية …
(اخر الليل اطلعت لفووت كان البيت مقلووب الوسخ بكل مكان قشر المكسرات بكل مكان …كاني فايت شي حظيرة الله يعزكم ..لقيتها متمددة على الكنباي وحاطة على حالها الروب تبع مرتي من شفتها انجن عقلي ماقدرت اتحمل ..
#سامر : ايناس هاد لسوسن ليش لابستيه ..
#ايناس : انا وعم ضب الاغراض تبعتها لقيتو وعجبني ..
#سامر : شلون اجا بقلبك تلبسي شي لمرتي انتي صاحية شي..
#ايناس : هي مرتك بس ماتت وانا مرتك وبعدني عايشة ..وانا لهلاء ماصرت مرتك متل الخلق شو القصة ..ليكون بدي عيش العمر هيك معك…
#سامر : وبعدين واذا لبستو للروب اساسا كنت بدي اشلحو ريحة البرفان ماعجبتني يلي عليه …
(مديت حالي على الكرسي وانا السكوت عم ينهش فيني …نيمت اولادي وفتت دخلهن على غرفهن …وفتت لاعمل كاسة قهوة لقيت كنزة سوسن اللي بحبها وكنت حطها جنب مخدتي …معمولة خرقة للمطبخ …ماعرفت شو اعمل غير اني اعيط …
#اينااس : يووووووه شكلو الهنا باين من اولو …شو قلي ..اهاااا الخرقة …
#سامر : لك انتي عم تعذبيني …انتي قاصدة تعملي فيني هيك …هاي مو لالك باي حق تعملي بالكنزة هيك ..
#ايناس: انت شكلك مجنون …الله يصبرني شكلو العيشة معك مابتنطاق فايتة انام ارجع لعقلك الحي ابقا من الميت تصبخ على خير …
(ماكنت عارف شلون اتصرف معها …تاني يوم من فقت كالعادة غيرت تياب اولادي ونزلتهن لعند امي تفطرهن ..وهي بعدها نايمة …وبقيت انطرها للساعة 12 لفاقت …
#سامر : صباح الخير ممكن تنزلي عند امي …حاولي ضبي تايبك ..
#ايناس : ليش
#سامر: بدي غير عفش البيت ..بعد ساعة جااين الشغالين ..
(كل شي بتعلق بسوسن نقلتو …حتى مج القهوة اللي كانت بتحب تشرب فيه ..جددت البيت كلو …على امل انو هالمشاكل توقف بس ماوقف بالمرة …
#ام سامر : ايناس ..
#ايناس : اي مرت عمي ..
#ام سامر : عندي مراجعة اليوم عند الدكتور ..خدي هالاطفال بس لعند ما ارجع …
#ايناس : بس مرت عمي عندي مشو… اي خلص ماشي ..
#ام سامر : اي يالا نازلة ديري بالك عليهن مارح اطول …لعند مايرجع ابوهن من الشغل ..اتحملي يابنتي ..
#ايناس : الوو ماميتي ..الحقيني رح مووت من النكد يلي انا فيه …جابتلي اولاد سامر مافيني اتحمل …شو ساوي ..اي اي ابعتيلي رقمها . لا لا مارح طول بس بدي تقعد عند الاولاد ..قد مافيكي اعطيها ..
(اتصلت امي وانا بالشغل لتخبرني انو الدكتور عندو مرضى كتير وانو رح تتاخر وانها تركت الاولاد عند ايناس …والله مااتحملت اخدت حالي قبل ليخلص موعد الشغل ..وارجعت على البيت ..ومن فتحت الباب كانو اولادي عم يبكوو…كانت وبنتي حالتها بالويل ..وابني اللي الاحمرار مكان الحفووضة لدرجو لحمو مسلخ …وبنتي اللي بتبكي على طول جوعانيني ..صدمني وضعهن ..فتت صرت نادي اينااس ايناااس …ماكان حد بالبيت …..انجن عقلي …لقيت ورقة مكتوب عليها ..الاتي ..
((مدام ايناس اطفالك لايريدون النوم …وانا انتهت مدة جلوسي معهن …وانتي تأخرتي كثيرا انا بعتذر وقت المغادرة ..6:30 مساءا …ومن اطلعت بالساعة كانت تقريبا شي 8 ..يعني اولادي انتركوا ساعة ونص لحالهن عم يبكوا بالبيت …صرا وين لاقي شي قدامي اكسروا دقيت على امي اللي اجت تركض …وخايفة وضغطها مرتفع …
#سامر :يامو متى تركتي الاولاد..
#ام سامر : والله يامو من الساعة 1 الضهر وهي قالتلي تكرمي ..
#سامر : اولادي ماكانت هي معهن كان في خدامة ….وهي من وقت ما اطلعتي هي طلعت …خدي شوفي هالورقة …
#ام سامر : يالطيف ..ريتهن انكسروا ايدي ياتيته ولاتركتك هون ..ريتو هالوجع فيني …
#داليا : تيته ذوعاني …
#ام سامر: هلاء تيتيه هلاء بطعميكي …
(ما ارتاح قلبي الا وقت ما اولادي ارتاحو ونامو كان قلبي بيرجف رجف على حالهن…لوقت ماوصلت اينااس وفتحت الباب ..
#ايناس: هاا ليكها مرت عمي عنا خير شو صاير ..
#سامر : فوتي …
الجزء السابع ..
((من وقت مافاتت ايناس البيت …كانت لا مبالية لشي ..
\
#سامر : انتي بعقلك شي تطلعي من البيت وتتركي اولادي لحالهن هوون …
#ايناس : انا ماتركتهن لحالهن انا تركتهن مع البيبي ستر ..
#سامر: انتي طبيعية شي ..امي اعطتك الاولاد لتنتبهي عليهن بس لساعات ..تتركيهن عند خدامة وبعدها تروح ويبقوا لحالهن …
#ايناس : شووف انا عروسة ..وانا ماشفت منك شي لاعتبر حالي مرتك..انا ماني
مجبوورة اربي اولاد مانن اولادي ..انا بدي ارتاح بحياتي..
#سامر : وليش وافقتي واظهرتي وجهك المزيف انك بتهتمي باولادي …
#ام سامر: مو عيب يابنتي ..ماحزنتي على هالاطفال الايتام ..طفل بعدو بلفتو وطفلة مسكينة انا اعطيتك اياهن وقلتي رح تهتمي فيهن …ليش ماخبرتيني انك مابتحسني …
كان ماضغط عليكي فيهن …بس والله حرام ينتركوا البنت كانت جوعاني …شو قصتك شو اللي ناقصك مو انتي اللي قلتي يامرت عمي بعيوني بحطهن …
#ايناس : بدي ارتاح تعباني من مشوار اليوم جبلن خدامة ..تصبحو على خير..
#سامر : وقفي هون..
#ايناس: مارح وقف …انا بجد بقلك اياها ماقدرتي حتى احملو لابنك او اهتم ببنتك …مانن اولادي …هادولي اولادك…
(حاولت يومها ما اكبر القصة وقلت اكيد رح يرق قلبها ..شي يووم ..كنت من اقرب اينااس احس بغصة بقلبي ما اتحملها بس واجبي كزووج ما اكسر خاطرها ..بس بدل ما اكون متفرغ لاولادي صرت بدي اتفرغ لطلباتها ومشاويرها والضغط صار عليه اكتر..زبس اخر فترة من اجيب الاولاد لعندها ..تطلب مني هي تنيم الاولاد كنت استغرب شلون الاولاد بينامو بهالسرعة معها …بس اللي كشفتو بنهاية الامر انو اولادي ما كان نومهن طبيعي …راقبتها لاينااس لاعرف شو سبب انو اولادي بيهدوا وبينامو لحالهن …
#سامر : ايناس شو هاد اللي بايدك
#ايناس : ممم سامر هاد ببرونة الحليب تبعت الاولاد جهزتهن مشان يتعشوو وينامو ..
#سامر : اي بعرف بس شو هاي المي يلي بايدك هاتي اشووف..
#ايناس : لا لا مية عادية لالي هااي
#سامر : اعطيني لاشووف ..ماااء غريب مع اعشاب منومة ..عم تحطي لاولادي اعشاب وقرف لينامو ويحلى لالك الجو …قسم بالله انتي مريضة ..
#ايناس : هاي مفيدة مشان يرتاحو .
#سامر : هيك اعشاب ومية بتتلف العصب عندهن انتي زودتيها كتير حااج قرف بعدي عن حيااتي وعن اولادي ماعم يكفي اهمالك فيهن جاي تقتليهن بايدك ..
#ايناس : لاااااا انت المرض ماعاد فيني ماعاد فيني انا من حقي اقعد مع جوزي بدون وااااء ووييء
#سامر : ما انا معك طول اليوم شوفي اينااس ..بتاخدي شنتة تياابك وبتروحي عند اهلك خليهن يعلموكي على الحنان شوي ..
#اينااس : انا رح رووح ومارح ارجع لخدمة اولادك اذا بدك اياني جبلن دادا تهتم فيهن بااي ..
#سامر : اينااس وقفي عندك انتي طالق ..الله معك
#ايناس : طلقتني ..كرمال اولادك..
#سامر : كرمال اولادي ببيع حالي.. الله معك ..
(هيك نهيت علاقتي بايناس كلامها كان متل السيف ..انا والله ماقصدت اتركها هيك ..بس هي ماحببتني فيها مااعطتني ايه مجال..او هي مابعرف ماكان ببالها نية تهتم بأولادي …مرقت الايام …كانت اموري عادية مايأست من طلاقي من ايناس هي اجت من الله لان ماكان ببالي فكرة اني اتزوج مرقت السنة الاولى على وفاة سوسن ..اولادي كبروا ..كنت حاول قد مافيني ساعدها لامي بتربايتهن ….ومن رجعت اختي منار شالت الهم الاكبر عني …
#سامر : امي شو في عنا ..ليش في ضجة
#ام سامر : هادولي رفيقات اختك ..رنيم وجنى ..جايين يباركوا لالها بالتخرج..
#سامر : طيب امي ..انا طالع لفووق بدك اخد الاولاد عنكم..
#ام سام: والله ياامو ما اعتقد بنتك وابنك ماقبلانين يقوموا من حضنها لجنى “”
(بعدني واقف عم احكي مع امي مرقت بنتي بسرعة وهي عم تضحك وكانت عم تلحقها صبية مابعرف شلون سرحت فيها ..حسيت ملامحها بيشبهوا ملامح سوسن نفس الضحكة ……ركضت بنتي لتتخبي وراي هيى عم تضحك ووقفت الصبية قدامي لتحاول تكمشها لدالياا..
#داليا : بابي بابي بليز خبيني ..
#جنى : لك يازعرا وين بدك تتخبي مني …ها ها 123 هههه كمشتوو ..
#ام سامر :هههه هاي جنى الله يحميها ..وهباد ابني سامر ابو احمد وداليا ..
#جنى : اتشرفت فيك خيي
#سامر : شكرا وانا اكتر ..
#جنى : عن اذنكم ..يالا تعي نلعب لعبة تانية يازعرا ..
((من وقفت جنى قبالي حسيت حتى ريحة عطرها متل سوسن ..ماقدرت قااوم شي ..حتى نظراتها …اطلعت لغرفتي وحاولت اكتر من مرة اتقصد انزل لتحت …لارجع ارسم ملامحها لجنى ببالي ..مابعرف شو صار معي وشو اللي خطفني هيك ..هاي البنت كانت جذابيتها كتير كبيرة ..انا الشخص يلي قلت خلص مابدي بنات بحياتي من بعد وفاة مرتي \,,ومن بعد افعال اينااس مع اولادي …
الجزء الثامن ..
(صار كل ليلة انزل اتقصد اقعد جنب اختي وهي عم تحاكي رفقاتها …يمكن اسمع شي خبر عن جنى ومن اسمع انو جنى على التلفون كنت اعمل حالي ملتهي بس كنت اصنت لحديث اختى معها ..ومن تجي لعنا على البيت ..كنت ما اقصر بضيافتها ..حتى بنتي وحديثها الدائم عن جنى هو اللي خلاني انطر اللحظة اللي تجي جنى لعنا ,,
وبيوم كنت راجع من الشغل واقفة على محطة الباصات ..من وقفت اختي منار جنبي ومعها جنى ..
#منار : هااا وهاد ساامر شو خيي وين سيارتك ..
#سامر : اهلين منار ..مرحبا جنى ..سيارتي بالكراج بدها شوية تصليح ..
#جنى : اهلا فيك ..
#منار : مادام الباص باقيلو شي ربع سااعة انا رح روح جيب كم شغلة لدودو وحمود ..
#جنى : اجي معك
#سامر : تعي انا بجيب
#منار : لا لا خليكي هوون مارح طول ..وانت سمور مارح تعرف شو بتحب دودو
#جنى : ههه خدي هاد كمان لالها هي بتحبو ..
(راحت اختي وتركتني واقف مع جنى لحالي كانت على طول الوقت راسها بالارض وخجلاني مني خدودات وجهها موردين …والخجل من عيونها عم ينقط ..حتى انا عن الكلام ماحسنت ..بقيت 5 دقايق ساكت …
#سامر ..#جنى : كيفها دودو معك ..
#سامر : ههه القلوب عند بعضها متل بعض احكينا ..ياستي كل كلامها جنى جنى ..
#جنى : هههه الله يحميها تؤبر قلبي شو حبوبة ..كأنو منار اتاخرت ..
#سامر: هيك شي رح دقلها ..الووو منار وينك اختي ..
#منار : بالسووق عم اشتري تياب لدودو
#سامر : بالسوق عندو اجا الباص ..
#منار : والله منزلين معروضات حلوة للاطفال ..بنروح بالباص اللي بعدو ..
#سامر : بس رفيقتك..
#منار : لا تخليها تروح ..خدها اعزمها على فنجان قهوة لوقت ما اخلص في مقهى بجنن على طلة حلوة بشارع عادل امام على اليسار ..
#سامر : بس
#منار : اخي مابسش يالا فرصتك باي باي ..
(ماعرفت شو وقتها اقول لجنى ..بس اللي عرفتو انو اختي كانت متقصدة هالشي لتخليني اقعد مع جنى..وماكان بايدي الا اعزمها لجنى …اخدتها على المكان اللي وصتني عليه اختي…يخرب عقلها كتير مزوقة هالزعرا ..
#جنى : الله شو بجنن هالمكان ..مقهى بطل على البحر والمراسي ..اويلي على طولي انا ..
#سامر : عجبك ؟
#جنى : بطير العقل يسلمو زوقك بجنن …
#سامر : اتفضلي شو بتحبي تشربي..
#جنى : قهوة حلوة ..
#سامر : تكرمي وانا بحبها حلوة ..
#جنى : ممم صحة وهنا ..
#سامر : كل العيلة بسيرتك حتى بنتي داليا كل مابتنام عم تقلي القصص الحلوين يلي عم تقوليها لالها ..
#جنى : دخيل قلبها شو ذكية الله يحميها لالك ..
#سامر : تسلمي يارب ..عندي سؤال محرج ..
#جنى : اتفضل عادي اسالني .,
#سامر : انتي مرتبطة شي ..
#جنى : مممم
#سامر : اسفة ما قصدت احرجك ..بسحب سؤالي …
#جنى : لا عادي ..انا بنت مطلقة ..اتزوجت قبل 4 سنين قبل لابلش جامعة ..بس اتاخرت بالحمل وقالو عني اني مابجيب اولاد ..بس انا ماعندي مشاكل بس الله ما اراد واطلقت ..الحمد لله نصيبي هي ..
#سامر : انتي ليه قلتي لالي سبب طلاقك انا ما سالتك ..
#جنى : لان اغلب الناس من يسالوني هالسؤال بدهن يعرفوا سبب طلاقي ..بس انا صرت اختصر الطريق واجاوب قبل ليسألوا …
#سامر : اها ياستي لاتاكلي هم نااس اللي بلاحق الناس مارح يعيش انا ارمل ومطلق بنفس الوقت ,,
#جنى : بعرف الباقية بحياتك … الله يبعتلك وتصير تلاتة ارمل ومطلق ومتزوج…
#سامر : حياتك الباقية ..الله كريم ..ان شاء الله يصير نصيب ..
#جنى : في حد محدد ببالك ..
#سامر :ممم
#منار : ليقتكن يالا حاجتكن لعي …الباص باقيلو كم دقيقة ويوصل..
الجزء التاسع ..
(بعد لقائي بجنى صرت على طول سرحان ..مابعرف شو اللي عم يصير فيني ..تفكيري مشغول …وعلى طول اضل ناطر اي حديث عنها …ومن تجي لعنا ضل قاعد عند امي متلهف لاني التقي بوجهها …
#منار : سامر كيفك خيي . في شي شاغل بالك ماا..عم شوفك على طول صافن ..
#سامر : مممم لا مافي شي
#منار: زاعجك شي ..احكيلي انا اختك ..بغلاوة هالحلوين اللي عندك قلي..لا اضل اتخبي بقلبك ..ههه شايف عم تتبسم يالا خبرني ..
#سامر : ليشك مصرة لازم تعرفي كل شي.
#منار : هههه اي يالا قول ..ولا اقلك شو رايك بكااسة نسكاافية وبكيت بووشار …وها ليكني شغل الصووبا مادام الكل نام …
#سامر : هههه ماشي يالا ..
#منار : خلصت يااالا يا خيي قلي شو شاغل هالراس ..
#سامر : اذا قلتلك بتوعديني ماتجيبي سيرة لحد ..
#منار : هههه على حسب مابوعدك انا ..بس اذا شي مهم كتير بوعدك ما اقوول…
#سامر : جنى !…
#منار : اي …
#سامر : شو اي عم قلك جنى ..
#منار : جنى ماغيرها رفيقتي …!
#سامر : اي البنت هاي كتير شاغلة بالي ..
#منار : معقول …جنى عاجبتك كتير ..
#سامر : هيك شي ..احكيلي عن هاي البنت …
#منار: بس مطلقة ..
#سامر : بعرف ..
#منار : من وين بتعرف ..
#سامر : من حديثي معها بس مالحقت انتي جيتي بسرعة …يالا خبريني عنها ..
#منار : ماشي ..جنى رفيقتك من سنة هيك شي ..اتعرفت عليها بمصر …كانت متزوجة واحد بالسعودية من قرايبها..بس ماكملت معو السنة تقريبا ..على ما اعتقد ..عانت كتير منو .كان يأذيها ويضربها بحكم انو اهلها هون بعيدين عنها .. اللي عرفتو انها بنت داقت المر واتحملت كرمال ماتجي تعيش بين نسوان خواتها …وهي اساسا قبلت لتتزوج قريبها وتبعد كمان بسبب نسوان خواتها …بنت طيبة وعلى نياتها ..ضلت متحملة كل هالعذاب لعند ما زوجها اتزوج عليها قال هي مابتجيب اولاد وهي ماصرلها سنة متزوجة …مابعرف هالعالم شلون بتفكر …والبنت عملت تحليلات وكل شب عندها سليم . بس هني مانطروا رزق الله ..بيوم كانت راجعة من مشوار لقيت ضرتها ببيتها ودار حماها كاببين غراضها برا …شوووف الظلم لووين …وهي من الباب جوزها رما عليها يمين الطلاق ..اخدت حالها ونزلت مصر . وهونيك اتعرفت عليها . كانت نازلة ببيت طالبات …هي دارسة جامعة تخصص علم نفس ..بنت راقية وهادية وبتخاف الله كتير …هي سبقتني ورجعت لهون …وهي لهلاء ماخلصاني من اخوتها ونسوانهن ..مابتسدق تجي لعنا ..طاير عقلها بالاطافيل تعوونك …بتموت عليهن …كل يووم بدق مشان تسمع صووتهن …شو اخي
#سامر : شو ..
#منار : مابعرف شوو ..ليش سألتني انت …
#سامر : مشان ..موبايلك عم يدق
#منار : هههه شفت ليكها جنى ..الوو اي حبيبتي جوجو..
#سامر : افتحي سبيكر ….
#جنى : لا تواخذيني منار ..والله اتاخرت بالاتصال هلا لوصلني رصيد دقايق لخليت ابن عمي الصغير يروح يشحنو …وينهن حبايبي الله يخليكي اعطيني احكي مع دودو ..
#منار: هههه حبيبة قلبي ..والله نامت ..خلص تعي بكير امي مجهزة فطاار يطير العقل …ومنو بتشوفي دودو …ماشي حبي يالا تصبحي على خيرر..
#سامر : دخيل قلبها الله يحميها …
#منار : شفت …ليكو كلامي اجاا …شفت قديشو قلبها معلق باولادك ..
#سامر : اختى بدي صارحك بشي ..انا هاي البنت عجبتني كتير ..مابعرف اتعلقت فيها ..او يمكن مابعرف شلون افسرها ..عم شووف فيها كل شي بحبو …متل سوسن ..متل كلامها متل عيونها وحركاتها ..
#منار : اخي اذا البنت عاجبتك خلينا نخطبها لالك …
#سامر : لا لا مابقدر..
#منار : ليش اخي اذا البنت طيبة وحنونة وفيها الصفات اللي تحبها انت بعدك صغير وعمرك ماصار 28 ليش مانخطبها لالك والله بتستاهل هالبنت ..
#سامر : سوسن …
#منار : اخي الله يرحمها …بس حاج هي راحت لعند ربها والحياة ماوقفت …شو قلت ..
#سامر : مابعرف خليني فكر ..
الجزء الاخير ..
((مرق ايام وانا بالي بسوسن وجنى ..مابعرف قلبي واجعني …خايف اكون هيك خنت محبتي لسوسن بنفس الوقت جنى اقتحمت حياتي وبلشت تدريجيا تعيش فيني …كانت تمر من قبالي جنى وانا كل ما بدي بعد وانسااها …الاقي حالي عم فكر فيها اكتر …حاولت امنع حالي ما اشووفها . بس من اسمع صوتها او اسمع انها جاي انطر الدقيقة واحسها ساعات كرمال بس اشوف وجها …بيوم اسمعت اتصالها مع اختي ..
#منار : اي حبيبتي جنا معك قولي حبي ..
#جنى : متقدملي شاب وضعوا منيح وابن نااس ومحتارة مابعرف ليش ..
#منار : شااب قصدك عريس …لا تستعجلي حبيبتي …لاتعطي خبر لحد بكرة بجي لعندك انا …وبنحكي يالا رح قفل وبرجع حاكيكي ..سلام ..
#سامر : اختي جد اللي اسمعتو
#منار : اي اخي متل ما اسمعت جنى رح تخطب عن قريب …مابعرف شو بدي قلك بس اذا بدك اياها والله بروح بخطبها لالك انا وامي …بس يا اخي اتحرك البنت بتروح منك …
((من سمعت الحديث وانا كياني مقلوب صرت عصبي زيادة عن اللزوم ..محروق دمي …ومخنوق ..ماعرفاان شو صابني ..كل شي بحبو بسهولة برووح مني ..لوقت ماعدت اتحمل ..ماتركتها لجنى هي كمان تروح وتتركني ..
#سامر : امي بدي اياها لجنى ..
#ام سامر : السلام عليكم ورحمة الله ..السلام عليكم ورحمة الله …شو امي ما اسمعت كنت بتصلي ..
#سامر : امي بدي تروحي تخطبي لالي جنى رفيقة منار ..
#ام سامر : بس يامو البنت رح تخطب هي خبرتني اختك ..
#سامر : مناااار ..مناااار …
#منار : شو اخي قلي..
#سامر : اختي منار خطبت …
#منار : لا اخي …انت شو قلت هلاء بنروح على بيتهن نخطبها …
#سامر : اي اي قومي البسي يامو وجهزي حالك رح وصلكن هلاء ..
#ام سامر : هلاء نروح بدون موعد..
#سامر : اي امي هلاء قايم البس تيابي تكونوا جاهزين
#منار : ماشي اخي واناا رح اتصل عليها ..
((من الحرقة اللي بقلبي خليت امي تروح لعند بيت اهل جنى …ليخطبوها لالي واناا قلبي على نار …كنت ناطر شي تلفوون من اختى من امي ..بس ماحد اتصل ..بقيو سهروة طويلة وانا عم اغلي خايف ترفض….لعند مادقت لالي امي واختي مشان اجي اخدهن …وطول الطريق حتى ابتسامة ماظهروا …وخجلان اسالهن خايف ينكسر قلبي …بس طول الطريق وانا متنرفز حتى لو مريت من فووق مطب صير اصير اعصب واشتم …وبرود امي واختي هلكني …لعند ما صفيت سيارة على جنب ..
#ام سامر : شو امي ليش هيك صفيت ….
#سامر : حاااااااج امي خبريني شو صار معك غليتي قلبي…
#ام سامر ..#جنى : ههههههه
#سامر : شو ليش عم تضحكو ؟؟؟
#ام سامر : ولا شي …بالبيت بنخبرك ..
#سامر : امي مو حاجتك تحرقيلي حريشي …يالا قليلي ..
#ام سامر : ههههه الناس موافقين ..
#سامر : ههه والبنت ..
#ام سامر : والبنت موافقة وطاير عقلها والجمعة اخدنا موعد للشووفة متل مابدك …
#سامر : واحلى بوووسة لعيونك امي واحلاا عشاا وكنافة وسهرة كرمالك انتي ومنار …
#منار : لا لا انا بدي كاااش ..
#سامر : انت امريني ..
( اجا الجمعة ورحت شفت جنى وتمت خطبتي منها …هي رجعتلي الحياة لقلبي …كنت مبسووط منها ..صرت حبها ..اتعلقت فيها لابعد حد …بلشت غير بالبيت لانو قرب فرحي …اتزوجت ومرقت الليلة الاولى والتانية والتالة والرابعة وكل يووم كان يمر كان احلى من التاني ..مرق شهر على زواجي ..
#سامر : شوو كمان هالليلة هالزعران راح ياخدو مكاني ..
#داليا : بابا انت نام برا انت كبير ..
#سامر : لا لا يازعرا هاي غرفتي ..
#داليا : قومي ماما جنى …نحنا مابدنا غرفتوا ماحلوة شوفي شوفي ماحلوة غرفتي احلا ..
#جنى : هيك قولتك يالا لكان مابدنا غرفتوا البشعة ..يالا حموتي ..
#احمد : ماما اميليني..((احمليني ))
#سامر : ها لكان عالمين احزاب لا لن تمروا …ايها البسوس..
#داليا : بسووس هههه…
#سامر: اي بسوس انتو تلاتة وانا واحد مابصير خلص انا زعلان ..
#داليا ..بابي خلص خلص لاتزعل انت خد سامي ..
#سامر: ساامي مين هااد يا سئيلة ..
#داليا : البيبي النونو الصغير ..
#سامر : مافهمت ..
#داليا : ماما عندها نونو وانت لاء نانانانااننا…
#سامر : جد جنى…ولا مزح هالموضوع…
#جنى : اي حبيبي اليوم عملت تحليل وليكها النتيجة …
#سامر : بحبك سوسن بحبك ..
#داليا : بابي ماما جنى مو سوسن ..
#سامر : حبيبتي اسف اسف ولا ماقصدت ..
#جنى : عن اذنك رح نيم الاولاد..
((زلة لسان نطقت اسم سوسن نزعت فرحة مرتي وماكانت هالمرة الاولى اكتى من مرة ينزل لسااني ..واذكر اسمها ..اوقات نادي مرتي جنى باسم سوسن ..كنت حسها تدايق بس ماكان تبان لالي …وكنت اعتذر لالها بس اللي ما اتوقعتوا من حالي اني قول باسم سوسن اني بحبك ..
#سامر : نامو حبيبتي ..
#جنى : اي انا عشيت الاولاد بتحب جهزلك العشا ..
#سامر : لا لا بدي احكي معك بموضوع تعي ..
#جنى : حاضر ..
#سامر ك حبيبي مابعرف شلون ابلش بس والله ماقصدت ..انا اسف حبيبي بكل جوارحي …مابعرف شلون ابرر كلامي ..
#جنى : سامر .انا ماني زعلاني والله ..هي مرتك كانت وكنت تحبها ..بعرف هالشي .اونو صعب تنساها انا مقدر هالشي…
#سامر : لا خلص بوعدك ما اذكرها ..الا بالرحمة ..انا مبسوط انو انا راح يصير عندي ابن منك ..ومابعرف شلون اعوضك على حنانك لاولادي …انابحبك لالك جنى والله وبعمري مارح اتخلى عنك …سامحيني على كل مرة دايقتك فيها ..جنى جنى …حبيبي نمتي ..نوم الهنا لقلبك ..
((من تعب اليوم غفيت على كلامي ..طيبة قلبها وحنانها على اولادي كان فوق العادة ..اولادي مابنامو الا بحضنها …شالت همي وهم اولادي وهم امي ..جنى كانت بنت طيبة ..وحنونة وبنت اكابر ..الله عوض صبري كلو ببنت اميرة متلها …وقبل لانهي قصتي ..كنت حابب اذكر سبب اني جيت اكتبها ..يمكن وفااة زوجتي كسرني فترة .ومتاكد انو اشخاص كتير رح يقولو الزوج مالو اماان …من مرتوا تموت على طول بيتزوج غيرها ..انا اولا ماخنتها لمرتي وها امانة والله اخدها …وانا كان لالي اسبابي لاتزوج يمكن انتو عرفتوها من خلال قصتي ..كتير شباب ورجال متلي عانو مرارة الفقد ..وكتير ناس اتزوجوا زوجات اب ظلموا اولادهن …انا لو اصبرت على زواجي من ايناس لاذت اولادي ..بس الحمد لله ماظلمتها …اعطيتها اكتر ما اعطتني …والحمد لله وقفتها عند حدها قبل لتتمادى بشي …وهاد بدو صحوة كتير من ازواج نايمين على ظلم زوجة الاب او زوج الام على اطفالهن كرمال مابقولوا كلو يوم جوز جديد …الله يصبر …اطفال كتير عانت هيك ظلم …رسالتي واضحة…بتمني تصل لكتير اهالي ..
#انتهت