الجزء الرابع والاخير 

منى: معتز لوين رايح 
لك فهمني بس شو عم تعمل

معتز: بدي ارجع لعند بيسان بدي اعرف شو الي بيجمعها بيارا والله من اول لحظة شفتها فيها حسيت في شي مو طبيعي طريقة الحكي كل شي

منى: ما بعرف معقول تكون بتقرب ليارا

معتز: اكيد بتقربها لازم اعرف كل شي شو جاب سنسال يارا لعندها وشو علاقتها بيارا ويارا اساسا كيف ماتت انا رح طق منى انتي حاسة فيني عقلي ما عم يستوعب شي

منى: معتز لازم نصبر ما بصير هيك اي خطوة غلط بنعملها رح تأثر علينا كتير اذا هلا ورحت سألتها عن يارا ما حنستفاد شي واكيد رح تنكر معرفتها فيها

معتز: لازم يا منى اعرف كيف يارا ماتت

منى: انا ويارا كنا متل التؤام دايما سوا كل شي يصير معنا نحكيه لبعض صدقني معتز هي كانت تحبك كتير ياما قالتلي عنك ياما قالتلي قديه هي بتكون سعيدة لما بتحاكيك

معتز: منى بعرف كل هالحكي بس بدي اعرف يارا كيف ماتت مين هاد الي كان معها ليش كانت مع واحد غريب بنص الليل كل الدنياحكت عنها وعن قصتها لك حتى مهند اخوها وقتها تبرى منها

منى: مهند ليش من متى بيطلع لمهند يحكي عن الشرف عالعموم لغز موتها ليارا موجود معها

معتز: لا لغز موت يارا مع بيسان رح امشي هلا وبكرة رح التقي ببيسان ورح اعرف كل شي منها

———–————

ريم: بكير حبيبي لهلا باحتفال بيسان خانوم

معتز: ريم ابعدي عن طريقي ترا الفضا بعيوني مو شايفه

ريم: ليش انت من متى كنت شايفه للفضا فهمني
عم احكي معك معتز لا تتركني بحكي وتروح
معتز
معتز
طلقني
معتز: ……..

ريم: معتز قلتلك طلقني انا زهقت انا انسانة ومن لحم ودم ومن حقي اكون ام ويكون عندي طفل

معتز: انا ما حرمتك من امومتك ولا بعمري فكرت اكون اناني ومتل ما انتي حابة تكوني ام انا كمان كتير حابب اسمع كلمة بابا من ابني بس بعمري ما فتحت الموضوع وحسستك بانه الموضوع كبير هالقد
وانتي بتعرفي مزبوط انه الدكاترة كلهم قالو انه ما عنا شي والشغلة كلها شغلة وقت

ريم: انا ما عاد بدي اصبر بدي اطلق صبرت كتير على حرماني من الامومة صبرت على كآبتي وتعبي وصبرت اكتر عليك وعلى حبك ليارا مفكرني هبلة كتير صحيت عليك بالليل عم تهلوس باسمها ما عاد فيني معتز خلص انا وصلت لاخري

معتز: ريم انا من رأيي تروحي عند اهلك ترتاحي شوي وكل شي لقدام اكيد رح ينحل

ريم: هلمرة رأيي انا الي بده يمشي انا رايحة عند اهلي وناطرة ورقة طلاقي باي

قعد معتز عالكرسي عم يعيد بعقله كل حرف قالته منى
ااااخ يا ربي ما صدقت متى طلعت من ازمة يارا وموتها من وين طلعتلي هلا بيسان

لما بدك النهار يجي بسرعة اليل بصير يمرق شوي شوي بتحس وكأنه ساعاته عن دهر ودقايقه عن سنين والثواني فيه كأنها اشهر

—————

تاني نهار

( استاذ معتز لوين رايح الست بيسان عندها اجتماع لو سمحت ما بصير تدخل هيك )

السكرتيرة: بعتذر منك مدام حاولت امنعه يفوت بس ما قدرت

بيسان: مو مشكلة بامكانك تنصرفي
قامت بيسان من ورا مكتبها واقتربت من معتز

بيسان: شو جاي تعطيني درس جديد عن الاخلاق درس جديد بالمبادىء والقيم

مسك معتز بيسان من ايديها التنتين وكان عم يهزها بقوة

معتز: وينها يارا شو الي صار معها احكي ليش ساكته وين يارا

بيسان: ما عم افهم عليك مين يارا بعدين اتروك ايدي

معتز : لا تغشمي حالك انا مو اهبل هلا بدي اعرف شو الي صار معها قبل موتها لك فهميني انا محتاج اعرف

بيسان: صدقني ما عم اعرف عن شو عم تحكي

معتز: بدك تحكي اذا مو بكيفك غصب عنك

بيسان: وحياة الله بكل حياتي ما عرفت وحدة اسمها يارا ليش ما عم تصدقني
مين هي يارا

معتز: حبيبتي ،،،، البنت الي راحت بعمر الورد الانسانة الي ما لحقت تفرح بحالها ولا بشبابها
تركها معتز من ايده

معتز: على كلن ماشي
انا رايح بس الا ما اعرف جواب

طلع معتز عم يخانق دبان وجهه والشرار بيقدح من عيونه قدح توجه بسيارته لبيت مهند لانه بيعرف انه بهالوقت مهند بيكون بشغله وما في غير ام يارا وابوها كان بده يحاول يستفسر منهم اذا في بنت اسمها بيسان بتقربلهم بس ما وصل هناك لقي ام مهند عم تبكي وتصرخ وزوجها مرمي جنبها وكانه القدر جاب معتز بهداك الوقت حمله ونقله عالمشفى ،،، واتصل على منى وخبرها عن وجوده بالمشفى وعن حالة ابوها ليارا

منى: مسا الخير
سلامته يا خالتو ما عقلبه شر ان شاء الله معافى

ام مهند: ان شاء الله يا بنتي

منى: معتز تعا شوي بدي اياك

معتز : خير منى في شي

منى: هلا وانا فايتة شفت زوجها لبيسان عباب المشفى ومعه ناس اكبارية كتير عم يبكو

معتز: شو هالحكي

منى: ايه والله

معتز: طيب خليكي انتي هون شوي عند اهل يارا وهلا برجع

راح معتز ليسال مين المريض الي جاي معه يحيى

معتز: مسا الخير استاذ يحيى

يحيى: اهلين فيك

معتز: ما تذكرتني شكلك انا احدى شركاء المدام بيسان

بس انذكر اسم بيسان صار الرجل والست الي مع يحيى يبكو

يحيى: اه اهلا فيك

معتز: خير ان شاء الله ما في شي خطير

يحيى: بيسان مريضة

معتز: مدام بيسان

يحيى: ايه تعبت شوي

معتز: معافية ان شاء الله

رجع معتز عن اهل يارا وخبر منى شو قله الدكتور

منى: انت ليش هالقد متوتر

معتز: انا عادي ما في شي

منى: خايف على بيسان

معتز: يعني مو قصة خايف بس يعني عم اتسائل شو مالها

منى: طيب هلا بس ليروح زوجها بنروح انا وانت بنسال اهلها او الدكتور المسؤول عنها وبنعرف مالها

معتز: تمام

منى: ها ليكو راح تعا معي

——————

منى: مسا الخير خالتو

ام بيسان: مسا النور يا بنتي

منى:حضرتك والدتها لبيسان

ام بيسان( تبكي ) يا ويلي على بيسان والي صار ببيسان
انتي رفيقتها

منى: ايه انا منى وهاد معتز رفيقها

ام بيسان: مو انت يا ابني الي جيت سالت عنها الصبح

معتز: ايه انا خالة ما طمنتينا خالة عن بيسان شو مالها شو وضعها

ام بيسان: حكاية طويلة يمكن محتاج احكيها لشي حدا محتاج صرخ وصرخ لينفذ كل الهم الي جواتي
بيسان من صغرها حلوة كتير احلى من كل اخواتها من وهي بالمدرسة والخطابين رايحين جايين ليخطبوها لحتى تقدملها يحيى شب من عيلة كبيرة من نفس مستوانا المادي وانخطبت بيسان لاله صحيح كانت رافضة بالبداية لكن قد ما اقنعتها انا واخواتها وافقت ،،،، اجت ايام وراحت ايام وبيسان كل يوم تشكي من يحيى مع انه كان يحبها ويعشقها بس كانت تصرفاته مولدنه
ليوم كانت متخانقة مع يحيى اخدت ابنها جود وطلعت فيه بالسيارة من كتر ما هي معصبة عملت حادث وتوفى ابنها جود وهي صار معها نزيف داخلي وفقدت جزء كبير من اعضائها وما في الها علاج الا اذا حدا تبرعلها باعضائه
لفينا كتير وسألنا كتير لحتى قدرنا نندل على حدا يتبرع باعضائه

معتز: لحظة شوي خالة كيف يعني لقيتي حدا يتبرع باعضائه

منى: معتز طول بالك

ام بيسان: صبية كانت تقريبا متوفية وما في. منها امل اشترينا اعضائها و عملنا العملية ونجحت

معتز( عم يرجف ) : شو اسم الصبية الي اخدتو الاعضاء منها

ام بيسان( متلبكة ) ما بعرف اتوقع هنادي

منى: اااايه حبيبتي بيسان الله يشفيها ويعافيها
رح نرجع نطل عليها بعدين

—————

منى: معتز شو صرلك

معتز(يبكي) بيسان اخدت اعضاء يارا يعني يارا حتى بعد ما ماتت تعذبت

منى: انا حاسة انه ام بيسان خافت وما قالتلنا كل الحقيقة

معتز: لازم بيسان تصحى لازم تحكي

في المسا وبعد ما الكل روح من المشفى تسلل معتز لغرفة بيسان ،، كانت نايمة بدون حول ولا قوة وجهها الي دايما مورد صاير عصفار كل شي فيها ذبلان حتى اعضاء يارا ذبلت معها

معتز: بيسان لازم تفيقي لازم اعرف الحقيقة منك لازم اعرف كل شي في جواتك بنت ماتت يمكن ماتت ظلم لازم اعرف كل شي

طلع معتز من غرفتها وغادر المشفى باتجاه جبل فاضي ما بيقعد عليه الا العشاق او الي في بقلبهم حزن كبير قضى ليلته هناك
وصله مسج من ريم ( الظاهر انا فعلا مو هاممتك ولا بفرق معك بشي يا اخي طلقني وخلصنا قلت لحالي براجع حاله اليوم او بكرة مرق اليوم ومرق بكرة وما كنت تراجع حالك ،،،،طلقني )

معتز: ااافت ريم ناقصك انا لانه
بعتلها ( انتي طالق )
سكر تلفونه وحطه بجيبته لتاني يوم الظهر فتح الموبايل وكانت عم توصله مسجات كتيرة من ريم اتجاهلها كلها ودق على منى

منى: وينك انت اسمع وضع بيسان اليوم احسن الاطباء بيحكو انه في تحسن بحالتها

معتز: يعني فاقت

منى: ايه فاقت بس البنت مو خرج حدا يحاكيها بشي

معتز:ما تخافي مو اجدب انا لروح حاكيها هلا خليها لتشفى تماما

………….

بعد مرور اسبوع
تحسنت بيسان وخرجوها من المشفى ،،، بنفس الوقت تخرج ابو يارا

معتز: الحمد عسلامتك يا عمي

مهند: انت لشو جاي لهون روح حل عنا الي كنت بدك اياها من عنا ماتت والحمد لله ماتت وهي مع غيرك

مسك مهند من رقبته

معتز: كلمة زيادة وحياة الله بدعسك تحت رجلي فهمان احتراما لهرجال الكبير والمريض رح اسكتلك امشي

بعد ما طلعو من المشفى بساعتين رنت مرت مهند على معتز بتبكي بحرقة حاول معتز يهديها وعرف منها انه الشرطة اجت عالبيت وشخطت مهند قدامها لانه اجت عليه اخبارية بوجود مخدرات بمحله

معتز: خير خالتي شو صار

ام معند: اااخ يا ابني هالمصايب الي عم تنزل عراسنا وحدة ورا التانية وفضيحة ورا اختها لو تشوف كيف اجت الشرطة شحطته من هون والله ما عاد قادرة اتحمل

معتز: اصبري خالتي كل شي رح يكون متل اول واحسن

راح معتز لعند مهند بالسجن والي كان عم يبكي وينوح متل النسوان وما في علسانه الا كلمة والله مو انا والله مو انا

معتز: لك حاج تبكي متل الحريم وقلي مين في الك اعداء ممكن يعملوها

مهند: ممممما ممما بعرف

معتز: انا من عقلي عم اسألك اصلا مليون عدو في الك
كم بنت ضحكت عليها وكم صاحب وسخ صاحبت
رح وكلك محامي مو كرمالك كرمال هالحج والحجة

مهند: كتر خيرك يا معتز ،،،،

معتز: خير الله

بهالوقت التهى شوي معتز عن موضوع بيسان ويارا والتهى بتوكيل محامي لمهند ليحاولو يطلعوه من هالقصة باقل الاضرار

المحامي: استاذ معتز قدرت امسك راس الخيط

معتز: هات لشوف

المحامي: مهند خبرني عن اسم واحد بقولوه اسماعيل
قلي انه ما في حدا ايده طايلة وومكن يعملها الا هو

معتز: وشو المشكلة اساسا بينه وبين مهند

المحامي: مهند ضحك عليه اكتر من مرة بلعبة قمار

معتز: ااااخ الخسيس ببقى طول عمره خسيس
رح شوفه لهاد اسماعيل وحاول راقبه وشوف تحركاته وانت الله يسعدك تابع قضيته

راح معتز لمكان اسماعيل كان عم يراقبه من بعيد لبعيد على مدار اربع ايام وما كان يقدر يوصل لشي شخص متل اسماعيل ما رح يفرجي حاله للعالم ويحكيلهن تعو شوفوني انا شخص مو منيح

رن تلفون معتز

معتز: ايه الو اهلين هبه

هبه: وينك انت ما عم شوفك ولا اعرف اخبارك

معتز: هبه مو فاضي ابدا

هبه: قوم تعا لعندي بدي اياك

معتز: بس

هبه: ما رح اقبل ولا عذر تعا بسرعة

……….

في بيت هبه

هبه: زعلت

معتز: مو قصة زعلت بس انه متى لحقت

هبه: مع انه كانت تحبك كتير بس خلص موضوع الخلفة والاولاد مطير عقلها

معتز: الله يوفقها هي بالنهاية الي اختارت انا من بكرة رح روح كمل اجراءات الطلاق وانهي كل شي وهي بعد ما تمسك العدة بتقدر تتزوج من ابن خالتها

هبه: امانه لا تزعل هي خبرتني انها بدها تتزوج ابن خالتها وتسافر معه على اميركا وطلبت مني استعجلك بامور الطلاق

معتز:خلص وصلت رسالتك ولا تخافي مو زعلان لاني ما عاد اعرف على مين ولا مين بدي ازعل بالزبط
على يارا الا على ريم الا على بيسان

هبه: شر البلية ما يضحك

طلع معتز من عند اخته مهموم ،،، مخنوق الدمعة بقلب عينه قد ما كان ريم كانت مرته وعلى ذمته مو بهالسرعة اطلقت لتتزوج من غيره ،،، رجع عالبيت وطلب من المحامي يجي لعنده عالبيت

المحامي: يعني انت شاكك انه في شي مو مزبوط بخصوص هاد الي اسمه اسماعيل بس مع هيك ما قدرت تمسك عليه شي

معتز: ايوا بالزبط لازم حدا من جوا يراقبه حدا بخصه

وصل مسج عموبايل معتز

( الشوق كبرني سنين ) من بيسان
مسج واحد منها كان كفيل يخربط كيانه خربطة كان كفيل بانه يصحي كل الشوق الي جوا قلب معتز
ابتسم وبنفس الوقت غص طيب ويارا والي صار بيارا
قرر ما يرد على بيسان وكمل كلامه مع المحامي
لتاني نهار من الصبح اجت بيسان لعند معتز الصبح عالبيت

معتز: بيسان كيف عرفتي وين بيتي

بيسان: الي بسأل ما بتوه
شو وينها ريم

معتز: انا وريم انفصلنا

بيسان: جد،،، ما كنت بعرف زعلتني والله عالعموم
انا جيت لودعكم

معتز: غريب امرك امبارح بتبعتيلي مسج عن الشوق واليوم جاية لتودعيني

بيسان: المسج كان من اعترافات اخر الليل لما بنكون بعز ضعفنا لما الشوق والحب بيتملكو فينا
بس هلا كلام الليل يمحوه النهار

معتز:فهمت وليش جاي تودعينا

بيسان: اول شي جاية اتشكرك لانك طليت علي بالمشفى وجاي لودعك لانه انا ويحيى قررنا نغترب ونستقر برا

معتز: حلو حياة جديدة وبداية جديدة

بيسان: وانت كمان بتمنالك حياة جديدة مع بداية حلوة

معتز: انا مستحيل ابدا قبل ما انهي الي انا فيه
بيسان ممكن اسالك عن شي

بيسان: يا رب ما تسالني شي يسم بدني لانه دايما بس تفتتح كلامك بهي الجملة بعرف انه في وراها مصيبة

معتز: لا ما تخافي بس كنت بدي اسالك السنسال الي بغرفتك الي مكتوب عليه اسم منى من وين حصلت عليه

بيسان: انت بتعرف صاحبته ؟

معتز: انا الي لازم اسألك بتعرفي صاحبته

بيسان: بعرفها وما بعرفها بعد الحادث الي تعرضلته وفقدت فيه ابني وفقدت فيه كتير من اعضائي بقيت فترة طويلة بغيوبة لحتى بيوم يحيى لقي صبية بالمشفى ميتة بحادث سير بس اعضائها مو متأثرين واشترى اعضاء الصبية من المشفى وتمت العملية ،،، بعدها بفترة تواصلت معي زوجة الممرض الي كنا نتواصل معه وقالتلي انه هاد السنسال كان برقبة البنت الميتة وقالتلي انه ممكن بيوم لاقي اهل البنت واعرفهم وانا بصراحة حبيت احتفظ بسنسالها لمنى اكيد اسمها منى لانه هيك مكتوب عالسنسال
و بس هيك هاد كل الي بعرفه عن الصبية هلا انت بتعرفها للبنت ؟وانت اصلا شو عرفك عن السنسال

معتز: منى لما فاتت عندك عالغرفة شافته
السنسال ليارا وعليه اسم اعز رفقاتها منى

بيسان: يارا البنت الي جيت سألتني من فترة عنها الي قلتلي وقتها انها حبيبتك

معتز: بيسان يارا راحت مقتولة انا متأكد اسمعي رح احكيلك قصتها كلها بس اوعديني تساعديني

كان معتز عم يحكي لبيسان عن يارا واللمعة بعيونه كان عم يقلها عن ذكرياتهم سوا ،،، عن طريقة كلامها عن ضحكتها عن خفتها وعن الشبه الي بينها وبين بيسان

بيسان: معقول ،،،، البنت كان في حدا ورا قتلها بترجالك معتز خدني لعند امها وابوها
معتز: امها وابوها هلا مو وقتهم بدي تاخديني انتي عند مرته للمرض الي حكت معك

بيسان: يارب كون بعدني محتفظة برقمها عندي

ها ليكو اسمها صفا

معتز: احكي معها وقليلها انك بدك تسافري وحابة تعطيها السنسال احكيلها اي شي

بيسان: اوك رح دق عليه
عم يرن

——————

معتز: اذا خايفة لا تنزلي

بيسان: انا هون وبعدني عايشة بفضل يارا ما بتستاهل مني ضحي شوي وبين براءتها

نزلت بيسان ومعتز لعند بيت صفا وزوجها محمود الممرض الي اخر واحد تخلص من جثة يارا وقبض حقها مصاري

صفا: اهلين مدام بيسان تفضلي

بيسان: فوت معتز
صفا زوجك جوا

صفا: ايه محمود جوا تفضلو

اول ما دخلو هجم معتز على محمود وطلع مسدس بوجهه

محمود: مدام بيسان انا بعمري ما غلطت فيكم انتي والاستاذ يحيى

معتز: بدي اعرف كل شي عن يارا وشو صار معها ولا بفضي كل هالفشك براسك

محمود: بحكي بحكي والله لاحكي كل شي بس بعد هالمسدس عني

…………..
صوت سيارات الشرطة حاوطو كل المكان وسحبو محمود عالمركز الامني ومن بعدها جابو اسماعيل وبعده يحيى

قد ما بتغيب الحقيقة لازم يجي يوم وتبان الشمس مستحيل تتخبى قدما حاولنا نخفيها لازم تبين وتظهر

ننهي :
ومحمود عم يحكي بالحقيقة لمعتز كانت بيسان عم تسجل كل الكلام بعدها اتصل معتز بالشرطة وخبرهم عن وجود جريمة قتل

اسماعيل: اخوها كان يلعب معي قمار كان يسرق مني ويختفي وكل ما بدي طالبه يقلي اثبت انه انا ماخد منك شي حبيت الوي ذراعه باخته واخطفها منه من السيارة وهم مروحين عالطريق الصحرواي لعب معي الحظ والبنت خربطت وركبت معنا بالسيارة بالغلط بس النصيب غير كل مسار خطتي صار حادث وماتت هي والسواق مع بعض
صحيح انا بلا شرف بس مهند بيستاهل كل عم يصير فيه بيستاهل تتشوه سمعته باخته وبيستاهل تلفيق قضية المخدرات اخوها وسخ بيستاهل

محمود: انا ما دخلني ايه ما دخلني انا كل همي اجمع مصاري ان شاء الله اشتغل رقاصة مو مشكلة المهم جيب مصاري
بعرف اسماعيل من زمان بقضيله مصالح وبيعطيني بدالها لحتى مرة حاكاني وقلي انه صاير حادث سير وبده يخفو تفاصيل الحادث وبعدها دقلي وطلب مني خبي جثة البنت لحتى اهلها ما يقدرو يشوفوها ولا يطلبو من الطب الشرعي يشوفها
استغليت الفرصة وحكيت مع الاستاذ يحيى كونه كان دايما بتردد عالمشفى ليحاول يشتري اعضاء لمرته الي بحالة غيبوبة
قلتله انه طلبه عندي وطبعا كل شي بثمنه بس مع هيك ضميري انبني خفت قلت لزوجتي تحكي مع الست بيسان وتعطيها سنسال يارا بلكي بيوم تشوف اهلها ويشوفوها
ااااخ
الطمع بعمره ما نفع

مهند: ظل شي احكيه يمكن للي متلي السكوت افضل شي الهم

كل الجرايد ومواقع التواصل ضج فيها الخبر الكل صار بيعرف عن براءة يارا حتى ابوها وامها مع انهم فقدوها ليارا بس ارتاحت نفسيتهم لانه ما عاد حدا يقدر يحكي على يارا

نكمل النهاية :

يحيى بسبب واسطاته ونفوذه الواسع ما انحكم كتير خاصة انه ما في بحقه جريمة سوا انه اشترى اعضاء من المشفى لمرته
واكد انه كل شي كان قانوني وبوجود الممرض محمود ومدير المشفى والي اصدر قرار بتسكيرها

بعد موجة هالطروف الصعبة الي مرقت التقت بيسان بمعتز

بيسان: انا رح اطلق

معتز: افضل الك انا من البداية قلتلك زوجك ما بيستاهلك

بيسان: واحنا

معتز: صعب بيسان ما رح اقدر انا خلص ما عاد بدي كل جنس حوا يمكن هيك كون عم اوفي شوي لحبي ليارا

بيسان: معتز انا

معتز:لا تكملي الكلام رح يحرقك اكتر ما رح يحرقني
سلام

—————

منى: حبيبتي يارا الله يرحم ترابها ويلعنك يا مهند كله منه

معتز: نصيبها
شو متى مسافرة

منى: بكرا ،،، صار معك شي انت وبيسان

معتز: ما رح اقدر منى خلص

منى: معتز اسمعني قلتلك من قبل انه يارا كانت قطعة من روحي بس الحياة بدها تمشي يارا ماتت وما بقي الا ذكراها لازم تنسى

معتز: انا متلي متل غيري شكيت فيها

منى: احنا بشر وكل البشر بتغلط
اعطي لنفسك فرصة بعدين لا تنسى انه بيسان نصها يارا

معتز: اتركي كل شي للزمن
بكرا انا رح وصلك عالمطار

منى: يا سيدي بتأمر

—————

بالمكتب بيسان تكتب خربشات عدفترها ،،،، سمعت صوت من ورا

بيسان: يحيى

يحيى: كيفك بيسان

بيسان: انت متى طلعت من السجن

يحيى: ليش عم ترجفي ليش خايفة مني

بيسان:…….

يحيى: انا بعمري ما اذيتك ولا بعمري بفكر اني اأذيكي
كل شي صح وغلط عملته بحياتي كان من اجلك
يمكن حبيتك بطريقة غلط بس انا حبيتك بالنهاية
انا ما اشتريت الاعضاء لاني سفاح اشتريتهم لانه البنت متوفية واشتريتهم لرد لعيونك الحياة
بيسان انا ما رح اغصبك على شي اذا حابة تتطلقي رح اطلق
فكري ورديلي خبر

بيسان: يحيى لسا بدك نسافر

يحيى: اذا انتي بدك نسافر بترك الدنيا وبروح معك

بيسان : بتوعدني تتغير

يحيى: بوعدك كل شي يكون متل ما بدك

بيسان: خلينا بكرا نسافر

————

معتز قاعد عم يقرا بالجريدة والكلام الي انكتب عن يارا ووفاتها ،،، فرحان بانه رد اعتبارها حتى ولو بعدوفاتها

اندق الباب عنده وراح ليفتحه

معتز: ريم

ريم: توقعتك تيجي وتشوفني

معتز:……..
مو انتي بدك تتزوجي ابن خالتك

ريم: معتز انا صبرت عليك عالحلوة والمرة عشت معك ومع حبك ليارا وكنت قول لحالي بكرا بينسى بكرا بحبني
اتفقت مع هبه نكذب عليك وقلك انه بدي اطلق منك لاتزوج من ابن خالتي يمكن تزوق تحس عحالك بس انت ولا كأنك هون

معتز: بتعرفي شو اشتقتلك

حضنته ريم لمعتز وكأنه الوحيدة الي الها حق بمعتز بعد يارا هي ريم ،،،، كتير اوقات الانسان بيفوت بنزوات
بيغلط بيطلع عن الخط الصحيح بس بالنهاية الانسان المستقيم لازم يرجع

——————

اخيرا:
بعدسنة
انجبت ريم بنت وسمتها يارا

انجبت منى بنت وسمتها يارا

انجبت بيسان بنت وسمتها يارا

ماتت يارا لتحيي ذكراها تلات مولودات صغار

# انتهت