الكنافة على الطريقة التركية لمحبي الأكل التركي

الكنافة على الطريقة التركية لمحبي الأكل التركي
كنافة القشطة بالفستق الحلبي 🍰
معكم صديقتكم الشيف الموهوبة Silva Aydogan

المقادير : 
نصف كيلو عجينة الكنافة
٢٠٠ غرام زبدة
كوب ونصف فستق حلبي ( الكمية بتحددوها أنتم بيصير اقل )
ملعقة صغيرة لون اخضر سائل او بودرة بيمشي الحال

القطرة : 
كوبين سكر
كوب ونصف ماء
ملعقة عصير ليمون

المهلبية : 
كيلو حليب ( خمسة كوب حليب )
خمس ملاعق طحين
اربع ملاعق نشاء
٧ ملاعق سكر
ملعقة ماء الورد
علبة كريما الخفق للتزين او بديل عنها كريم شانتيه

الطريقة : 
اول خطوة نسيح الزبدة ونقطع عجينة الكنافة بالمقص قطع ناعمة
بنطحن الفستق وسط مو كتير صغير ونضيف الزبدة والفستق والملون كلهم على العجينة ونفركها بايدنا منيح لحتى يتغير كل لونها
نحطها بصينية الفرن وعلى الفرن فورا سبق كانت درجة حرارته ٢٠٠ درجة وتقريبا عشرين دقيقة كافي .
بنفس الوقت نحضر القطرة الي سبق زكرت مكوناتها ونتركها تغلي . بمجرد مانطالعها من الفرن بنرش عليها القطرة .
وهية ساخنة انا جهزت معاها المهلبية كمان وخليتها فوقها .

طريقة المهلبية سهلة : نحط كل المواد مع بعض والحليب بارد بعدها بحطها على النار وبحركها لحتى تغلب وتثخن .
نتركهم يبردوا تقريبا ساعتين .

بعدها تزينوها بالقشطة او الكريما او الكريم الشانتي والف صحة وهنا