ابدئي صباحك بقطعة من حلا التيراميسو الايطالي مع فنجان قهوة
ابدئي صباحك بقطعة من حلا التيراميسو الايطالي مع فنجان قهوة
معكم صديقتكم الشيف الموهوبة Silva Aydogan
التيراميسو :
المقادير 
📖📖📖📖
٣ كوب ونصف حليب
اربع ملاعق طعام طحين
٣ ملاعق نشاء
٧ ملاعق طعام سكر ( انا ماحطتلها سكر ابدا لان مو مسموح الي 
😞 )
علبة جبنة ماسكاربونه الإيطالية أو جبنة فيلادلفيا أو مثلثات
ظرف فانيليا
ملعقة زبدة
كوب ماء فاتر
ملعقة سكر
ملعقتين قهوة نسكافيه
علبة بسكويت التراميسو ( مابعرف اسمها العربي 
🙈)
ظرف كريم شانتي ( هاد اختياري بس بتفرق طعمتها كتير 
😋)
ملعقة كاكاو
فراولة وصوص الشوكلاه للتزين
الطريقة :
نحط الحليب على النار ونضيفلها الطحين والنشاء ونحركها على نار وسط لحتى تغلي وبعدين نخفض من الحرارة ونضيفلها الفانيليا والزبدة .
نشيلها من على النار ونتركها تبرد شوي وبعدين نحطلها الجبنة وظرف الكريم الشانتي ونخلطها منيح
في قالب الكيك الطويل نحط قطعة نايلون بحيث تغلفها متل ماوضحت بالصورة ونحطلها من خلطة الحليب وبعدين نذوّب القهوة بكوب ماء فاتر وملعقة سكر ونغمس البسكوت فيه ونرتبه بالصينية طبقة وبعدين كمان طبقة حليب وطبقة بسكوت لحتى نخلص كل البسكوت وتتركها تبرد بالبراد كم ساعة .
وقت التقديم نقلبها على طبق طويل ونشيل النايلون من فوقها ونرش عليها الكاكاو ونزينها حسب مابدنا والف صحة وهنا يارب
وأي سؤال من عيوني
شيف Silva
