طريقة عمل السمن البلدي هديتي لكل المغتربات

طريقة عمل السمن البلدي هديتي لكل المغتربات
معكم صديقتكم الشيف الموهوبة Silva Aydogan
الْيَوْمَ. جبتلكم طريقة رائعة للسمن البلدي
تستعملوه للحلويات والاكل وطعمتها وريحتها بتاخذك لبيت ستّك 😬
يلا خلينا نشوف اياديكم الذهبية وتفاعلكم
واللي بيهمها الامر هاد بتكتب تم والطريقة جاية بعد فاصل ,,,,
Chef #SilvaAydoğan

السمنة البلدية أو بنسميها السمنة العربية 
كريما ٢ كيلو (أو ٢ كيلو زبدة )
ملعقة ملح رشة مليسة
رشة حلبه رشة قرفة
رشة كركم رشة هيل أو حبتين هيل
رشة زعتر رشة قرنفل
رشة ميرمية. رشة يانسون
تقريبا ملعقتين طحين
((((( اذا راح تستعملوها للحلويات راح تستغنوا عن كل هي التوابل طبعا ورشة قليلة كتير من الملح بتكفي )))

الطريقة : 
انا استعملت كريمة الخفق والي هية قشطة الحليب يعني بتكون أثخن من الحليب شوي .
خفقتها بالخلاط الآلي تقريبا عشرين دقيقة لحتى صارت ثخينة وبعدين بتصير متل الزبدة فوق الحليب ، وقتها بنشيل الزبدة اللي صفت منها بايدنا ونكورها على شكل كرات ونعصرها بايدنا مشان تصفى من الحليب وهيك بتكون الزبدة جاهزة .
((((( هي الزبدة بحطلها رشة ملح ونأكلها على الفطور أو نقلي فيها البيض بتكون طيبة كتير )))
الخطوة التانية وهية : نحط الزبدة بالطنجرة وعلى النار ((( الزبدة الي عملناها أو زبدة جاهزة مافي فرق )))
بنحركها كتير لحتى تذوب وبعدها بنشيل من فوقها الرغوة اللي بتصير ، بعدين اذا راح تستعملوها للاكل تضيفوا عليها كل البهارات اللي سبق وزكرتها
( اختياري هاد اذا بدكم بتنقصوا منهم كم نوع مفيش مشكلة ابدا )
لازم مانوقف عن التحريك لحتى تروح الرغوة من فوقها بعدين نقلل من التحريك بس مو نتركها 😬😬
نحطلها الطحين ونتركها على نار هادية لحتى يصفى منها الحليب لتحت .
نتركها على الأقل. نصف ساعة لحتى تنشف كل السوائل فيها
نطفيها ونتركها وهيك فاترك بمرطبان زجاج أو اي شي تاني ،
ونقدر نحتفظ فيها برى البراد ٣ شهور كمان .
والف صحة وهنا يارب
‏🌹Chef Silva 🌹