فخاد الست وصفة من المطبخ التركي تعلمها الان وبالخطوات المصورة

فخاد الست وصفة من المطبخ التركي تعلمها الان وبالخطوات المصورة
معكم صديقتكم الشيف الموهوبة Silva Aydogan
مسيناكم مسونا
وعلى فخاد الست فطرونا
✋🏻😖
ايواااا فخاد الست وهاد اسم أكلتنا الْيَوْمَ
كفتة تركية مشهورة بهذا الاسم
Kadın budu köfte
مابعرف اي باشا مسمي هي الاكلة بس أكيد بيعرف طعمة تمه كتير
كفتة بتاخذك لعالم تاني وغير الطريقة اللي نحن معتادين عليها
خلينا نشوف تفاعلكم وانا بكتبلكم المقادير والطريقة
#ChefSilva
#SilvaAydoğan

كفتة فخدة الست 
المقادير : 
اول شي بحب ازكركم أني عملت مقادير ١٢ شخص
وأنتم تاخذو نصف القياس او ربعه حسب الأشخاص
كيلوين لحمة مفرومة
بصلتين كبار
كوب رز
٣ بيضات للكفتة و٣ بيضات مشان القلي يعني يلزملنا ٦ بيضات
ملعقة فلفل اسود
ملعقة فلفل احمر
ملعقتين ملح
نصف كوب زيت للقلي
كوبين طحين الباقسمات او خبز يابس مطحون نعمله بالبيت

الطريقة : 
اول خطوة نغسل الرز ونحطه على النار ونخلي فوقها ماء تقريبا كاستين وعلى نار وسط لحتى تستوي
نفس الوقت نقطع البصلات ونقليها بالزيت ونحطلها نصف كمية اللحمة يعني كيلو ونتركها لحتى تستوي ونطفي النار
الخطوة الثالثة بصينية كبيرة نحط كمية اللحمة الباقية ونحط فوقها اللحمة المقلية مع البصل و٣ بيضات وملح وفلفل والرز ونعجنها منيح ونتركها تقريبا نصف ساعة او اكتر بشوي لحتى ترتاح وتتماسك
بنأخذ كل قطعة من اللحمة على شكل بيضة كبيرة تقريبا ونشكلها متل ماوضحت بالصور ونحطها بالبيض المخفوق وبعدين بطحين الباقسمات وعلى المقلاية الساخنة فورا
والف صحة وهنا
#ChefSilva