قصة الليلة اسمها لبنى السريعة

قصة الليلة اسمها لبنى السريعة 
هذه القصة تأتيكم من قسم المنوعات في زاكي

(لبنى السريعة😁)

“ولك يلا قووومي…بعدك مخمودة!!….الدنيا صارت الظهر وانتي بالفراش…ارحميني طلعت ريحتك… قومي علينا شغل متلل …الله يصبرني عليك وعلى ابوك”

طبعا بدون ما اعرفكم…اكيد عارفين الشخصية التي تقوم بهذا الدور👆😂
اه هي ما غيرها نبعووو للحنان كلو😂

_يا امي..يا حبيبتي والله الساعة بعدها مش صايرة ٨…هو انا ما صدقت وانا اتخرج عشان انام شوي..حراااام علييك😭

_يحرم جلدك عن عظمك😡..تخرجتي وقاعدة بخلقتي مثل كفة الهم..قومي شوفيلك شغلة بالدار احسنلك..يلا فزي

عادي ..عااادي لا تزعلوا علي..اصلا انا متعووووودة دايما 😂هالموشح كل يوم بسمعوو وانا والحمد لله تمسحت😁
هس خليني اروح اطس وجهي بشوية مي وامزع شعراتي لفوق وارجع اعرفكم على حالي وعلى عائلتي الكريمة😁

انا لبنى ٢٢سنة ونص…متخرجة من الجامعة مثل ما سلف وحكيت….وبنظر امي اني قاعدة بخلقتها…
خواتي الأكبر مني ثنتين تزوجوا والي اخ فصعون(يزن) بس لسانه اطول بكثير منو…أبوي شخصية صامتة بحبش كثرة الحكي..احيانا اذا حكيتله صباح الخير بقول:هو كل يوم؟؟😂
لهيك بنحكيلوش صباح الخير الا يوم الجمعة😂
وطبعا حصللكم الشرف وتعرفتوا على أمي وسبب حقدها علي..إني رفضت كل العرسان الي تقدمولي… بديش اتجوز 😁…يا عمي فش عريس زابط مع مخي…أنا بدي أحب😍وأعيش بقصة حب😍..مش هيك خبط لزق اتجوز…من الباب للطاقة😂….وبسبب قراري هاد بتحمل بكل البهادل والتعذيب المعنوي الي بتعملوا معي امي😔

بس المشكله من وين بدي أجيبه هالشخص؟؟؟
طول نهاري بالدار لا بطلع ولا بنزل الا عند جارتنا تحت..ام محمد أشحد من عندها غراض لامي لما تنزنق بالطبخ😂
ولما بدي اتنفس بطلع على البلكونة….وهي هاااي البلكونة الي جابتلي فارس احلامي😍😍😍

بعد ما سمعت موشح إمي وحكمت علي أعزل الدار واجلي الجليات وأقشر البصلات للمجدرة😭…طلعت اتنفس من ريحة البصل الي خنقتني على البرندة وأراقب الرايح والجاي…..وبهاي اللحظة وقفت سيارة سودا😍قدام عمارتنا…هس مش مهم السيارة…المهم هو الي طلع من السيارة😍😍سبحان الخالق…ما هذا يا قوم؟؟؟!!إنس والا جن!!
لاا….ملاااك ملاك ونزل…شب بنظارات سودا…شو طووول!!!شو أناقة!!!شو لباقة!!
بنقط حلاوة…طبعا انا صافنة وناسية ثمي مفتوح من الانبهار😳
والمفاجأة انو فات وين؟؟على عمارتنا😍كان جاي عبالي اركض وافتح الباب واقعد على الدرج لأشوف وين رايح!😂
مهو خلص…خلص لقيته هو هاااظ الي بدي اعيش قصة مسلسل تركي معه😍
بس طبعا امي قطعت حبل افكاري بصوتها_”لبنى…لبنى..ولك وين اختفيتي؟؟
_على البرندة يما وين بدي اروح يعني!
_شو بتعملي قاعدة!!ما تفوتي تساعديني ها!!
_بشم هوا الجو هون بجنن…بيوخذ العقل…بسحر…بسطل😍..
_شو هو هاظ الي بسطل ولك؟؟😡
_😵الجو يما..الجووووو…حلووو عالآخر😍
_اي جو هاظ؟؟ما الدنيا سكعة والهوا بارد…فوتي
_بالعكس…هون الدفا كلو يا حبيبتي يا مامي😍

وهون ما لقيت حالي الا مشحوطة من شعراتي لجوا وماسكة سكينة وبفرم سلطة😭

إجى وقت الغدا وروح ابوي وتجمعنا على الطاولة بدنا نوكل…او بالأحرى هم بيوكلوا وانا الي واكل عقلي مين هالشب…ولشو فات على العمارة؟؟
يعني ما في بالعمارة غيرنا..وتحتنا ام محمد واستبعد انو الها قرايب حلوين،😂
والشقة الي فوقنا فاضية!!
وإجاني الجواب عالبارد المستريح😍
يزن:_يابا تأجرت الشقة الي فوق…بدو يسكن فيها شب ..اليوم إجى شافها لحتى ينقل اعراضه عليها….
وطبعا ابوي اكتفى بهز راسه😂
واناااااا…..يا حلااااااااااوة😍😍😍😍😍

**********
بدو يسكن فوقنا😍…يعني االدرج مشترك😍…يعني هالدرج رح يصير بؤرة عشقنا😍..أوووويلي من مجرد الفكرة شبعت…ومن الحماس شلت الصحون عن الطاولة حتى قبل ما يشبع ابوي😂وجليتهم…وابوي من قلة كلامه ما كلف حاله يقول بعدني بوكل😂
واول ما خطر في بالي اروح اتحمم واتمشط…خلص وداعا للعفونة😂..مهو بالعادة بتحممش الا لما إمي تشحطني شحط عالحمام…لما يطلع على جلدي ملح من العرق😂
بس هيك بزبطش…لازم أشرق…وأنور..وأتلألأ لحتى يلاحظني..لحتى يوقع بشباكي…
وحملت ليفتي ومنشفتي ودخلت الحمام وسط علامات صعقة على وجه امي😂
“معقووول لبنى تفوت تتحمم بدون ما ازن على راسها!!مالهاش اسبوع متحممة😂شو السيرة؟؟

وطبعا خلصت المية السخنة بالجيزر وانا احت وافرك طبقة قشور علي الله وكيلكم😂
وطلعت من الحمام مفرقة والله…مش انا..يا حزنوطة يا لبنى هاي انتي حلوة بس بدك شوية نظافة😂😂
وطبعا لازم اغير ستايلي باللبس…والله لو يشوفني بالبنطلون المنقط ابو ركب مع بلوزتي الصوف الا يعتزل النساء جميعا😂
لهيك طلعت بلاطين الجينز الي جابولي اياهم خواتي وما كلفت حالي البسهم😵
وصرت كل يومةالبس وأشخص وأتعطر من عطر ابوي(الريحة ولا العدم😁)..واطلع أكنس وامسح قدام شقتنا…لعل وعسى أصدفه..اشوفه…كلها مرة الي شفته فيها..لازم اتعمق بملامحه اكثر…واعرف افكر فيه😍
وعالفااضي…قدام بيتنا صار مثل المراية وانا امسح كل يوم وهو مش طالل..كل ما اسمع حركة عالدرج أمسك المكنسة واركض…يطلع بخلقتي عوضين البواب😔
اتجمد من البرد وانا واقفة على البرندة لحتى المح سيارته…بس لا يوووجد…
اسبوع كامل وانا البس حز. ولز…وبلاطين جينز رح تنفجر علي وصابني منها ضيق تنفس…وابدااااااا…فش اله اثر….وخلص استسلمت..انا ما بقدر على هالتأنق كل هالمدة….وقررت أرجع لبنى المعفنة😂😔

بس عاااد…..

*********
دخلت على غرفتي وبدي أعيش جو المخدوعين في الحب..فتحت اليسا يا مرايتي..ولبست بنطلوني المنقط واكلت علبتين شوكلاتة وخمس تفاحات ورحت بسابع نومة😂
وكالعادة الساعة سبعة الصبح صحيت على صوت امي..عاملة استنفار..والا الدار قايمة قاعدة…فش اشي بمحلو…قال شووو؟؟؟
أمي بدها تستغل الشمسات وتشمس الدار وتعزلها…حتى اخوي يزن ناشرته على البرندة😂
بعدني بدي افتح ثمي واقول صباح الخير…لقيتها محملتني سجادة المطبخ..
_ركاض روحي انشريها على السطح كلها مي..خليها تلحق تنشف..
_طيب ماتخلي يزن يطلعها؟؟ليش انا يعني؟
_ثقيلة عليه…بقدرشةيحملها…هس ظهره بينقصع…

نظرت نظرة سريعة على حالتي😵..بنطلوني بشبه بلاطين الصعايدة الي بلبسوهم تحت الجلابية وبسموه (كلسون)😂😂
وانا رافعته لعند صدري وبلوزتي الصوف العزيزة علي بتوسع امي ويزن معي كمان😂
وصاحية من النوم كأنه حدا شامطني بوكس مورم عيوني….شو هالمنظر إلي بدي اطلع فيه عالسطح؟؟
بلكي صادفته للشب الحلو على الدرج!!
بس والله ما انا مغيرة…الي اسبوع بتزبط وبراقب وما شفته..هس يعني ب هالخمس دقايق بدو يطل؟؟
لا..لا مستحيل..اطلعي يا لبنى ولا يهمك…
وعتلت السجادة على ظهري وعالسريع مريت من جنب شقته…ووصلت السطح…بعدني بفكر وين بدي انشر السجادة…سمعت صوت جاي عالسطح😱😱
يا حزركم مين!!!يا حظي المتنيل ستين نيلة مين!!!
اكيد يعني لبنى وحظها الزفت..بدو يطلع مين!!!…الشب…الجار الانيق…فارس احلامي…الي شكلو رح يظل باحلامي اذا شافني هيك…
عبطت السجادة ولفيت ورا خزان المي…وقلبي بدو يطلع من ثمي…من جهة بدي اشوفه..ومن جهة بديش يشوفني😂
سبحان الي خلقوو…انا بطلع جنبو ضرغام…وظليت صافنة فيه…والا هو جاي وبقرب مني…😱😱
اخ يمااا…وين اروح؟؟أطلع وأرمي حالي بخزان المي!!!
ازت حالي عن السطح!! ألفلف حالي بسجادة المطبخ واختفي!!!
_عفوا…لو سمحتي!!
😳😳😳😳😳😳😳
انا؟؟ولو سمحتي؟؟…لازم مسكتني ورميتني عن الطابق الثالث…انا وجه وحدة تقوللها لو سمحتي!!
وكانت اول كلمة بحكيلي اياها…يماااااااا محلا صوته…ومشنع منظري😂😂
_هلوووووو…..يا أخت

كلمة اخت خلتني اصحى….كل الي عشته بأفكاري من اسبوع وجاي تقول يا اخت😡…كان جاي عبالي امسك ايده واظل أعض واطلع غل هالاسبوع…..
_نعم….تفضل
_بس لو سمحتي بدي اشوف خزان المي…وأزبطه….لو بتزيحي شوي!!

طبعا….طبعا…..شو في اشي بمنظري يجذبه!!!
والله بعد هالشوفة لو استعنت بجويل شخصيا…ما رح تقدر تغير نظرته الاولية الي😭😭
وبعدت على جنب……ورميت السجادة على الارض وركضت على البيت…..كنت ناوية اركض وارمي حالي على تختي…واعمل مثل المسلسلات….بس امي استقبلتني بسلة الغسيل😭😭😭

**********
آخ منك يمااا…بنتك بتعاني وانتي كل همك الغسيلات!!😭😭

بس لما قعدت مع حالي وفكرت ودققت…وقارنت…استنتجت انو هاظ هو عذاب الحب الي بقولوله😂…يعني انا على الطريق الصحيح…وبأول خطوات،😍

وبما انه أمنت انه خلص ساكن ومستقر فوقنا …يعني رح يبلش مشوارنا😍😍
مسكت دفتر مذكراتي..او خرابيشي😁..وجيت أكتب واعبر عن مشاعيري….طيب شو اكتب؟؟؟!!!😖
عزاااا😱صحيح شو اسموووو؟؟….على الاقل لحتى أظل اكتب اول حرف من اسمه على كل اشي قدامي😁😁
وكيف بدي تعرفي اسمه يا لبنى يا عبقرية!!!!
حكيت فش غيرها..ما الي الا أمي😍…طلعت لعندها لقيتها ماسكة صنية وعليها رز..قاعدة بتنقي بالرزات(هو ظل حدا ينقي رز يا ست الكل)😂….بس عاد امي بتعرفش تقعد وتهدى لازم تشتغل😁

_تشربي شاي يما؟؟
_من متى هالحنية طبت عليكي!!!لا بديش..

قربت عليها شوي..شوي..احم..احم…
_يماا…صحيح من زمان ما بعثتيني عند ام محمد..شو اخبارها؟؟
_مشتاقة الها؟؟هيها عندك تحت…روحي عندها.😒

مش هيك يا نبع الحنان…ول!!!!خذي واعطي معي…كيف بدي افتح معها موضوع لحتى اوصل لهدفي وهي بتقطم الاجابة قطم!!!😠
شكله فش فايدة من امي…ما الي الا ابو لسان يزن😍
رحت عملت سندويشة لبنة مع خيارة…واستدرجت يزن للبرندة

_يزووون….توكل؟؟
_هاتي…مع انو مش من عادتك هالكرم😒
(مالهم حافظين هالجملة هو وامي،😂)

_ولك يزن…لمين هالسيارة السودا الي كل يوم بتصف باب العمارة؟؟
_سيارة الشب الي بدو يسكن بالشقة فوق…
(يا حبييييييبي…قربنا نوووصل،😍😍😍)
_ايواااا…هاظ الشب الي…..اه صحيح شو اسمه؟؟؟
جحرني بنظرة😠ولقمة لبنة بثمه وقال:
_وانتي شو بدك باسمووو؟؟شو خصك؟؟

حقير بعرفووو عامل حالو حشري وهو مش فاقس من البيضة..

_روح انصرف من خلقتي😒
….تعال تعال….هات هالسندويشة خسارة فيك😠

طيب وبعدين؟؟؟؟!😓
المسا روح ابوي وعم الهدوووء بالدار….تعشى وشلت الصحون وانا واقفة عالمجلى بدي اجلي…وابوي على المغسلة بغسل..سمعته بحكي لامي:
_صحيح يا ام يزن….المهندس يوسف رح يسكن هو وعيلته بالشقة مش بس لحاله….

(بتفكروا بالي بفكر فيه!!!😍…أجتني الاجابة من اخر انسان كان ممكن أتوقع يجاوبني😍😍
أجت منك يا بابا يا وحش😂😂😂
لا اراديا لقيت حالي كاتبة(y) (y) ….بحبات الزيتون الي ظلو من ورا ابوي😂😂

يوسف😍…وامه كمان؟؟….صعبت مهمتك يا لولوووو

**********
وبالفعل بعد يومين صوت طالع نازل على الدرج..جيرانا الجدد بنقلوا بغراضهم وانا مرابطة بالبرندة بلكي لمحت (يوسفي)😍
وتعرفت على عائلته الكريمة….حماتي وبنات حماي ان شاءالله 😍😍

_لبنى سكري باب البرندة وفوتي انظبي جوا..عيب في ناس كثير بالحارة اليوم

_افففف حاضر يما😞
رحت لعند الباب وطرقت ذاني اتسمع….سمعت صوت ناعم بقول:
_على مهلك ابني….الكرتونة هاي فيها أزاز

“😱😱أزاز مين ياباااا؟؟؟😫
يا الهي!!هالجماعة شكلهم أكابرية وراقيين كثير.. اذا هيك الام كيف باقي العينات!!😂
بس بيطلعلها ليش الحكي…الي بتخلف هالعسل كلو بيطلعلها تحكي ازاز…وأهربا….وأتيعة كمان😂
لك يطلع على أبري…وليييي على آمتي😍😍

_لبنى بس تخلص هالضجة انزلي هاتيلك راس ثومة من ام محمد…ان كان ابوكي والا اخوكي ما منهم فايدة الي يومين بقول بدي ثومة…

اول ما شعرت انه الامور هديت وخلصوا نقل اغراض…فتحت الباب وركاااض على الدرج لعند ام محمد…شحدت ثومة وطالعة برضو ركااض (هيك انا عادة شعنونة ومثل القضا المستعجل))😫
صدمت بإشي😱…هو عود مسك؟؟جبل ورد وياسمين؟؟؟سلة فل؟؟؟…كل الي حسيت فيه ريحة حلوووة تغلغلت جوا نافوخي😍
ايواا..هو..هو..انا بهاللحظة انصدمت احلى صدمة بحياتي…صدمة عمري…انا حاليا مع يوسف من مسافة صفر😍

_الله…الله…على مهلك يا آنسة ادعسي بريك
😍😍😍😍😍😍😍😍😍😍😍😍
(لحظة صمت مع شلل تفكيري مؤقت)
_الثومة…الثومة…راس الثوم وينووو؟؟؟
(شوفوا كل هالرواءح الحلوة الفواحة منه وانا كل تفكيري براس الثوم الي وقع مني بس صدمت فيه
ينحرق الطبيخ..على ابو الملوخية وتنحرق ام محمد فوقهم…..ولك غبية لبنى انتي غبية لا تناقشيني…ولك انتي تقريبا باحضان فارس احلامك…واجتك الفرصة الثانية وطيرتيها…
سجلي عندك. ١_بنطلون منقط
٢_راس ثوم

معفنة مش بايدك😭😭

ابتسم ابتسامة خفيفة وشال راس الزفت عن الارض ..اعطاني اياه وكمل طريقه…وانا طلعت أجر خيبتي وراي …..خيبة بطعم الثوم😭😭😭

**************
وبالفعل بعد يومين صوت طالع نازل على الدرج..جيرانا الجدد بنقلوا بغراضهم وانا مرابطة بالبرندة بلكي لمحت (يوسفي)😍
وتعرفت على عائلته الكريمة….حماتي وبنات حماي ان شاءالله 😍😍

_لبنى سكري باب البرندة وفوتي انظبي جوا..عيب في ناس كثير بالحارة اليوم

_افففف حاضر يما😞
رحت لعند الباب وطرقت ذاني اتسمع….سمعت صوت ناعم بقول:
_على مهلك ابني….الكرتونة هاي فيها أزاز

“😱😱أزاز مين ياباااا؟؟؟😫
يا الهي!!هالجماعة شكلهم أكابرية وراقيين كثير.. اذا هيك الام كيف باقي العينات!!😂
بس بيطلعلها ليش الحكي…الي بتخلف هالعسل كلو بيطلعلها تحكي ازاز…وأهربا….وأتيعة كمان😂
لك يطلع على أبري…وليييي على آمتي😍😍

_لبنى بس تخلص هالضجة انزلي هاتيلك راس ثومة من ام محمد…ان كان ابوكي والا اخوكي ما منهم فايدة الي يومين بقول بدي ثومة…

اول ما شعرت انه الامور هديت وخلصوا نقل اغراض…فتحت الباب وركاااض على الدرج لعند ام محمد…شحدت ثومة وطالعة برضو ركااض (هيك انا عادة شعنونة ومثل القضا المستعجل))😫
صدمت بإشي😱…هو عود مسك؟؟جبل ورد وياسمين؟؟؟سلة فل؟؟؟…كل الي حسيت فيه ريحة حلوووة تغلغلت جوا نافوخي😍
ايواا..هو..هو..انا بهاللحظة انصدمت احلى صدمة بحياتي…صدمة عمري…انا حاليا مع يوسف من مسافة صفر😍

_الله…الله…على مهلك يا آنسة ادعسي بريك
😍😍😍😍😍😍😍😍😍😍😍😍
(لحظة صمت مع شلل تفكيري مؤقت)
_الثومة…الثومة…راس الثوم وينووو؟؟؟
(شوفوا كل هالرواءح الحلوة الفواحة منه وانا كل تفكيري براس الثوم الي وقع مني بس صدمت فيه
ينحرق الطبيخ..على ابو الملوخية وتنحرق ام محمد فوقهم…..ولك غبية لبنى انتي غبية لا تناقشيني…ولك انتي تقريبا باحضان فارس احلامك…واجتك الفرصة الثانية وطيرتيها…
سجلي عندك. ١_بنطلون منقط
٢_راس ثوم

معفنة مش بايدك😭😭

ابتسم ابتسامة خفيفة وشال راس الزفت عن الارض ..اعطاني اياه وكمل طريقه…وانا طلعت أجر خيبتي وراي …..خيبة بطعم الثوم😭😭

**********

حتى يومها الملوخية طلعت مالحة وتنكد ابوي ع الغدا😝

وانا رجعت لبست بنطلوني المنقط لأنه الوحيد الي بريح اعصابي وقت الاكتئاب 😔

مر يومين وانا منعزلة عن العالم…خايفةةاغلط غلطة ثالثة…وبقولوا الثالثة ثابتة،
لازم هالمرة احسن صورتي قدام يوسف…والي اعطاني أمل انه بالمرةالاولى حكالي يا اخت….والمرةةالثانية يا آنسة،😁
يعني شوي..شوي لنوصل لكلمة حبيبتي،😍
صح والا مش غلط يا جماعة؟؟😁

عملت كاسة نسكافيه وقعدت على البرندة كالعادة…افكر واخطط…واذ بسيارة وقفت باب العمارة ووراها سيارة يسوفتي😍
كانو محملين ستالايت ليركبوه ع السطح
مباشرة لمعت براسي الفكرة😍
هاي هي فرصتك يا لبنى…اكيد يوسف رح يضلو طالع نازل عن السطح يزبط الستالايت…لازم استفرد فيه وهالمرة ما انزل عن السطح والا وقلبه وتفكيره معي😍😍
استنيت لحتى نزل صاحب السيارة الثانية وروح…وعالسريعةطلعت زوم الغسيل من الغسالة

_يماااا…طالعة انشر الغسيلات عالسطح

_بسم الله 😱انا سامعة مليح والا بتهيألي؟؟؟
ولك بالموت لترضي تحطيهن ع منشر البرندة…شو صاير لتطلعي تنشريهن فوق!!!

_الشمس طالعة..خلي هالغسيلات يتشمسن ويتهوين…
وقبل ما تعترض حملت سلة الغسيل وطيارة ع السطح…
بس للاسف ..فش حدا😔…حظ لبنى وعارفينوووو
بلشت انشر قطعة قطعة وكل قطعة اقعد عليها خمس دقائق على أمل يطلع…بس ما طل😭
بس خلص لازم انزل…اذا طولت اكثر..رادار امي بشتغل…وبتشك بالموضوع….
ولكن فجاة الدنيا نوورت😍..والسطح شعشع😍….يا ويل قلبي انا…إجى لابس أسود بأسود….يؤبر ألبي….الاسود يليق به فقط😍

مشى لعند الستالايت وبلش يفك ويربط ويزبط…وانا مراقبته حركة حركة…وماسكة بنطلون ابوي الداخلي وناسية حالي😍

طيب يلاااا….ولك إهمس…كح….تنحنح😒
قول مرحبا…والا انا شفافة ومش شايفني!😡
يا زلمة تحركش في…ما هو انا على اعتبار انثى..وانا وانت لحالنا عالسطح والشيطان ثالثنا😈
بلشت اعصابي تتوتر وانا لما اتوتر. بتهور😂
صرت امسك قطعة الغسيل وافش غلي فيها..اقاتل فيها مقاتلة واشيل الغسيلات وأطقعهن بالسلة….وإذ به الاخ بيضحك ونطق اخيراااا

_عنجد انتي موطبيعية😂…مو معقولة..

_😡😡😡ليش يا حبيبي!!!؟؟؟شايفني بمشي لورا والا بنكش بشعراتي سيد يوسف؟؟؟

(غبية )

_اوووووه…حبيبي؟؟؟وسيد يوسف؟؟؟..كمان بتعرفي اسمي!والا ليكون عاملة تحريات عني يا….
على فكرة ايش اسمك؟؟؟
“كان في عقل وطااار…اصلا هو طاير من زمان😂بس كلامه كمل عليه وما لقيت حالي الا فايعة فيه

_شووو خصك بإسمي…شو خصك…انتي انتي شووو دخلك؟؟؟ولشو اتحرى عنك !واحد مغروور😡
وبكل عنفوان طقعت سلة الغسيل على الارض ونزلت لتحت انو يعني شوف كيف مش معبرتك 😂😂
اول ما فتحت باب الدار وشفت امي😱…وليييييي الغسيلاات..ما كملت نشرهن وظلوا بالسلة ترى الغسيل عند امي اهم من مستقبلي😱
_سنة وانتي تنشري قطعتين…الله يعين الي بدو يوخذك
_يييي يما..نسيت السلة ع السطح درجع اجيبها…
_لا تظلي طالعة نازلة..شو بدهم يحكو عنك جيرانا الجداد!!
_يلا امي كلها دقيقة
وعالسريع طلعت لأكمل نشر الغسيلات وأنزل…طبعا يوسف بعدو عالسطح.والي صار !!يا ويلي على الي صاااار….

الجزء ما قبل الاخير……

أول ما وصلت باب السطح هو كان بدو ينزل بس شافني وقف على الباب وسكره بإيده..وابتسم ابتسامة ساحرة😍..خاطفة😍 حارقة😍

“هالمشهد والله شفته بأكثر من مسلسل تركي بينتهي دايما أنه البطل يشد البطلة لإله ويبوسها😘😍😍😍”

إخرسي ولي لبنى وإصحي من مسلسلاتك الهبلة هالمشهد عنا فيه قطع رقاب😱

_لو سمحت…ممكن أمر!!😌
_ما بسمحلك تمري لتحكيلي ايش اسمك!!

ترى باللحظة قلبي كان بيرقص مثل الهنود الحمر…وإجى دوري أثقل وادلل

_لو سمحت..إذا ما بعدت بصرخ(عاملة فيها راس😂)
_إصرخي قد ما بدك..مش باعد لحتى تحكي

“ولك اوعك تبعد اصلا..لا ترد علي..ظلك واقف خليني أشبع من هالعيون😍سبحااااان الي خلقها…يا جماعة مش قادرة والله حلو كثير كثير..قلبي الصغير لا يتحمل،😭😭”

انا_من الآخر..انت شو بدك!!ولشو بدك تعرف اسمي!!على فكرة انت شكلك محترم وهالحركات ما بتلبقلك..(شكلي خبصت صح؟؟😭)

هالكلمتين شكلهم أثروا فيه ونزل إيده عن الباب وقال
_تفضلي كملي طريقك..أسف ان كنت ضايقتك
وهو ماشي لينزل تحت قرب شفايفه على ذاني وهمس
_بس يوسف كانت طالعة من شفايفك بتجنن😍

حداا ييجي يلم بقاياي عن الارض😭
آخ يماااا يا قلبي ..هو انا ذبت!!والا سحت والا قلبي وقف!!
شكلها غمزت الصنارة يا ناس…والله غمزت😍😍

نزلت طايرة ودخلت عالبيت أغني الحب جميل …جميل الحب😍…طبعا بغني بعقلي لانه لو سمعني ابوي كان غنالي الغضب الساطع آت😂😂

المسا كانوا سهرانين عنا خواتي وزواجهن…يزن راح يشتري دخان لأبوي…رن جرس الباب…فكرته يزن بتزانخ.كنت رايحة افتح الباب واسلخه كف يعمي ضوه لانه الباب مش مسكر بالمفتاح..
فتحت الباب وانا راسمة (١١) بين عيوني😠
واول ما انفتح الباب تحول شكلي من
😠..ل 😍

يووسف!!😍😍😍ولييي صار جاي يخطبني !!(خلص تفكريش لبنى..فضحتينا قدام الاميرات😒)

_مسا الورد.معقول حظي حلو لهالدرجة ..بتفتحيلي انتي!!
“هس هو بتعزل في صح والا بتهيألي!!!😍😍”
كمل:
_ما بدك تحني علي وتحكيلي اسمك؟؟

كنت خلص رح اضعف واقول وبلشت اقول_انا..أناا..
والا ابو بريص (يزن)..طالع عالدرج واول ما شافني واقفة ع يوسف عالباب..جحرني بعينه انو يعني فوتي جوا..
_اهلا جار..تفضل ليش واقف عالباب؟؟
_تسلم يزن..بس في سيارة من عندكم مسكرة على سيارتي مش عارف اطلع…

ونزل يوسف من دون ما يعرف اسمي…كلو من الحيوان يزن
بس عليم الله هذيك الليلة كنت حاجزة القاعة ومختارة لون بدلة الخطبة طبعا وانا نايمة ع تختي😂
يعني خلص بقدر اقول..اني حققت حلمي وانا حاليا بعيش بقصة حب الي كنت مفكرها رح تكون طويلة..بسس!؟؟!😔

الاخير الا شوي 😁😁😁😁

ثاني يوم الصبح صحيت على امي متشعبطة على السدة وحالتها حالة

_يماا شو صبحتي بتعملي فوق؟؟
ولك بدور على طقم الكاسات الي جابته ام تحسين لما تخرجتي من الجامعة. ريتها وارمة شكلها يومها مشتريتو من تنزيلات ضراغمة
_وشو بدك فيه على هالصبح؟؟
_بدي اطلع انا وام محمد لعند جيرانا الجداد نباركلهم بالبيت
“😱😱😱عزااا بدها تفضحنا امي..شوو هاظ الطقم الي بدها توخذه معها!!والله اذا شافته ام يوسف الا تشطب علينا ع الاخر..وان كان عندي امل ١٠٪..بعد هالطقم ما احلم باصبع يوسف”
وبعد مجادلات وجولات مصارعة أقنعتها تشتري علبةشوكلاتة وتخلي الطقم لترجعه لكنة ام تحسين بس تولد😂😂

واجت ام محمد هي الثانية جايبة معها طقم فناجين من سنة سيدي..بس هاي بهمش مخصنيش فيها😂…لما شافتني قالت لامي:
_ما تجيبي معك لبنى!خليها تتعرف على بنتهم هي كمان تقريبا بنفس عمرها..
كان جاي عبالي احمل ام محمد والف فيها الدار مع اني بالعادة بطيقهاش…واقتنعت امي وعالسريع رحت لبست الي على الحبل وحطيت شوية حومرة بالسر وغطيت ثمي بمحرمة وانا طالعة لا تشوفني امي😂😂

استقبلونا عيلة يوسف استقبال ملوكي…شو اكابر😍شو ركازة😍شو رقاوة😍

ولكن ام يوسف لابسة كعب على السجاد وانا يا حسرتي لو البسه بمناسبة بمشي مثل المسمطة😂😂
طبعا هم يضحكوا ويحكوا..وانا عيوني على باب الغرفة بلكي مر حبيب القلب ولمحته😍

من سيرة لسيرة جابوا السيرة الي بتهمني😍
وام محمد فتحت الموضوع:
_ما شالله عنو ابنك المهندس يوسف شب ولا كل الشباب..مش ناوية تفرحي فيه عاد؟؟
(هي تحكي وانا احمرط من الخجل كانهم بحكوا عن اشي بخصني😂)
_ان شاء الله قريبا بس بعدنا مو ملاءيين بنت الحلال المناسبة

“😠😠😠😠وانا مقعدة بخلقتك شو بساوي؟؟ والا مش قد المقام؟؟انا بفرجيكي..الا اوخذ ابنك واصير انزل عنك شكاوي بمجتمع سيدات😂😂)
وبعد ما شربنا الشاي نادت علي اخت يوسف لاروح معها ع المطبخ وانا هاد الي كنت مستنيته😍😍
واحنا بالمطبخ فاحت ريحة عطر.عرفت انه اجي يسوفتي😍زبطت وقفتي وفركت خدودي😁
_مرحبا..عفوا لا اكون قطعت حديثكم؟؟(بيحكي وبيطلع في😍)
_اهلا اخي..لا تخجل هاي جارتنا لبنى
_اخيراااا
_شو اخيرا اخي!!!
_لاا سلامتك..اهلا فيكي لبنى…تشرفت بمعرفتك (وغمزني بكل خفة😍)

(وأناااااا… كان هنا فتاة اسمها لبنى،😂😂)
اخته مش قليلة…بنات وبنفهم ع بعض..شكلها فهمت نظرات الاعجاب الي بينا…وفسحتلنا المجال بحجة انها رايحة توخذ مي للضيوف

“المشهد الان كالاتي::المطبخ…انااا..ويوسف. لحاااالنا…والحب بينا😍😍😍😍
_كيفك لبنة!!😁على فكرة انا بموت باللبنة خصوصا فطور ع الصبح😍
(وانا ظليت واقفة ملخومة خدودي رح يتفجرووو من كتر الدم المتدفق فيهن….بس لازم لبنى ينكد عليها حدا😠ان ما كان يزن…ف ام يزن موجودة
_لبنى وينك؟؟يلا احنا نازلين….

يتبع القليل بس😁😁

الاخيييييير.. اخيراااااا

بعد يومين بالزبط من هالمشهد..طليت من البرندة ما شفت سيارة يوسف شكلو طالع عالشغل بدري..بهالوقت قلت تا اروح امسح قدام البيت عالسريع وانا لابسة بنطلوني المنقط ما غيرو😂..بلا ما يشوفني يوسف بهالمنظر مرة ثانية…
حملت سطل المي وحاطة جواتة ساءل شطف..وطلعت امسح…دلقت شوية مي وبلشت..وفجاة في حد وراي قال_صباح الورد
“”😱😱😱😱يييييي صوت يوسف…ما إجى ببالي ألف واشوفه…كل همي اركض لجوا قبل ما يشوفني بالبنطلون هاظ…جيت اركض زحطت إجري وزحلقت لورا…ويا ويلي على مشهد التايتنك😍😍جيت بحضن يوسف مسكني لا اوقع على الارض😍😍

بهاي الثانية…وتحديدا بهاللحظة…وبهاد الوقت الدقيق والمشهد الي استنيتو منذ الاف السنين….إجى ابوي😭😭…ابوي الي انا عايشة معه ٢٢سنة ونص ولا بيوم راح عالشغل ورجع قبل المغرب…بس عحظ لبنى المعفن نسي مصاري عماله بالبيت وراجع يجيبهم😭
لكم حرية التخيل::
اناا ويوسف عابطني من ورا..وابوي واقف قبالنا😵
طبعا يوسف بس شاف ابوي تجمد وظله ماسكني من الصدمة..وانا ولأني عارفة شو رح يصير في بعد هالشوفة..ما تحركت..خليني استمتع بآخر مشهد يمكن اني اكون فيه مع يوسف..او اكون فيه على قيد الحياة اساسا😭😭
_😡😡شو هالمسخرة؟؟..اخص عليك..انا الي كنت مفكرك محترم..بس الي بتقول عنه موسى بيطلع فرعون😡
_بس يا عمي…
_😡عم الدبب..ولااا كلمة……الخ
وبلش ابوي..وطلع صمت كل السنين بيوسف المسكين😭😭
ومسكني وزتني جوا…وقال بس ارجع المسا بشوف شغلي معك…

وانا جهزت شرشف التخت الابيض..بروفا للكفن..وختمت القرآن….مع انو ما الي ذنب غير اني لبست بنطلوني المنقط😂😂
المسا…دق الباب….وبلشت اعد اخر ساعات بعمري…اكيد هاظ ابوي…وهس رح يعجب علي….
بس المفاجاة انهم كانو يوسف وامه…فكرت جاي يشرح لابوي الوضع…ويوضحله سوء الفهم…..بس طلعوا جايين يخطبوووووووني😍😍😍😍😍😍😍😍😍😍😍😍😍
رب ضارة نافعة…..وابوي وافق طبعا بدو يستر على الفضيحة (من رأيي طبعا))

واول جملة حكالي اياها يوسف بعد كتب الكتاب:
بتحرقي البنطلون المنقط مش اشوفك لابستيه بعد اليوم😂😂😂😂

وحاليا انا وحماتي دايرات بالدار بشباشب….عودتها عليه بدل الكعب…لا تسمط المسكينة😂😂😂😂😂

النهاااااااية😍😍😍