صينية رقاق محشيه جبنه وسبانخ
معكم صديقة زاكي الشيف الموهوبة Batota Shawky
🌹
🌹صينية رقاق محشيه جبنه وسبانخ
7 واحدات رقاق _ كوبين لبن _ كوب شوربه دسمه _ بيضتان _ ملح وفلفل اسود_ خليط من الزبده والسمنه والزيت _ ملعقه صغيره بيكنج بودر
🌹🌹مقادير الحشو
نجيب بصلة كبيره مقطعه مكعبات صغيره ونحطها على النار مع شوية زيت ونقلب لحد ما تدبل البصله وبعدين نضيف 3 وحدات فلفل الوان مقطعه مكعبات صغيره ونقلب تقلبتين وبعدين نضيف طماطميتين جامدين مقطعين مكعبات صغيره ونقلب وبعدين نضيف ملح وفلفل اسود وكزبره ناشفه وبابريكا وبهارات ونقلب
وبعدين نضيف ربع كيلو سبانخ مقطعه ونقلب تقلبتين ونطفى النار ولما يبرد نضيف ربع كيلو جبن رومى وشيدر مبشورين و زيتون مقطع مكعبات صغيره ونقلب وكدا الحشوة جاهزه ان شاء الله
نجيب بقى صينيه حجمها اد الرقاقه وندهنها كويس بخليط السمنه ونجيب صينيه تانيه نحط فيها كوب لبن وكوب شوربه ونغليهم على النار ونظبط ملحهم بعد كدا نطفى النار ونحط فيهم ملعقه صغيره بيكنج بودر ونقلبها
نجيب واحده من الرقاق ونسقيها بخليط الشوربه واللبن ونحطها فى الصينيه وندهنها كويس بخليط السمنه وبعدين نسقيى اتنين تانى وندهن سمنه ما بينهم وبعدين نوزع جزء من الحشو وبعدين نرص اتنين كمان
وبعدين نوزع الحشو وبعدين اخر اتنين وبينهم طبعا ادهنى السمنه وبعدين نقطعها حسب ما نحب وبعدين نوزع على وشهم كوب لبن مخلوط بالبيضتين وملح وفلفل اسود
وبعدين نتركهم شويه يشربوا كويس من الخلطه وبعدين ندخل الصينيه فرن ساخن متوسط الحراره لمده نص ساعه لحد ما يحمر ثم نتركه يبرد قليلا ثم يقدم بألف هنا 