بالله إلي بحب المحاشي وإلي مابحبها يشجعني

بالله إلي بحب المحاشي وإلي مابحبها يشجعني
معكم صديقة زاكي الشيف الموهوبة ساهرة دباس
محاشي غير شكل تفضلو…

المكونات وطريقة التحضير .
كوسا.
وبيتنجان .
ويقطين .
وفليفلة .
ومتبل لب الكوسا والبيتنجان واليقطين ..ضيفيهم مع بعض وضيفي زيت زيتون خمس معالق ورشة ملح .
واتركيهم على نار هادية ربع ساعة .
ليبردو ضيفي عليهم صوص اللبن والطحينه والتوم وحركيهم حتى يتجانسو …
الحشوة .
رز اربع كاسات .مغسولين ومتقوعين عشر دقائق
لحمة مفرومة مجرمشة تلت ارباع الكيلو .
ملح وفلفل اسود حسب الرغبة .
معلقة كمون خشن مجرمش مو ناعم .
معلقتين عصفر ناعم …
نضيف المكونات مع بعض ونحركها بالايد حتى تتجانس..
نحشي المحاشي ونترك تنين سنتيمتر .
الصوص…المرقة .
كيلو بندورة مغسولة ومخلوطة بالخلاط مع خمس حبات توم .
.معلقتين صلصة .واربع كاسات ماء .
كاسة شرب عصير تمر هندي .
ملح معلقة .
.لحمة بعظمها حسب الرغبة النوع .مغسول بالماء والملح …
اغلي المكونات مع بعض وضيفي المحاشي عالمرقة وتقليهم بصحن زجاجي .وغطاء القدر .
واتركيهم نص ساعة على نار هادية ..
ضيفي معلقة نعنع ناشف ناعمة وتوم مدقوق خمس حبات
واغليهم خمس دقائق
والف صحة وهنا