أكلة فوارغ على طريقتي اليوم جوزي معيد من الفرحة من كتر ما بحب هالأكلة
أكلة فوارغ على طريقتي اليوم جوزي معيد من الفرحة من كتر ما بحب هالأكلة
معكم صديقة زاكي الشيف الموهوبة Silva Aydogan
يسعد مساكم
وسعو وسعو وسعو
أجيت وجبتلكم معي اكلة بعشقها والكل بيسميها اسم وحسب ماانا تعلمت انو اسمها فوراغ بالعربي 
😅😅
مالكم من الاسم تفضلو وشوفو الطعم انتم بيخبل 
😁
في كتير ناس مابتحبها وبتمنى اللي ماتحبها تُعيِّرُنا سكوتها وتراقبنا بصمت ونحن نستمتع بالمنظر خخخخخههههه
للعلم إنّو هي الاكلة عندنا مقدرة لدرجة انو لما اطبخها زوجي بيعيد
يالله كل عام ونحن واللي بيحبها واللي مابحبها بخير 
😘😘😘😁😁
الفوراغ على طريقة الشيف سيلفا
اول واهم الشي بحب ازكركم انو هي تنباع عندنا نظيفة ومملحة ومجمدة ومشان هيك بنغسلها مرتين من الملح وبس
بس بالنسبة للفوارغ الجديدة بنغسلها منيح اكتر من مرى وبعدين انا كنت بتبلها بالكمون والنعناع والريحان والهيل والفلفل الأسود والبصل وقشور الليمون كل هدول قبل مااطبخها بليلة وتاني يوم بغسلها وبتابع نفس الطريقة اللي هلا راح أعملها .
الحشوة الكمية بتختلف على حسب كمية الفوراغ بس انا راح اكتب اللي انا استعملتو :
كيلو رز مصري مدور
كيلو لحمة مفرومة ( وهي الكمية انتم تحددوها اقل او اكتر )
نعناع اخضر
نعناع ناشف
ريحان ناشف
رشة قرفة
رشة هيل مطحون
ملح
فلفل احمر
فلفل اسود
كوب زيت نباتي
بقدونس
فلفل اخضر ( حبتين )
رشة كمون
بصلة كبيرة
ملعقة سماق
ملعقتين دبس رمان
ملعقتين دبس بندورة
ملعقتين محمرة ( هريسة حارة )
خمس حبات ثوم
الطريقة كالتالي :
كل المواد اللي زكرتهم بتخلطيهم مع بعض وبتصير منها حشوة متل حشوة المحاشي تقريبا
سبق وذكرت انو راح ننظف للفوارغ منيح(مهم)
طريقة حشوتي انا مابستعمل شي للحشوة بعملها كلها على أيدي
بتاخذي راس الفوارغ وتقلبيها من رأسها لجوى باصبعتك وبعدين بتاخذي شوي حشوة وتحطيها باصبعتك شوي شوي وهيك لحتى تطلع من الطرف التاني وتتعبى تقريبا من الحشوة
بتكملي الباقي كلهم بنفس الطريقة .
بعدين انا بقصهم بالمقص وبربط الطرفين مع بعض بخيط
وبعد مابخلص بغسلهم مرى تانية منيح وبعدين على النار
طبعا سبق وانا نقعت كوبين حُمُّص بماء بارد وملح قبلها بليلة وهدول بنحطهم بالطنجرة ونحط فوقها ورق غار وخمس حبات قرنفل وخمسة هيل وفلفل اسود حب وانت حسب مابدك تحطيلها اللي بتحبيه
بحط الفوارغ المحشية فوقها وبحطلها ماء ساخن وبحطها على نار وسط وبحاول اثقبهم بسيخ رفيع لحتى يدخل فيها المي وبتركها تغلي تقريبا ساعة او اكتر
وتقدميها ساخنة وصحتين وهنا
Chef Silva
