كولاج تحلاية تركية شهيرة تعلميها الان وبالخطوات المصورة

كولاج تحلاية تركية شهيرة تعلميها الان وبالخطوات المصورة
يسعد مساكم
اليوم حابة أعرفكم على تحلاية تركية خاصة بشهر رمضان المبارك ومشهورة باسم كولاج
Güllaç
معكم صديقة زاكي الشيف الموهوبة شيف سيلفا

المقادير : ١٠ أوراق من رقائق الكولاج ( هي بتجي جاهزة مغلفة والمواد المستخدمة هية رشة ملح صغيرة وطحين الذرة او نشاء الذرة مخفوق بالماء على شكل سائل وبعدين ينخبر على الصاج ثواني وتترك لحتى تنشف . لان انا ماجربتها بالبيت هي العجينة مابقدر اعطيكم المقادير بالزبط بس انشالله راح شوفلكم طريقتها بالبيت كمان لاحقا . متوفرة بتركيا كتير للي عايشين فيها أكيد بيعرفوها او سامعين بيها )
٨ أكواب كبيرة حليب
ملعقتين ماء ورد او ماء زهر
اربع أكواب سكر ناعم
حبة رمان للزينة
فستق حلبي او جوز مطحون

الطريقة :
بنسخن الحليب والسكر وماء الورد على النار لحتى يدوب السكر وبعدين نحطها بصينية كبيرة ونتركها تقريبا ٧ دقائق تبرد شوي بس
بنأخذ ورقة كولاج الجاهزة ونغمرها بالحليب الساخن تقريبا وتصير لينة فورا
نحطها بالترتيب بصينية التقديم
وهيك نكمل كل الأوراق وحدة وحدة لحتى تخلص كلها
اخر شي بنحط فوقها الحليب الباقي ونتركها بالبراد تقريبا ساعة لحتى تبرد
هيك بتكون جاهزة للاكل
نقطعها على شكل مربعات ونزينها بحبات الرمان والفستق الحلبي ونقدمها باردة وصحتين وهنا
Chef Silva