وردات الجبنة والزعتر بالصور
دايما بسمع بعجينة العشر دقايق بس ولا مرة جربتها من فترة جربتها بالبيتزا وكتير طلعت سهلة وطيبة
واليوم جربتها بالمعجنات وطلعت ولا اروع بس مع إضافتي السحرية,كتير سهلة.اول مرحلة/
كوبين طحين
معلقتين كبار خميرة
إضافتي السحرية(معلقة كبيرة بيكنج باودر)
٣ملاعق حليب بودرة
معلقة ملح كبيرة
معلقتين سكر
منخلطهم منيح وبنضيف كوبين ماء فاتر مائل للسخونة
منخلطهم مع بعض بواسطة المضرب الشبكي اليدوي مشان التكتلات
منتركهم عشر دقايق بعد ما نغطيهم
بعد عشر دقايق/
منضيف ٣كوب طحين بالتناوب مع نصف كوب زيت ومنعجن
ممكن نضيف شوية مي او طحين حسب نوع الطحين
بس المقادير مزبوطة
بس يتكون عنا عجينة لينة ما تلزق بالايد بتكون جاهزة
فيكي تشتغلي فيها فورا اول مرة ما ريحتها
انا ريحتها ربع ساعه كمان
واشتغلت فيها.
الحشوة/
خلطة الزعتر جاهزة بتضيفي عليها زيت زيتون ما لازم تكون مريقة ولا تقيلة يعني نص نص.
حشيتها جبنة وبقدونس وزعتر
دهنت الوش لبن خاثر اللي هو العيران الجاهز
ممكن تعمليه بالبيت
نصف كوب حليب مع نص معلقة خل منحركهم منيح
ومنتركهم عشر دقايق ومندهن المعجنات فيهم لون ولا اروع
نخبزهم لعشر دقايق
وصحة وهنا.
لمتابعة هذه الوصفة المميزة ووصفات أخرى شهية, تابعونا على جروب “زاكي” لفن الطهي:
وردات الجبنة والزعتر بالصور