بما إنو الشتوية على الطريق بدها صينية حلبة على الأصول

#الحلبة
3 كوب ونص سميد خشن
نص كوب طحين
تلت كوب زيت زيتون
ربع كوب سكر
3 م ك حبوب الحلبة
1 م ك حبة البركة
1 م ك سمسم
1 م ص خميرة فورية
رشة ملح
شيرة (القطر)
في البداية بحط حبوب الحلبة بكسرولة وبقلبهم عنار وسط لاشوف الزيوت الي بالحلبة بدت تبين بعدين بضيف كوب ونص مي وبتركها تغلي غلوتين وبتركها لتدفى وببدا اجهز المواد الجافة كلها سوا ما عدا الخميرة وبضيف عليهم الزيت وبفركهم بإيدي منيح بعدين بضيف الخميرة مع ربع كوب من مية الحلبة الدافية وبتركها خمس دقائق وبصبها عالمواد الجافة وببدا اضيف من مية الحلبة مع الحبوب الي فيها تدريجيا لاحصل على عجينة طرية وبتلصق شوي وبغطيها لتخمر ساعة وبعدين بفردها بالصينية المدهونة بالطحينية وبقطعها وبتركها تخمر كمان نص ساعة وبعدين بدخلها عفرن محمى مسبقا عدرجة 180 وبعطيها وجه تحمير من فوق وبسقيها بالشيرة الباردة مباشرة وهي سخنة وصحتين وهنا
#الشيرة
2 كوب سكر
1 كوب ماء
1 م ص عصير ليمون