طريقةعمل خبز الشاورما وطريقة الشاورما السوري الأصلية

الطريقة:
صدور دجاج مقطعه شرائح بهارت السبعه وبابريكا سماق ملح فلفل اسود كبش القرنفل هيل مطحون كمون من كل بهار ملعقه صغيره و٢ ملعقه خل كبيره و٣ملعقه كبيره زيت زيتون وكوب لبن زبادي ونص ليمونه هلأ كل المقادير بتخلطيهم مع بعض وبتحطيهم بالتلاجه لمده ساعتين

هلأ في مقلى ساخن على النار بدون زيت بنحط الشاورماوبنحركها مع مكوناتها وبنتركها على النار لحتى تستوي وتنشف السوائل

هلأ طريقه خبز الصاج او التروتيلا:
مقاديرها ٣كوب ونص طحين معلقه صغيره ملح معلقه كبيره سكر ٣معالق صغيره حليب معلقه صغيره خميره ٣ معالق كببره زيت دره كوب مي دافيه وربع كوب مي دافيه بنحط فيها الخميره والسكر وبنتركها لحتى تتفاعل

بعدين بنعجن المكونات لمده ٥ دقائق وبنتركها ترتاح لمده نص ساعه بنقطعها كور صغيره متساويه عددهم لهاد المقدار ١٥ بنتركهم عشر دقائق بنرش طحين مكان ما بدنا نرق العجين نفرد القرص رقيق جدا وعلى مقلاه تيفال حاميه على النار بنحط العجينه ونقلب حتى تحمر وبنغطيها بعد الانتهاء حتى نحافظ على طراوتها

هلأ بتدهني على الخبز مايونيز وبتحطي من الشاورما وبتحطي مخلل وبطاطا مقليه وبتلفيها رول وبتحمصيها على الجرل