لو عندك دجاج اعمليه بالطريقة التركية الطعم خيااال كأنك في قلب اسطنبول
لو عندك دجاج اعمليه بالطريقة التركية الطعم خيااال كأنك في قلب اسطنبول
معكم صديقة زاكي الشيف الموهوبة حنان السليتي
الدجاج التركي
دجاج منقطعها اربع قطع
3 حبات بندوره /5 فصوم تومه/ ملعقتين كبار صلصة البندوره/ ملح حسب الحاجه/ 3 راس بصل/ كاسه صغيره زيت زيتون او زيت قلي /حبة فلفل اخضر حار او حلو/ بطرف المعلقه الصغيره فلفل اسود ورشة زنجبيل/ كاسه صغيره ماء /ملعقة صغيرة بابريكا /ملعقه صغيره بهارات مشكله/ عصير حبة ليمون.
الخطوات…
قبل بيوم او قبل بوقت انا اعملتها قبل الوقت بي 4ساعات بعد ما نغسل الدجاج منعمل فيه شقوق حتى يتبل من الداخل منحطه في صينية بالنسبة للمقادير منعملها جميعها بالخلاط الكهربائي ومنشيل قدر كاسه صغيره من الخلطه لحتى نوضعها على الخبز ومنحطها على الدجاج ومنخلطهم كويس مع بعض ومنتركهم اربع ساعات منقوعين ومنحطهم في البراد
بعد هاد الوقت منكون مشغلين الفرن على درجة حرارة متوسطة ومنغطي الصينيه بقصدير ومنحطها بالفرن من تحت لمدة ساعه ونصف وازا احتاجت كمان شوي منخليها وبس تستوي منحمرها من فوق على الوجهين
في صينية تانيه مندهنها زيت ومنحط رغيف الخبز ومندهنه بالخلطه الي شلنها ومنحطه 3 دقائق بالفرن ومنخرج الصينيه من الفرن ومنرتبهم في صحن التقديم منحط اول شي رغيف الخبز وبعدين الدجاج مع الصلصة ومنزينه بالبصل والبقدونس ومنحط فحمه ومنغطيهم لحتى يوخد الطعم