ب3 جنيه عملت 13 رغيف فينو أفضل من المخابز بمليون مرة
ب3 جنيه عملت 13 رغيف فينو أفضل من المخابز بمليون مرة
معكم صديقة زاكي الشيف الموهوبة Zeina Emad
السلام عليكم.. 
🌹🌹استعدادا للمدارس واساس السندوتشات طبعا العيش الفينو ..
والفينو فى الافران عمال يغلا ويصغر 
😣😣..الله المستعان
الوصفه دى سهله جدا واقتصاديه خالص نص كيلو دقيق
ب3 جنيه عملت 13 رغيف وممكن نعمل كايزر كمان والطريقه والخطوات مع الصور ايه رايكوا ياقمرات …
*العيش الفينو الجميل الهش والطرى*
الكوب المستخدم هو كوب الماء والعصير
ألمقادير:
4 كوب دقيق
كوب ماء مضاف له 3 ملاعق كبيرة حليب بودرة
ربع كوب زيت
2 ملعقة كبيرة سكر
ملعقة كبيرة خميرة
معلفتين كبار حليب بودرة
الطريقه:
نعجن كل المكونات مع بعض عجن
لا يقل عن 10 دقايق حتى نحصل على
عجينه ناعمه وطريه جدا
تريح العجينه ريع ساعه ونشتغل فيها
نعمل كور صغيره انا عملت 13 كوره ..
ونبدا نفردها على رشه دقيق
ونبرمها زى الرول ونخلى آخر الرول ناحيه
تحت مش فوق علشان وش العيش ببقى ناعم
ونضعهم على صاج وتبعد بين كل اتنين علشان
هنسيبه يخمر ويتضاعف حجمه وندهن الوش بملعقتين حليب بودرة مخفف بالماء
ويدخل الفرن على نار هاديه لحد ما يستوى
وياخد اللون الذهبى الحلو
وبالهنا والشفا …. زينه عماد…
ملاحظة:
لما يطلع من الفرن نرش ببخاخه مايه عليه بسيط ونغطى علطول بفوطه علشان يفضل طرى ولما يبرد اللى عايز يشيله فى الفريزر يشيله ولما يطلع بيبقى جميل ومش بيحصله اى حاجه
