النمورة بالحليب المكثف مين بدها الطريقة؟

النمورة بالحليب المكثف مين بدها الطريقة؟
معكم صديقة زاكي الشيف الموهوبة دعاء قاسم. الحياه حلوه

النمورة بالحليب المكثف
المقادير:
كيس سميد خشن
علبة حليب مكثف
كوبين وربع لبن زبادي. كوب سكر
معلقة صغيرة بكنغ باودر
5معالق حليب باودر
كوب ونص سمنة مذوبة
ماء زهر.. انا بستعمل اسنص.. يعني بحط 4نقط بتكفي. وازا ما موجود اسنص حطي فنجان صغير بدل فنجان لبن زبادي.
قطر مجهز لازم يكون جامد.

الطريقة:
نضع المقادير الجافة وبعدين السمنة ونحرك منيح بمعلقة خشبية وبعدين علبة الحليب المكثف وحركي منيح وبعدين ماء الزهر؛ واللبن بالتدريج يمكن تستخدمي اقل ويمكن اكثر حسب نوعية السميد الي عندك.. هلا اخلطي بيدك لحتى تحصلي على عجينة متماسكة لينة.
ادهني صنية بزيت وقسمي العجينة لاقسام بالصنية لحتى يسهل عليكي مدها وبعدين ملسيها منيح بملقعة حديد او استانلس مدهوني زيت وبعدين قطعيها بسكين وبعدين زينيها بلوز او كاجو او فستق حسب الرغبة.
ودخليها عفرن مسخن قبل مشعل بس من تحت وبوسط الفرن. تترك لحتى تشوفي حوافهر بلشت تحمر (بدها حوالي نصف ساعة حسب فرنك)وهلأ حمريها من فوق لتشقر وبعدية اسكبي القطر الدافي وارجعي دخليها للفرن 3دقايق لتحثر منيح. تحتاج ل4او 5اكواب من القطر ..حسب كيف تحبيها.

والف صحة وهنا.