الشعيبيات بالقشطة بشكل جديد

الشعيبيات بالقشطة
١ كوب حليب سايل
١ كوب زيت
١ كوب لبن
ربع كوب سكر
١ ملعقة ك بيكنج باودر
١ ملعقة ص ملح
٥ ونص كوب طحيننخلط بالخفاقة اليدوية كل من الحليب والزيت واللبن والسكر والبيكنج باودر والملح حتى ينخلطوا مليح .
انخل الطحين واضع منهم بس ال ٥ اكواب طحين واعجن بايدي ثم اضع النص الكوب الباقي من الطحين واعجهنهم بايدي حتى يصير عندي عجينة متماسكة وطرية .
نغطيها بالنايلون على وجهها ونتركها ترتاح لمدة ساعة كاملة .
وبعد ساعة نرش صينية بنشا ثم نقطع العجينة الى كرات صفيرة بحجم البيضة .
بصير عندي ٣٠ قطعة عجينة مصفوفين بالصينية المرشوشة بالنشا ونرش على وجه العجينة نشا كمان مرة تانية .
نغطيها بنايلون ونتركها ترتاح مدة ١٥ دقيقة مرة تانية .
بعد ١٥ دقيقة نبدا برق كل قطعة عجينة لحالها مع وضع النشا عليها .
ترق لتصبح بحجم الرغيف الصغير واعمل كل القطع بنفس الطريقة واضعهم في صينية على بعض مع وضع نشا بين كل طبقة وطبقة لحد ما يخلصوا عندي ويصيروا فوق بعض .
بعدين ابدأ برق العجينة الطبقات كلها مرة وحدة وهني على بعض حتى تصير عندي عجينة وحدة بحجم رغيف كبير .
تلف على الشوبك ونهزها حتى نتخلص من النشا الزايد وتلف مثل الرول ونقطعها ل ٢٨ قطعة وبصير شكلها من جوا مثل الدواير جنب بعض ( شكل حلزوني ) .
نفطي القطع بنايلون حتى لا تنشف واخذ قطعة قطعة ونرقها بالشوبك شوي صغيرة طولياً قد الحجم الي بدنا ياه وتوضع الحشوة القشطة بالنص وتسكر ويكون التسكير بالنص مش عجنب ونكبس عليها حتى ما تكون بارزة من تحت ثم تصف في صينية وندهن وجههم بالزيت او الزبدة السايلة .
تدخل الفرن على حرارة ٢٠٠ درجة وبس تحمر من تحت نرجع ندهن الوجه مرة تانية وثالثة ثم نحمرها من فوق ثم توضع في القطر او يصب عليها وهني سخنين ويكون القطر بارد بحرارة الغرفة .
تزين بالفستق المطحون بالنص .