قصة واقعية بقلم أحلام بعنوان أمي
هذه القصة تأتيكم من قسم المنوعات في زاكي
#قصص_من_الواقع
#امي
#بقلمي_احلام
((أمي)) كلمه من ثلاث حروف.. ولكنها تعني الكثير.. الام هي الحنان.. هي العطف.. هي الموده.. هي الحب.. هي السكينه.. هي الراحه..هي المنجاه… هي ست الكل.. هي ست الحبايب.. هي التي تحت اقدامها الجنه.. هي كل شي.. وباختصار امي.. هي الحياه
رح تبدأ قصتي من صباح هاداك النهار.. اصحيت نشيطه وعملت فطور بشهي والبيض اللي بحبو مؤمن.. وأومليت رشا.. وجهزت كل شي بدخول مؤمن المطبخ عليا
مؤمن: يا عيني يا عيني عليكي… شو هالفطور الحلو هادا.. بتعرفي غاده.. اكتر شي بشتاقلو وانا مسافر الاكل من تحت ايديكي.. ريتك تسلميلي يا رب
غاده: الف صحه وهنا وعافيه يارب.. يلا يا رشا البيض رح يبرد
رشا: ليكني خلصت يا ماما وهيني جايه…
غائه: مؤمن حبيبي.. بتتذكر صاحبتي ناديه اللي اتزوجت من خمس سنين وما اجاها اولاد…. حكولي صاحباتي انها حامل وبدنا نروح نباركلها.. وبدي منك مبلغ محترم.. لانو ناقصني شويه اغراض على مكياج
مؤمن: اه ناديه.. جد.. طيب كتير منيح انا والله افرحت الها باركيلها عني… وهي جزداني جوا على الطاوله خدي منو قد ما بدك حبيبتي
غاده: الله يخليلي اياك يا رب وما يحرمني منك ابدا
رشا: وانا يا بابا بدي كمان
غاده: ليش انتي وين رايحه من الصبح.. ما حكتيلي وصبحتي لابسه
رشا: بدي اروح على منى ندرس سوا.. عنا امتحان صعب
غاده: طيب ماشي انا رح اقوم البس وبوصلك معي.. يا سالو تعالي ضبي الفطور
البست واطلعنا انا ورشا.. ووصلتها لعند صاحبيتها منى.. وحكتلي انها رح تروح بتكسي.. وانا رحت على المول اشتريت الهديه لناديه.. ورحت على محل الماكياج لقيتو مسكر.. حكيت لحالي برجعلو وانا مروحه من زيارتي… اوصلت بيت ناديه وكانو صاحباتي سابقيني وقعده قعده حلوه كتير وصار وقت ترويحتي… ارجعت على المحل لقيتو فاتح اشتريت اغراضي الناقصه.. وبلشت اتمشى بالمول ومرقت من جنب كوفي شوب…. ووقفت :يووه هادا صوتها؟ لا لا امشي يا غاده مهي بتدرس عند منى.. لا لا هادا صوت ضحكتها.. هي رشا بنتي اللي ما اتجاوز عمرها 15 سنه.. فتت على الكوفي واوقفت قدام طاوله رشا.. وكانت مغيره ملابسها ولابسه تنوره قصيره وبروتيل… ومكياج اوفر.. وعطر وبتعلك وبتضحك بصوت عالي ورجل على رجل واركيله بايدها.. وهي لما شافتني ما اهتزلها رمش او حست بالخوف.. بالعكس حطت الاركيله من ايدها ووقفت جنبي وقالت: هلا هلا مامتي.. شباب بعرفكم على مامتي وهادول لؤي.. وسام.. اليكس.. نانا.. ومنى بتعرفيها… انا انصعقت من برودها وعدم خوفها.. واخذتها على جنب
وحكتلها: شو هادا يا رشا مش على اساس انتي بتدرسي عند منى.. كيف بتطلعي من ورايا.. وبعدين شو هاللبس المقزز.. وعلكه ومكياج ووقاحه وضحك بصوت عالي وأركيله اذا لا انا ولا ابوكي بندخن او بنأركل
رشا: ريلاكس ماما.. شو هادا خليكي ريلاكس.. وبعدين احنا بالقرن الواحد والعشرين.. بلاش يفكرو اصحابي انو احنا عيله متخلفين.. وعادي الاركيله كل الشباب والبنات هيك
غاده: انتي بقمه الوقاحه.. انا ما ربيتك هيك.. وبعدين مصاحبه شباب كمان يا عيني عليكي… امشي معي وحسابك بعدين
رشا: لالا… اتركي ايدي…وانا ما بدي اروح هسه بعد ساعتين
غاده: انتي اكيد مش طبيعيه وبدك تربايه من اول وجديد.. ومسكتها من ايدها وبقوه وسحبتها
رشا: انا بقولك ما بدي اروح.. اتركيني.. وعلى فكرى احنا ببلد اجنبي وما بتقدري تعمليلي شي.. بتفوتي السجن.. وبعدين انا اتعلمت هادا منك طول عمرك هادا اسلوبك بالتعامل مع ستي بتتذكري من 6 سنين لما سافرنا على البلد وزرتي ستي كيف كنتي تعامليها… انتي روحي وانا بعد ساعتين بروح
انا ما اتمالكت اعصابي وتركتها وامشيت وقعدت افكر بكلامها واركبت السياره وما بعرف كنت ضايعه ومشتته ومقهوره صرت اسوق بسرعه.. وعملت حادث وانقلبت السياره فيا.. واوعيت على حالي بالمستشفى جسمي كلو مكسر وبوجعني.. وجهاز الرقبه مركبلي.. ورجلي مكسوره.. واول ما صحيت فاتو عليا الاطباء والممرضين ومؤمن ورشا.. وانا اول ما شفتهم بلشت ابكي وصار معي انهيار واعطوني مهدئ ونمت.. وقضيت هالاسبوع الاول هيك.. انام واصحى وابكي ومهدئات وابر وادويه.. وبعد هالاسبوع روحت على البيت.. كان مؤمن مصر يعرف شو الي صار..
مؤمن: على مهلك شوي شوي.. اقعدي.. غاده انا هسه بدي اعرف شو الي صار؟ ليش عملتي حادث؟ وليش البكا؟ .. شو صار معك؟
غاده: ما صار معي شي انا بس بدي اسافر.. بدي ارجع على بلدي وبدي اشوف امي
مؤمن: منيح هادا الحكي.. بكل اجازه كنت احكيلك خلينا ننزل ونزور امي وحماتي لكن انتي كنتي ترفضي.. خلص انا رح اسافر اسبوعين بس ارجع بنروح سوا
غاده: اسبوعين كتير يا مؤمن.. لا لا انا بدي هسه وفورا بترجاك يا مؤمن.. من شان الله
مؤمن: حبيبتي حرارتك مرتفعة شي؟!.. او صاير لعقلك شي؟!.. انتي مش شايفه وضع حالتك.. رقبتك فيها شعر ورجلك مكسوره وكلك ملفلفه جروح وكدمات.. خلص من هون لاسبوع بتكوني ارتحتي شوي وبتكون رشا خلصت امتحانات
غاده: خلص ماشي اسبوع اسبوع… رح استنى هالاسبوع وبعدها بسافر وانا بدي اجيب امي تعيش معي هون بكفيها تعتير….
مؤمن: تمام هادا الحكي الحلو.. وانا هيك رح احبك اكتر واكتر.. وانا رح اسافر بكرى.. ورح اعين كمان خادمه مع سالو لحتى شو ما تحتاجي يساعدوكي وسفريهم معاكي بساعدوكي هناك بالبلد… واول ما تصير اوراق حماتي جاهزه ابعثيلي اياهم عشان اعمللها فيزا لتيجي معانا هون.. وانا اول ما اخلص شغلي رح اجي لعندكم وبنرجع هون سوا.. تمام هيك حبيبتي
غاده: تمام حبيبي.. الله يخليلي اياك يا رب
وبعدها فاتت عندي رشا وانا أشرتلها بإيدي انو ما بدي احكي معاها.. حاولت كتير تيجي لعندي وانا بالمستشفى وتحكي معي لكن انا كنت اصدها وما حاكيتها ابدا قاطعتها… بعد ما سافر مؤمن تاني يوم…. قعدت لحالي وبلشت اتوه بذكرياتي مع امي.. وارجعت لسن 9 سنوات.. كنت بكره الدنيا كلها وبكره حالي وبكره امي… اتخيلو بكره امي وابي…. كنت بالمدرسه يضلو البنات يعايروني باني بنت ( الآذنه) يعني الموظفه الي بتنضف الحمامات.. وبتعمل شاي وقهوه للمدرسات.. كنت كل ما اشوفها بالمدرسه يزيد غضبي… وغير عن انو اسمي موجود بلائحه البنات الفقيرات.. وكل مناسبه او عيد بتيجي تبرعات ومساعدات للبنات الفقيرات.. وكنت لما اصف بهاداك الطبور احس انو روحي بتنخلع مني.. وآخد المساعده واروح وانا دمي بيغلي… وغير عن انو اي ملابس او احذيه بتصغر على بنات المدرسات كانو يجيبوهن ويعطوهن لامي وامي تيجي فرحانه وتعطيني اياهن.. كنت احسهم نار وبتحرق جسمي لما البسهم… كان شعوري بالنقص يزداد يوم عن يوم … ودائما صوتي عالي وعصبيه على امي واخي.. مع انو اخي بيكبرني باربع سنوات.. ودائما ناقمه على الحياه والوضع وعيشه الفقر والتعتير… ليش امي آذنه؟! كل البنات الي امها دكتوره او صيدلانيه او معلمه او مهندسه او ست بيت مرتاحه.. الا انا امي آذنه ووضعنا بالحضيض.. والفقر بينهش فينا نهش… دائما كنت اضل احكي لامي.. انا بكرهك وبكره ابي.. ليش جبتوني على هاي الدنيا؟ ليش احنا فقرا؟ ليش وليش؟ أسأله ما الها حصر.. وقله الادب وعدم الاحترام كانت تزيد كل ما اكبر على امي… وامي بعمرها ما كانت تخانقني او تزعل مني.. كانت دائما تقول: هادا قدرنا ونصيبنا.. الله يهديكي يا غاده.. وبيوم كنت كتير معصبه وصوتي عالي على امي.. وفات بوقتها اخي عمار ولزقني هاداك الكف وحكالي: لااااا انتي زودتيها كتير.. والي كان حايشني عن اني اضربك من زمان هي امي.. كل ما كان يعلى صوتك علينا اتهمهم باني اضربك وهي اتوقفني…
غاده: بتضربني يا عمار؟ ريتها بالكسر ايدك.. ليش انا شو عملت؟
عمار: ريتها بتنكسر رقبتك.. ولسانك بينقص.. انتي قليله ادب وبتعلي صوتك على امي وما عندك جنس الاحترام الها.. والله والله يا غاده اذا من اليوم ورايح بسمعك بترفعي صوتك على امي او بتعامليها بقله احترام.. لتشوفي شي ما رح يعجبك مني.. ولهون وبس.. يلا انقلعي لجوا وما بدي اشوفك
غاده: لك ريتو الله ياخدني.. الله يقطع هالعيشه … وبعد شي ساعتين لقيت امي فايته لعندي وبتحكيلي: اسمعيني يا غاده انتي اليوم اكبرتي وصرتي بالكليه.. يعني ما عاد متل الاول بنقول صغيره ومعصبه ومعلش.. يا بنتي الفقر الي احنا عايشين فيه ربنا كتبو علينا.. واللهم لا اعتراض.. وفي ناس كتير متلنا.. ويمكن في ناس وضعهم اسوا مننا كمان.. يا بنت بعد وفاه ابوكي.. انتي لسه كنتي سنتين وكنتي بدك رعايه انتي وعمار.. وانا ما رضيت اجيبلكم زوج ام.. ما يكون حنون عليكم او يعاملكم بقسوه.. لكن القسوه اجت منك انتي يا بنتي.. انا ارضيت اشتغل هادا الشغل لانو ما كان في قدامي شي غيرو.. والحمد الله مستوره وماشي الحال.. وبنوكل اللقمه بالحلال.. الله يهديكي يا غاده.. ويبعتلك ابن الحلال اللي يحملك على كفوف الراحه… وطلعت.. انا بوقتها كانت عصبيتي بسبب انو بالكليه عم بشوف البنات شو بلبسن وشو بيشترن.. وانا هنن هنن هاللبستين.. وما بقدر اشتري شي من الكافيتيريا.. وغير عن الكتب كلهم بصورهم ما بقدر اشتريهم.. وهون اتعرفت على مؤمن وحبينا بعض.. صارت شويه مشاكل بسبب ظروف اهلي والفرق في المستوى المادي بين العيلتين… لكن عدت واتزوجنا وقعدنا سنتين بالبلد وهجرت فيهم امي وعمار وحملت برشا.. وسافرنا على البلد الاجنبي وعشنا هناك 15 سنه وما فكرت ولا يوم ارجع على البلد وازور امي.الا قبل الحادثه بشي 6 سنوات بسبب اصرار مؤمن وكان عرس عمار اخي… . احيانا الظروف بتخلينا نتصرف تصرفات نندم عليها مع الناس الي بيحبونا….. وانا بتذكر كل هالذكريات وقضيتهم وانا ابكي على قسوتي وانانيتي وتصرفاتي الا واعيه مع امي فاتت لعندي لاسو واعطتني الدوا ونمت… صار وقت السفر وبلشت انا ولاسو وميتسي نجهز بالشناتي واغراض السفر وانا لسى مقاطعه رشا… وفاتت لعندي وقعدت على ركبها ومسكتني من رجليا وقعدت تبكي.. انا طلبت من لاسو وميتسي يطلعو وبنكمل بعدين ضب الشناتي والاغراض..
رشا: امي من شان الله سامحيني.. والله عجزت وانا احاول.. كل ما اقرب منك بتبعديني.. انا آسفه.. آسفه كتير.. سامحيني.. والله ما رح اعيدها.. انتي ربتيني منيح.. وكنتي حنونه وعمرك ما اخرتيلي طلب او زعلتيني.. وانا بكل وقاحة زعلتك مني.. من شان الله سامحيني
انا مسكتها من كتافها ورفعتها ووقفتها.. وحضنتها بقوه وحكتلها: لك انتي مجنونه؟ لك انتي روحي من جوا.. انتي قطعه من قلبي.. كنت رح اموت وانا بولدك وبجيبك لهالحياه.. انتي بنتي واختي وصاحبتي.. وانا ما بقدر ازعل منك.. بس كان لازم اقاطعك لحتى تعرفي غلطك.. خلص لا عاد تبكي.. يلا روحي وجهزي اغراضك بكرى مسافربن
سافرنا واخدت تكسي ورحت على اقرب فندق.. وتركت لاسو وميتسي هناك وانزلت انا ورشا على بيتنا… الحي الشعبي.. البيت القديم… اول ما انزلت من السياره لقيت بوجهي عمو ابو حسام
ابو حسام: لك هادا انتي غاده؟ بنت ام عمار؟
غاده: اه هادا انا عمو.. كيفك وكيف صحتك؟
ابو حسام: بنشكر الله.. الحمد لله ما شاء الله هادي بنتك؟
غاده: اه عمو هدي رشا بنتي.. عمو ليش بيتنا مسكر بالقفل؟ ووينها امي
ابو حسام: ليش انتي ما بتعرفي شي؟
غاده: لا عمو شو اعرف؟ لا عمو لا تخبرني خبر مو منيح امي صايرلها شي؟
ابو حسام؟ لا يا بنتي مو صايرلها شي.. بس امك بدار المسنين.. اتخانق عمار ومرتو وطلبت الطلاق او انو يوخد امك على الدار.. وهوا باع البيت واشترى بيت قريب منها من الدار وبزورها اسبوعيا
غاده: طيب شكرا عمو الك.. اعطيني عنوان الدار..
اعطيت العنوان للشوفير ورحنا.. واول ما شفت المسؤوله استغربت انو ام عمار الها هون 6 سنين.. وبعمرو ما حدى اجى زارها غير عمار ابنها اول سنتين وبعدها ما عاد رجع الا كل فين وفين …. طلبت اشوفها ورحت على غرفتها.. لقيتها قاعده على تخت وبتطلع من الشباك قربت منها وقلتلها: كيفك يا ام عمار؟ شو ما اشتقتيلي؟
امي: هادا انتي غاده؟ ياااه كل هالوقت يا بنتي ووقفت وحضنتني.. ونادت على رفقاتها.. يا ام سعيد يا ام احمد يا ام سامر تعالو شوفو هي غاده بنتي رجعت من السفر تعالو شوفوها.. واجن صاحباتها وقعدنا قعده حلوه وكلها ضحك.. واخدت رشا جنبها وقعدت تسألها عن دراستها وبعد ما قعدنا لحالنا: اه يا امي راح المزح وصار وقت الجد انتي بدك تسافري معانا.. بكفيكي فقر وعذاب وتعتير.. انا اجيت لحتى ترجعي معي واجازتي اسبوعين
امي:اسافر؟ يا امي يا حبيبتي انا خلص اتعودت على هالعيشه وانا هون مرتاحه وانا بدي اموت هون واندفن جنب ابوكي
غاده: لا بدك تسافري وشو جاب سيره الموت هسه.. الله يخليلي اياكي ويطول بعمرك … ومن هسه بدك تتركي الدار وتيجي معي على الفندق انا حجزت جناح كبير النا.. يلا قومي
امي: ماشي رح اروح معك على الفندق ورح اعيش معاكي هالفتره الي انتي جايتها لكن سفر انا مش مسافره
اخدتها معي على الفندق واشترتلها ملابس جديده وكل يوم نروح على المطاعم والحدائق والمولات ما تركنا مكان ونسهر كل يوم ونضحك.. واجى مؤمن وهوا الي اقنع امي بالسفر وسافرنا كلنا.. وحاولت على قد ما اقدر اعوض امي عن العذاب اللي شافتو مني وعن الفقر والتعتير…. اما عمار اخي ومرتو واولادو فشفتهم 4 مرات.. ووصاني على امي… وبيوم كنت انا وامي ساهرانات عم بنحضر فيلم وبنوكل بزر وبنشرب قهوه.. وانا حكيتلها: امي يا ست الكل معلش اطلب منك شي؟
امي: اه غاده شو في
غاده: امي بدي منك تسامحيني وتترضي عليا.. انا ظلمتك معايا وانا وصغيره وانا وكبيره… . وكنت وقحه وصوتي عالي عليكي وما كنت احترمك وتعاملي كان سيئ.. الله يخليلي اياكي سامحيني
امي: اسامحك؟ اخ يا غاده ذكرتيني باشياء كنت ناسيتها من زمان.. انتي كنتي صغيره.. وانا عمري ما لمتك او زعلت منك.. انت بنتي حبيبتي.. وانا عمري ما اشتكيت من تصرفاتك ابدا بالعكس دائما كنت ادعيلك انو الله يهديكي.. وانو تطلعي من هالفقر.. والحمد لله ربنا استجاب دعائي وبعتلك مؤمن ما شاء الله عليه فيعلا نعم التربايه ونعم الاخلاق والاهم انو بحبك
غاده: يااااه يا امي ما في اطيب من قلبك.. ربنا يقدرني وارد معروفك وجميلك عليا وانتي ربتيني احسن تربايه الله يخليلي اياكي ويطول بعمرك ويعطيكي الصحه حبيبتي
واليوم ليش اتذكرت كل هاي القصه مع امي؟ يمكن لانو اليوم رشا رح تنزف لزوحها… اليوم عرسها وامبارح كانت اخر ليله الها ببيت ابوها.. يمكن لاني رح اصفى لحالي.. رح اعيش من اليوم ورايح لحالي.. امي اتوفت من سنتين.. والحمد لله سفرتها وحققتلها وصيتها بانها تندفن بالبلد وجنب ابي.. والحمد لله اتوفت وهيا تدعيلي وترضى عليا
اهم شي بقصتي اني حاولت ارسم البسمه على وجه امي..بعد كل الخرمان الي شافتو بحياتها…. صح انا فقت واصحيت متاخر.. بس الي بوصل متاخر احسن من الي ما بيوصل ابدا.. زورو امهاتكم.. صلو رحمكم.. جيبولهم شي يفرحهم.. والله كل ام بتستاهل شويه عطف ومحبه.. واياكم مهما حصل تتصرفو بوقاحه او قله ادب .. او تعلو صوتكم عليكم.. واياكم مهما حصل انكم تحطوهم بدار المسنين.. ما بتستاهل الام اللي بتربيكم بدمع عيونها وسهر الليالي والتضحيات انها تكون اخر وضعها بدار المسنين اياكم.. اهتمو فيهم وادعولهم وزوروهم.. واذا متوفيه ادعولها بالرحمه الله يرحمك يا امي
#النهايه