عجينة الفطاير الذهبية عملت منها فطاير السبانخ ومحمرة احفظوها يابنات الوصفة
عجينة الفطاير الذهبية عملت منها فطاير السبانخ ومحمرة احفظوها يابنات الوصفة
معكم صديقة زاكي الشيف الموهوبة Sahera Da
عجينة الفطاير الدهبية
المكونات وطريقة التحضير.
تمن كاسات طحين
كاستين لبن رايب
كاسة شاي زيت نباتي
اربع معالق حليب بودرة
اربع معالق سكر
رشة ملح
كاسة ماء فاتر مضاف عليه
معلقتين خميرة فورية
ومعلقة اكل بكم باودر
ضيفي المكونات مع بعضها عدا الزيت واعجنيهم حتى تتجانس العجينه
ضيفي الزيت واعجنيها مرة تانية خمس دقائق.
غطيها واتركيها بمكان دافي نص ساعة
قرصي العجينه الى كرات
وغطيها بقطعة قماش
افردي اول قطعة قرصتيها وافرديها واحشيها الخلطة التي ترغبي فيها
لن نزلكم طريقة تحضير حشوة السبانخ
سبانخ اربع حبات كبار مغسولين ونشفيهم على شرشف المونه
افرميهم بعد ساعة
ضيفي على السبانخ
بصلتين كبار مفرومين ناعم
كزبرة خضرة حبة مفرومة ناعمة
كاسة شاي جوز مدقوق ناعم
ملح وفلفل اسود حسب الرغبة
فليفلة حارة اربع حبات مفرومين ناعم
معلقة كزبرة ناشفة ناعمة
فنحان دبس رمان او حسب الرغبة
عصير ليمونه
فنحان زيت زيتون
حب رمان حامض اذا وجد
حركيهم واحشي فيهم العجين
احمي الفرن مدة ربع ساعة
اتركيهم عشر دقائق
واشويهم بالفرن مدة عشر دقائق
والف صحة وهنا .
مكونات المحمرة وطريقة تحضيرها
بصلة كبيرة مفرومة ناعمة
بندورة حبة ومفرومة ناعمة
معلقة صلصة
خمس معالق معجون المحمرة المحضرة بالبيت
عصير ليمونه
اربع معالق دبس رمان .
ملخ وفلفل اسود حسب الرغبة
فليفلة حمرة …خضرة طازحة مفرومة ناعمة اربع حبات
زيت زيتون خمس معالق .
معلقة حبة سودة .
معلقة صغيرة شمرة ويانسون
فنحان قهوة جوز مدقوق ناعم
معلقة طحينة
اقلي البصلة لتدبل بزيت الزيتون وضيفي البندورة واغليها حتى تتسبك
ضيفي باقي المكونات على البصل والبندورة .
واتركيهم على نار هادية حتى يتسبكو .
احفظيهم بمطربان بالبراد .