مين حابب ينضم لدرس المسقعة الراقية خطوة بخطوة مع الصور
مين حابب ينضم لدرس المسقعة الراقية خطوة بخطوة مع الصور
معكم صديقة زاكي الشيف الموهوبة Batota Shawky
السلام عليكم حبيياتى نذكر الله ونصلى على الرسول الأول
وياللا نشوف صينية مسقعه باللحمه المفرومه والبشاميل روعه ما شاء الله ان شاء الله تعجبكم 😘 😘 😘
هنا بدل ما اقلى الباذنجان ويشرب زيت كتير انا رصيته فى صينيه مدهونه زيت ورشه مسحت عليه بزيت وتبلته بالملح والفلفل الأسود ودخلته فرن ساخن لحد ما يستوى ويحمر
الطريقه اسكرين شوت مع الصور اللى بتوضح الطريقه بالتفصيل
أرجوا منكم التفاعل 🌹🌹 أحبكم فى الله 🌹
الطريقه:
انا سويت الباذنجان فى الفرن لتقليل الزيت وتكون خفيفه بقطع الباذنجان
شرائح سميكه وادهن صينيه زيت وبعدين ارص الباذنجان وادهنه زيت وارش عليه
شويه ملح وفلفل وادخله الفرن يتحمر او ممكن تشويه واللى يحب يقليه براحته
وكمان قطعت بطاطس شرائح متوسطه ونقليها وبعد كدا نقطع طماطم وبصل
وفلفل اخضر او الوان شرائح رفيعه ونتبلهم بملح وفلفل ونسيبهم على جنب
ونعصج لحمه مفرومه عادى زى ما بتعمليها ونعمل بشاميل سميك شويه عباره عن
كل كوب لبن ليه ملعقتين كبار دقيق انا عملت كيلو لبن اخد حوالى عشر ملاعق
دقيق وبعد ما عملت الباشميل حطيت عليهم تالت بيضات وتبلتهم بملح وفلفل
اسود
بعد كدا جبت صينيه مدهونه وفردت فيها شويه بشاميل وبعدين رصيت طبقه
بطاطس وبعدين طبقه باذنجان وبعدها شرائح الطماطم والبصل والفلفل وبعدين
اللحمه المقرومه وشرائح الطماطم والبصل والفلفل تانى وبعدها الباذنجان
والبطاطس واخر حاجه طبقه من البشاميل وبعدين ندخلها فرن ساخن متوسط
الحراره لحد ما تحمر وتقدم مع ارز وسلطه خضراء
