كبة بدون ماكينة اللي ماعمرها جربت الكبة بحكيلك هذه الوصفة راح تخليك تجربيها اليوم

كبة بدون ماكينة اللي ماعمرها جربت الكبة بحكيلك هذه الوصفة راح تخليك تجربيها اليوم
معكم صديقة زاكي الشيف الموهوبة حنان السليتي

كبه بدون ماكنه…
2 كوب ماء مغلي/ رشة سماق /رشة كمون /ملعقة صغيرة بهارات /رشة فلفل اسود/ ملعقه صغيرة ملح /6 ملاعق زيت نباتي/ 4 ملاعق طحين/ 4 كوب برغل ناعم/ 2 كوب سميد

اول شي مننقع البرغل بالمي المغليه حتى يتشرب كل المي وبعدين منحط المكونات منعجنها مع بعض حتى تتشكل عنا عجينه طريه متماسكه.

💞الحشوه 💞 لحمه مفرومه ناعمه بصل انا حطيت تلت رووس ملح فلفل بهارات سماق ومنقلبهم على النار وفيكي تحطي مع الحشوه فسدق حلبي او صنوبر زي ما بدك ومنشتغل فيها…

انا شكلت اعملت صينيه وكبب ..
الصينيه اول شي مندهن الصينيه كويس بالزيت منحط قطعه من العجنه ما منخليها خميله منفرد عليها الحشوه ومنرد منحط عليها طبقه من فوق من العجنه ومندهن وجها بالزيت ومنقسمها بالسكين منحط السكين بالمي حتى ما تمسك عليها العجينه واحنا منقسم فيها ومنحمرها بالفرن اول شي من تحت لحتى تتحمر الجوانب وبعدين من فوق منحمر الوجه .