احصل على الطريقة الأصلية لعمل الدحدح احفظها فوراً على جوالك

احصل على الطريقة الأصلية لعمل الدحدح احفظها فوراً على جوالك
معكم صديقة زاكي الشيف الموهوبة  Fatmah Abu Diab

طريقه عمل الدحدح
2 كيلو سميد يعني 8 كاسات
3 كاسات سمنه
ملعقه كبيره خميره فوريه
2 ملعقتين كبار كركم

الحشوه
كيلو سكر يعني 4 كاسات
3 ملاعق قرفه ناعمه
2 كاستين جوز الهند
1كاسه جوز عين الجمل مفرومه فرم خشن شوي
ممكن إلى بحب يضيف ملعقه حلبه ناعمه لنكهه وممكن الاستغناء عنها

الطريقه
ناتي بالسميد بنرفع 3 كاسات منه في وعاء ثاني عشان
الحشوه

بعدين بناخذ الباقي بنضع عليه الكركم وبنسيح السمنة وينحطهم
على السميد وبنبس السميد جيدا

نضع ملعقه الخميره بنذوب 4 ملاعق
حليب ب 2 كاستين إلى 3 كاسات ماء فاتر وبعجن الخليط فيهم بنتركهم
على جنب لحد ما نعمل الحشوه

الحشوه نضع 3 كاسات السميد الي اخذناهم من 2 كيلو بنحط عليهم جوز
الهند وعين الجمل والقرفه وكيلو السكر وبنعجنهم بشويه حليب تفتول مثل
الكعك ما بنكتر حليب يادوب بس بدنا نرطبهم ليخطلتوا مش ينعجنوا

ناتي بالسدر نضع نصف العجينه بنفردها طبقه اولى وبعدين نضع عليها
الحشوه و نفردها جيدا مع الضغط عليها جيدا حتى تتماسك مع بعض ناتي
بباقي العجينه ونفردها قطعه قطعه على كيس نايلون ونضعها على
الوجه حتى ننتهي من فردها على الوجه كامل

بنكشها بملقط الكعك أو
بالشوكه نتركها ترتاح تتخمر نص ساعه وبعدها بنخبزها على نار
متوسطه بس نتاكد انها ستوت من تحت بنحمر الوجه وبس تخلص
بنشربها شويه قطر وممكن الاستفناء عن القطر بس القطر يعطيها طراوة
وتماسك وصحتين وعافيه

‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏
‎ ‏