سينابون ازكى واحلى وانظف من المحلات مش مزين…ممكن تضيفو شوكولاته سايحة او خطوط حليب مكثق محلى …
معكم صديقة زاكي الشيف الموهوبة عبيدة ادبيس
سينابون بعجينة خاصة…
4 كاسات طحين +تالت ارباع كاسة حليب ناشف+ ملعقة صغيرة فانيلا+ملعقة كبيرة خميرة+ ملعقة كبيرة نشا +ملعقة كبيرة سكر +2 بيض +تالت ارباع زيت قلي ..
بنعجن المكونات مع بعض
ويتتركهم بالثلاجة ساعة ونص …
بعدين بنجيب قطعة كبيرة وبترقها منيح وبرش سكر بودرة وقرفة
وبتلفها رول وبنقطعها قطع وسط
وبندهن سدر شوية زيت زيتون وبنصف الحبات بينهم فاصل وبنضغط
على كل حبة بكفة االيد ضغطة خفيفة ..وبنتركهم
بمكان دافي لحتى يتضاعف حجمهم تقريبا ساعة ..
انا بسخن الفرن وبطفيه وبتركهم جواته يخمرو
بعدين بالفرن على حرارة 240 بنحمرهم من تحت
ومن فوق وهمي سخنين بنحط عليهم قطر فاتر مايل
للبرودة
ممكن نزين بشوكولاتة سايحة او حليب مكثف محلى
او كراميل
