قصة سيلا الجزء الأول بقلم حنين طه

نور( يا الله صرلي ساعتين ناطرة هون وما كنتو تخلصو يلا يا امي يلا يا ريم )

امي: لك امي اصبري شوي ليش هيك بصلتك محروقة

نور: يعني امي انتي بتعرفي اني الراعي الرسمي لهلحفل هاد ولازم كون من اوائل الموجودين فيه والله هيك ما بصير عم بتأخروني كتير 

ااافت رح رد عالتلفون بتكونو جهزتو

نور: الو اهلين خالة سهر انا تمام انتي كيفك

سهر: بخير حبيبتي شو امك هون

نور: ايه والله هون بتحبي ناديلك عليها

سهر: بصحلي مشوار قريب عليكم مع ابني سامر قلت لحالي بجي معه وبمرعليكم وبقعد مع امك اذا ما عندها شي

نور : اه لحظة لأسالها

حطيت السماعة على صدري واشرت لامي انه خالتي حابة تزورها اخدت الموافقة منها وسكرت السماعة

نور وهلا شو

امي: خلص امي شكله انا ما رح يصحلي اجي معك بعدين امتي بنتي الحلوة ما بينخاف عليكي خدي ريم معك وروحي

نور: يييييي لا خلص بلاها ريم بعرفك ما فيكي تعملي شي بلاها

امي: خلص يا امي خديها هاليوم هيك ببقى مطمنة عليكي اكتر في عندي ليزا بتحوس بين ايدي

ريم: ها وهي انا جاهزة ست نور

نور: طيب يلا رمروم امشي

اخدت ريم وخبرت الشوفير يجهز لنطلع

نور: شو يا طالعة قمر واحلى مني رح تغطي علي هلا

ريم: يييي شو هالحكي ستنا شو ما الواحد يعمل بحاله ما بيوصل لجمالك

وصلت حفلتي كنت عاملة هالحفلة كرمال اطفال السرطان وحاطة كل ارباحي الهم
ناس كتير ومن كبار الشخصيات حضرت الحفل ،،، فرحت بكل الموجودين حكيت مع الكل وناقشت المختصين باكتر من فكرة

ريم: ست نور ست نور موبايلك عم يرن

اخدت التلفون من ايد ريم ؛ ايه امي قليلي

سهر: نور هي انا خالتك سهر

اذا بتقدري تروحي بسرعة لك بنتي امك ما بعرف شو مالها فرطت من بين ايدي

نور: امي انا لك جاية جاية

تركت الحفل متل المجنونة حتى بدون ما اعتذر من حدا بالنسبة الي امي اهم من اي شي حتى اني نسيت ريم بالحفل وطلعت اخدت الشوفير وما بعرف كيف وصلت عالمشفى عند امي

نور: يا روحي يا امي انتي منيحة

امي: منيحة يا نور يا بنتي انتي شو جابك لهون مين خبرك

سهر: انا اتصلت فيها والله يا اختي خفت كتير لما شفتك كيف فرطتي بين ايدي

امي: هاد السكري الله لا يدوقه لحدا

نور: الحمدلله انا اطمنا عنك وامورك كلها تمام

يا ربي نسيت ريم بالحفل رح دق عليها

نور: الو ريم كيفك

ريم: اهلين ست نوروينك انتي وشو صار

نور: امي تعبت شوي واضطريت روح عالبيت

ريم: شوووووو الخانوم الكبيرة صرلا شي هي منيحة

نور: لك ايه ايه شو مالك هلا المهم خليكي بالحفل نائب عني اي حدا بيسئل عن شي او بده اي شي سجليلي اياه بملاحظة لحتى ارجع اطلع عليها وانا رح ابعتلك الشوفير ياخدك

ريم: تمام ست نور ولا يهمك

قفلت الخط مع ريم ورحت قعدت جنب امي عالتخت مسكت ايدها وبستها

نور: الله لا يحرمن من هالطلة ماشي

————————

في الحفل
ريم

كنت عم حاول سجل لنور كل الملاحظات والاشياء المهمة الممكن تلزمها حتى بلش الحفل يخلص والمدعوين يروحو وهيك لحتىروح اخرواحد
قعدت ضبضب باشيائي سمعت صوت حدا من وراي

راشد: بهنيكي ست نورعلى كل هالانجاز اللي عم تقدميه ما شاء الله عنك اللي وصلتيه كبار لهلأ ما وصلوه
لفيت راسي شوي لقيت قدامي شب حلو كتير طويل ،،، ابيض،،، عيونه سود وساع جواتهم فيك تقرا حكايا وروايات

راشد: وست حلوة كمان فوق ما انتي ناجحة

ريم: انا انا بكون

راشد: بعرف مزبوط مين بتكوني اسمك هالايام اشهر من نارعلى علم

ريم: لو سمحت اتركني اشرحلك

راشد: بس لحظة لرد عالتلفون

سرحت فيه وبطريقة كلامه عالتلفون لحتى اني نسيت حالي وهو عم ينادي علي او بالاحرى كان عم ينادي على نور

راشد: ست نور ست نور

ريم: اه معك معك انا

راشد: فيني اعزمك عالعشا هلا

ريم: هلا الساعة تأخرت خلص خليها لوقت تاني

راشد: ممممم طيب ما رح اضغطك اكتر ليكي هاد كرتي وقت ما تحسي حالك فاضية دقيلي

مسكت الكرت وبحلقت فيه ( الدكتور راشد السمن)

ريم: حضرتك طبيب

راشد:ههههههههه شو شايفة بالكرت

ريم: مكتوب الدكتور

راشد: ايه معناتا دكتور

ريم: ماشي تشرفنا بالاذن هلا الشوفير ناطرني تحت

بعدلي عجنب ورفع ايديه لامرق من قدامه

راشد: تفضلي

مشيت بسرعة وانا قلبي عم يخفق خفق وما صدقت ووصلت عند الشوفير ابومحي
اول ما ركبت رفع مراياته واطلع فيني

ابو محي: شو يا ريم ليش هيك عم تلهثي بسرعة وكأنك شايفتلك شوفة

ريم: بتصدق اول مرة بشوفك بتفهم فعلا شايفة شوفة بس شوفة حلوة كتير

ابو محي: ايه نيالك يا عمي لك انحولتي وانتي عم تطلعي لورا

ريم: يييي هلا انت تارك سواقتك ومتبعلي

ابو محي: اي حدا بكون راكب معه هالقمر وبركز بسواقة

ريم: ما خلصنا منه لهالحكي

ابو محي: انتي بس لو تقبلي تتزوجي مني والله لاعيشك ملكة

ريم: ايه بنزل عضرتين لانه ما لاقية حدا يتزوجني انا غيرك امشي خلصني
وصلت البيت وما كان لسا حدا واصل طلعت على غرفة نور حطيتلها الاغراض الي طلبتهم مني باستثناء كرت راشد ما بعرف في شي جواتي خلاني احتفظ بالكرت وكل شوي اطلع فيه واقرأه وكل ما اقرأ منه حرف شوف صورة راشد فيه شوف عيونه وهو عم يطلع فيني

نور:يا ريم وينك

انتفضت خفت تكون عرفت عن راشد من حدا وانا مو مخبرتها عنه

ريم: ايه ايه نور ليكني

نور: لك مالك هيك متل المضروبة كهربا

ريم: لا مو مضروبة شي بس كنتي عم تنادي علي وانا كنت عم اجلي جوا وخفت تكوني بدك شي ضروري وانا اتأخر عليكي

نور: مو مشكلة ريم حبيبتي اذا في مجال اعمليلنا فنجان قهوة وتعي اقعدي جنبي واحكيلي شو صار امبارح بغيابي عن الحفل

ريم: شوبده يكون صاريعني

نور: لك الملاحظات الي كتبتيلي اياها ما عم بفهم منهم شي خطك يا دوب عم ينقرا

ريم: طيب هلا بعمل قهوة وبجي
ايه صحيح نور كيفها المدام

نور: امي منيحة هلا بس تركتها تنام وترتاح شوي

ريم: ايه على خير الله يشفيها

بعد ما خلصت كلامي مع نور رجعت على غرفتي ارتاح شوي وضربت نظر على كرت راشد حبيت دقله ما بعرف ليش يمكن كنت حابة اسمع صوته

ريم: الو

راشد: اهلا تفضلي

ريم: انا

راشد: نور صح

ريم: اه نور كيفك راشد

راشد : يااااه من امبارح الي ناطر مكالماتك والله

ريم: ايه وليكني دقيت

راشد: بشوفك اليوم

ريم: الساعة2 الظهر بناسبك

راشد: خلص بنلتقى معناتا

بعد ساعتين اخدت اذن من الخالة ام نور ورحت لشوف راشد اول ما شافني قام من ورا الطاولة وسحبلي الكرسي لاقعد

راشد: اشرقت الانوار

ريم: شكرا هاد من لطفك

راشد: انتي ليش دايما متوترة ومو على بعضك

ريم: لا لا على بعضي

راشد: بتطلبي اكل ولا بطلبلك عزوقي

ريم: خلص اطلبلي عزوقك

راشد: طيب هاتي قليلي شو اخرمشاريعك في عندك احتفالات جديدة نقاشات اي شي

ريم: اه

راشد: مالك ما في علسانك الا كلمة اه

ريم: ما في شي بس انا هيك لما بقابل حدا غريب بتلبك

راشد: انا متلك بس لما بشوف حدا حلو متلك

ريم: وانا كمان

راشد: معناتا انا حلولهيك متلبكة هالقد

وطيت راسي بخجل ( مزبوط )

لقاءاتي براشد صارت تزيد اكتر واكتر عم حس حالي بتعلق فيه يمكن عم اتعلق بوهم بس هادحكم القلب ما النا عليه اي سلطة

نور: تعي تعي انا من يومين بدي احكي معك

ريم: معي انا خير نور شغلتي بالي احكي

نور: انتي في شي صاير معك

ريم: شو بده يكون صاير معي يعني

نور: يعني تكوني عشقانة مثلا

ريم: لا لا لو في من هالحكي كنت قلتلك

نور: ليكي ريم احنا رفقات اذا بيوم حبيتي تحكي عن الي جواتك انا موجودة لاسمعك لا تفكري اني عم حاول اتجسس عليكي بس من يومين كنت نازلة لطول شغلة من تحت من جنب غرفتك وسمعت صوتك وانتي عم تحكي عالتلفون وتضحكي وصوتك واصل لبرا
ريم: طيب ضروري يكون واحد يمكن رفيقتي

نور: ما بعتقد بتحاكي رفيقتك الساعة 3 الصبح عالعموم انا ما رح اضغط عليكي بس اللي بدي اياه تديري بالك عحالك

تنهدت وابتسمتلها ابتسامة هادية ما بعرف شو في وراها لهلابتسامة يمكن حب يمكن مكر ويمكن كلمة اسفة

ريم: طيب انا لازم قوم لحتى كمل شغلي

نور: خدي راحتك وحاولي تعملي لامي وابي اليوم اكل بملح خفيف وحلو دايت اما انا لا تحسبي حسابي لانه رح كون مشغولة كتير ويمكن ما ارجع لليل

ريم: الله بكون معك وياخد بايدك يا رب

بعدت شوي عنها

ريم: خييي هلا ارتحت من نور لدق لراشد وشوف شو اخباره

ولا ليش لدقله احسن شي روح عنده عالعيادة بعمله اياها مفاجأة

غيرت تيابي عالسريع ورحت خبرت ابو محي اني بدي اشتري شوية اغراض من السوق وبدي مرعالمشفى لجيب دوا لرفيقتي لانها كتير تعبانة

ابو محي: ايه شو عليه لو طلبتي تروحي عالقمر باخدك

ريم: طيب يلا وبلا كترت حكي

وصفته لابو محي مكان المشفى الي بيشتغل فيه راشد ونزلت كنت بكامل اناقتي واللي بشوفني مستحيل يحكي عني مدبرة منزل كنت بين متل سيدات المجتمع لانه الحجة امها لنور كانت عطول تشتريلي تياب وتعطيني مصاري حتى نور كانت اذا بتشوف قطعة تياب حلوة ومميزة تجبلي منها

فتت لجوا المشفى سالت القسم عن مطرح عيادته لراشد ورحت قلت للسكرتيرة اني مريضة ونطرته بغرفة الانتظار عشوي بلاقي خالتها لنور طالعة من عنده لفيت وجهي لاخر الشباك وانا حاول خبيه خوف تشوفني

ريم: ولي على هالحظ تبعي

كانت عم تحاسب برا والسكرتيرة التانية عم تنادي
( ست نور تفضلي لجوا ست نور سامعتيني )

بقيت لافة وجهي وركض لجوا لانه عشوي كنت انفضحت

راشد: ما عم سدق عيوني نورتي بقدرها عندي

ريم: هلا انت ليش لما بتكون عندك مريضة ما بتفوت السكرتيرة معها

راشد: يييي ما شايفة المريضة قد امي

ريم: ايه واذا ما بحبها لهلحركات انا وياما سمعنا عن نسوان على حفة قبرهم ولفو عشباب صغار

راشد: بتغاري علي

ريم: ما خصك ( دقيقة لردعتلفوني )

ريم: ايه ابو محي مشوار شو الي اجاك ضروري هلا وانا كيف بدي روح
كان راشد عم يأشرلي بايده انه قوليله يروح وانا بوصلك بعد تردد كبير قلت لابو محي يروح ووافقت انه راشد يوصلني
كنت خايفة كتيرمن انه حدا يشوفه معي وقتها الف عذر ما رح يخلصني من لسانتهم

قضينا يوم بجنن رحنا على كل مكان فيه طبيعة وخضار طول ما احنا ماشيين كان راشد محاوطني بايده وعم يطلع بعيوني ما تمنيت يخلص الوقت ابدا

انتهى النهار ورجعني راشد عالبيت وصلني عباب البيت وراح وانا دخلت وانا بدعي وبقرا قران ما يكون حدا شافني معه

راشد
كنت مبسوط كتيراني عرفت مكان بيتها بدون ما اسالها دخلت عالبيت متحمس وقربت من امي

راشد: ايه ام راشد ما صار الوقت الي تفرحي فيه بابنك راشد

ام راشد: لك انا كل يوم بترجاك وبنق على راسك وما كنت تقبل

راشد: وهلا تغير الوضع صار بدي

ام راشد: في وحدة معينة ولا بنقي عزوقي

راشد: هو بصراحة في

ام راشد: احكيلي عنها شو متعلمة وضع اهلها حياتها كل شي عنها

راشد: عمهلك امي ( خدي هي رقم اهلها احكي معهم وخدي موعد قريب منهم وبس تروحي لعندهم وتشوفي العز الي هي فيه رح تدعيلي بس اوعك تحكي تحكي اسمي قدام اهلها بدي اعملها مفاجأة لنور

ام راشد: واسمها حلوكمان اااااخ تاريك مو قلبل يا راشد

الساعة8 المسا رنت امي تلفون على بيت اهلها لنور واخدت موعد منهم بدون ما تقلهم عني اي معلومات سوا اني بشتغل طبيب

وبدون ما احكي مع نور ولا خبرها اشتريت بوكيه ورد واخدت الوالدة والوالد ورحنا لبيت اهلها لنور

امها وابوها لنور مبين عليهم ناس تقالين ومحترمين بس اتفاجأت لما ابوها عرفني عصبية قاعدة جنبه انها نور بنته الوحيدة
طيب وين هديك الي انا بعرف انها نور

بقيت كل القعدة مصدوم بدي اسال عن ريم ومع كل محاولات امي لتلطف الجو لانه طار عقلها بنور بس ما كنت قادر اتجاوب معها
افكار تاخدني وافار تجيبني
( معقول انا مخربط بالفيلا ،،، لا بس معقول الصدفة هي اسمها نوروحبيبتي نور وهي كاتبة وباحثة وهديك كاتبة وباحثة اكيد في شي غلط )
لحتى شفت ريم جاي تقدملنا القهوة بتياب الشغل

اطلعت فيني مصدومة ما عاد عرفت تقرب لقدام او ترجع بخطواتها لورا

ام نور: لك ريم مالك قدمي للجماعة الضيافة
ريم ربيت عنا من لما كانت صغيرة بعتبرها متل نور والله بتستحي كل ما تشوف حدا غريب عنا

ام راشد : بنت حلوة ولطيفة وباين عليها نظايفية يا ريت لو انا بلاقي خدامة متلها

لو تعرف امي انه البنت الي عم تحكي عنها خدامة هي الي كانت جاي لتخطبها لابنها

تنحنح ابي وانا سارح مو معهم وطلب نور لالي قد ما امي زقته بظهره

يعني اذا كان في مجال اطلع منها هلا ما عاد يزبط

كنت قاعد على نار وما صدقت متى يخلص الوقت ونطلع من عند الجماعة
لحتى دق على ريم

ريم: راشد انا

راشد: انتي شو انتي وحدة منافقة كذابة حطيتي حالك وحطيتني بموقف زبالة

ريم: حبيتك مو بايدي والله حبيتك خفت احكيلك اني خدامة لاني بعرف لو قلتلك ما رح تحبني لهيك كذبت عليك

راشد: وهلا بعد ما تورطنا وابي طلبها لنور شو بعمل انا

ريم: انه يعني لو ابوك ما طلب نور كنت رح تتزوجني رح تتزوج وحدة متلي

راشد: طيب فهميني والعمل
علىقد ما انا مجروح منك على قد ما انا بحبك

ريم: اتزوج نور وخلينا سوا على علاقة

راشد: قصدك نخونها لنور

ريم: احنا بنعرف بعض قبل نور هي الي دخلت على علاقتنا مو نحنا

راشد: شو عم تحكي انتي واذا انمسكنا

ريم: صرلي عمر عم شوفك واطلع معك وما انمسكنا ايش لننمسك هلا بقى
شو قلت

راشد: قلت اني رح اتزوج نور لاني مستحيل اقدرابعدعنك

……. يتبع غدا بنفس الموعد

ملاحظة: الفكرة ببداية القصة مقتبسة
و لا تستعجلو الاحداث لسا القصة ماا خلصت ولسا دور سيلا ما اجا